Frjáls verslun - 01.01.2006, Qupperneq 83

F R J Á L S V E R S L U N • 1 . T B L . 2 0 0 6 83
F K A V E R Ð L A U N I N
bundin viðskipti um langan tíma hafi hún stýrt rekstri
eins af stærstu bæjarfélögum landsins og sé núna for-
stjóri eins af stórveldunum í íslensku viðskiptalífi.
Ásdís varð bæjarstjóri í Garðabæ árið 2000. Hún hefur
tekið virkan þátt í félagsstarfi, m.a. á stjórnmálasviðinu,
er konum hvatning og fyrirmynd og því vel að viðurkenn-
ingunni komin, að mati Félags kvenna í atvinnurekstri.
Ásdís Halla sagðist hafa lært að hægt væri að ná hvaða
árangri sem er, ef manni væri sama hver fengi þakkirnar
fyrir það, en hún væri nú himinlifandi yfir þessari við-
urkenningu. Hún sló á létta strengi í ræðu sinni um að
„hún væri ekki enn búin að ákveða hvað hún ætli að
verða þegar hún yrði stór“. Hún sagði að það skipti sig
meira máli að gera eitthvað sem væri skemmtilegt en
„að verða eitthvað“. Fátt væri þó skemmtilegra en þegar
ungar stelpur kæmu til sín með spurningar um framtíðina
og vildu fá að ræða hana. Hún þakkaði FKA góð störf,
sem fælust m.a. í að styrkja tengslanet kvenna í atvinnu-
rekstri.
Alltaf komist vel af í karlasamfélaginu Rakel Olsen,
stjórnarformaður Sigurðar Ágústssonar í Stykkishólmi,
hlaut þakkarviðurkenningu FKA. Að mati dómnefndar
hefur dugnaður, áræðni og kjarkur einkennt Rakel Olsen
og hún er sönnun þess hversu miklu þessir eiginleikar
geta skilað í rekstri fyrirtækja. Hún hefur helgað grund-
vallaratvinnuvegi þjóðarinnar starfskrafta sína og gert
það á þann hátt að eftir hefur verið tekið.
Rakel hefur tekið virkan þátt í félagsstörfum alla ævi,
verið áhugamaður um verndum gamalla húsa og fyrir-
mynd margra kvenna í gegnum tíðina. Rakel rifjaði upp
breytingar í viðskiptalífinu frá því að hún hóf þátttöku
sína, höft, verðbólgu og seinagang og sagði heiminn hafa
færst nær og gert yngri kynslóðum lífið auðveldara í
viðskiptum. Rakel sagði viðurkenn-
inguna ekki verða til þess að hún
settist í helgan stein í sjávarútveg-
inum, hún hefði alltaf komist vel af í
karlasamfélaginu og hvatti konur til
að hasla sér völl og taka virkan þátt
í íslenskum sjávarútvegi.
Fyrstur karla til að hljóta viður-
kenningu FKA Jón G. Hauksson,
ritstjóri Frjálsrar verslunar er fyrsti
karlmaðurinn til að hljóta hvatning-
arverðlaun FKA. Jón G. er viðskiptafræðingur að mennt
og hefur starfað við fjölmiðla frá árinu 1982 og fengist
mest við skrif um viðskipti og efnahagsmál. Hann hefur
verið ritstjóri Frjálsrar verslunar í fjórtán ár eða lengur en
nokkur annar í 67 ára sögu blaðsins.
Birna Einarsdóttir, framkvæmdastjóri hjá Íslands-
banka, afhenti Jóni viðurkenninguna. Hún sagði að hann
fengi þessa viðurkenningu fyrir mikla, fagmannlega og
vandaða umfjöllun Frjálsrar verslunar um konur í stjórn-
unarstörfum.
Verðlaunahafar ásamt Valgerði Sverrisdóttur, iðnaðar- og viðskiptaráðherra á FKA-hátíðinni. Frá vinstri: Margrét Þóra
Kristmannsdóttir, formaður FKA, Jón G. Hauksson, Rakel Olsen, Ásdís Halla Bragadóttir, Valgerður Sverrisdóttir og Birna
Einarsdóttir, framkvæmdastjóri markaðssviðs Íslandsbanka.
Rakel Olsen,
forstjóri Sigurðar
Ágústssonar fékk
þarkkarviður-
kenningu FKA.