Frjáls verslun - 01.01.2006, Qupperneq 61

F R J Á L S V E R S L U N • 1 . T B L . 2 0 0 6 61
„Mér sveið þegar jarðir
voru nánast verðlausar,“
segir Guðni Ágústsson.
„Fólk úr öllum stéttum og stigum þjóðfélagsins kaupir
jarðir í sveitunum. Þetta er ágætt mál, ekki síst þegar
því fylgir föst búseta. Nýtt fólk kemur í sveitirnar og
jarðaverð er í sögulegu hámarki. Mér sveið það hlutskipti
íslenskra bænda þegar jarðir voru nánast verðlausar,“
segir Guðni Ágústsson landbúnaðarráðherra.
Íslendingar eru sveitamenn
„Jarðakaupin eru hluti af þeirri samtíðarbyltingu sem
hefur átt sér stað í sveitum landsins á síðustu árum. Aðal-
atriðið er að kaup þessa fólks á jörðum og umsvif sem
þeim fylgja skapi ný atvinnutækifæri og stærstur hluti
þessa fólks er kominn til að taka þátt í menningar- og
félagsstarfi sveitanna. Þetta skapar bjartsýni og trú á sveit-
unum. Ég held að þótt flest þetta fólk stundi ekki hefð-
bundinn landbúnað, vilji það samt telja sig bændur. Um
það ber okkur að hugsa. Með breyttum framleiðslu- og
búskaparháttum þarf færri jarðir til hefðbundins landbún-
aðar, það er mjólkur- og kjötframleiðslu og með því skap-
ast svigrúm til landnýtingar með öðrum hætti en verið
hefur. Hlutverk sveitanna verður fjölþættara en áður.“
Guðni Ágústsson minnir á að Íslendingar séu sveita-
menn að uppruna og skiljanlega vilja því margir eiga sér
dvalarstað úti á landi til að lifa þar og njóta sveitarinnar.
Stunda til dæmis skógrækt, vera þátttakendur í ævintýr-
inu með íslenska hestinn eða staðsetja sig í sveitinni og
rækja þaðan verkefni sín í fjarvinnslu.
Landbúnaðurinn eigi tryggt land
„Sú þróun að þéttbýlisfólk kaupi jarðir hefur til þessa
verið íslenskum landbúnaði hagfelld og ekki hefur komið
til neinna alvarlegra árekstra milli þess og þeirra sem
sveitirnar sitja fyrir,“ segir Guðni Ágústsson. „Það viðhorf
hefur heyrst að íslenskir bændur séu að verða nánast
leiguliðar auðmanna. Þar minni ég hins vegar á að hvergi
sem hér á landi eru jarðir í jafnríkum mæli í eigu bænd-
anna sjálfra og á síðustu árum hafa bændur í æ ríkari
mæli keypt jarðirnar sem þeir sitja af ríkinu. Hins vegar
þurfum við nauðsynlega að vera vakandi yfir þessari
þróun. Í mínum huga er mikilvægt fyrir þróun landbún-
aðarins að greinin hafi tryggt land til sinnar framleiðslu.
Landbúnaðurinn, sem er aðalatriðið, má ekki eiga í vök
að verjast.“
Jarðakaup eru hluti af samtíðarbyltingu, segir landbúnaðarráðherra.
HLUTVERK SVEITANNA
VERÐUR FJÖLÞÆTTARA
E F N A F Ó L K K A U P I R B Ú J A R Ð I R
Við sækjum! S. 520 2220 www.efnamottakan.is
Spillum ekki framtíðinni
Við eyðum trúnaðargögnum
Efnamóttakan býður fyrirtækjum upp
á sérhæfða og umhverfisvæna þjónustu.
Rík áhersla er lögð á fullkomið öryggi
og trúnað. Efnamóttakan í Gufunesi
er opin virka daga frá 7.30 – 16.15.
Einkamál
Dæmi:
Trúna›arskjöl
Filmur
Tölvugögn
M
IX
A
•
fí
t
•
5
1
0
0
2
Guðni segir að íslensk jarðalög séu frjáls-
lynd og ekki verði aftur snúið til þess sem
var: að sveitarstjórnir hefðu forkaupsrétt að
jörðum. Þau ákvæði hefðu stangast á við eign-
arrétt og stjórnarskrá. „Að mínu mati hafa ný
jarðalög ekki leitt til neinna slysa. En vissu-
lega þarf á hverjum tíma að fylgjast með nýrri
löggjöf og þróun hennar og auðvitað stöðu
landbúnaðarins. Það er verkefni okkar hér í
landbúnaðarráðuneytinu, Bændasamtakanna
og Búnaðarþings.“