Frjáls verslun - 01.10.2005, Qupperneq 101

F R J Á L S V E R S L U N • 1 0 . T B L . 2 0 0 5 101
Uppáhaldsvínið:
EFTIRBRAGÐIÐ MJÖG, MJÖG LANGT
„Eftirlætisvínið mitt er Tignanello
sem kemur frá vínekrum Anti-
nori fjölskyldunnar í Toskana
en þar hefur hún stundað vín-
rækt í 26 kynslóðir samfleytt,“
segir Sigurður M. Magnússon,
forstöðumaður Geislavarna rík-
isins. „Tignanello, sem var hið
fyrsta svonefndra „ofurvína“ frá
Toskana, er að stofni til gert úr
þrúgunni sangiovese (80%) en
bragðbætt bæði með cabernet
sauvignion (15%) og carbernet
franc (5%). „Ofurvínin“ frá Tosk-
ana brjóta strangar reglur sem
gilda um hvaða vínþrúgur má
nota í vínin svo þau megi kenna
við svæðið sem þau koma frá,
t.d. Chianti Classico. Vegna þess
eru þau opinberlega flokkuð sem
„vino da tavola“ eða „borðvín“
sem er ansi neðarlega í gæða-
flokkun vína frá Toskana. Óháð
opinberri flokkun eru „ofurvínin“
frá Toskana í hópi bestu vína hér-
aðsins ef ekki þau bestu.
Besti árgangur Tignanello
í seinni tíð er 1997 sem var
einstaklega gott ár í Toskana.
Tignanello 1997 er stórfenglegt
vín sem einkennist af góðu jafn-
vægi dökkra berja, þroskaðra
ávaxta og mikillar fyllingar.
Tannínin eru mjúk og eftirbragðið
mjög, mjög langt. Dásamlegt vín
í einu orði sagt og mikill gleði-
gjafi með góðum mat í góðra
vina hópi.“Sigurður M. Magnússon, forstöðumaður Geislavarna ríkisins.
Tónlist:
LA TRAVIATA Í UPPÁHALDI
Faðir Kristínar Rafnar, forstöðu-
manns skráningarsviðs Kaup-
hallar Íslands hf., var vanur
að koma heim í hádeginu á
æskuárum hennar og ef tími
gafst til settist hann gjarnan
við píanóið. „Hann var mjög
músíkalskur og spilaði bókstaf-
lega allt - jafnt klassíska tónlist
sem og „Fjárlögin“ eða Íslenskt
söngvasafn. Stundum spilaði
hann líka fyrir okkur á kvöldin
og þetta eru ákaflega góðar
minningar.“
Auk píanósins áttu foreldrar
Kristínar grammófón sem hún
segir að hafi ekki verið algengt
á þessum tíma. Hún ólst upp við
að hlusta á tónlist og hefur það
áhrif á tónlistarsmekk hennar í
dag. Hún hlustar aldrei á tónlist
í vinnunni en þeim mun meira
heima; jafnvel þegar hún er að
vinna heima. Þá velur hún helst
létta söngleiki eða íslenska tón-
list.
„Helsti gallinn er sá að ég
hlusta alltaf á það sem ég
þekki en lítið sem ekkert á
nýtt. Óperur eru í uppáhaldi af
sígildri tónlist og er ég sérstak-
lega hrifin af Verdi. Það eru svo
miklar melódíur í óperutónlist
og er La Traviata í algjöru uppá-
haldi.“ Hún nefnir líka söngleiki
og karlakóra.
„Tónlist er eitt af því allra
besta sem við höfum í lífinu.“
Kristín nam hagfræði í Ohio í
Bandaríkjunum. „Þegar ég fékk
heimþrá setti ég píanókonsert nr.
1 eftir Tschaikowskij á fóninn og
setti allt í botn. Þá hresstist ég
öll við. Það róar og hreinsar hug-
ann og kemur á jafnvægi þegar
hlustað er á tónlist.“ Kristín Rafnar, forstöðumaður skráningarsviðs Kauphallar Íslands.