Ægir - 01.03.2003, Blaðsíða 17
17
F R É T T I R
Úthafskarfaveiðar á Reykjanes-
hrygg hafa verið stundaðar af
íslenskum skipum á annan
áratug og nær öll árin gengið
mjög vel. Þessar veiðar eru
farnar að skipta útgerðirnar
miklu máli en þær standa yfir-
leitt yfir frá um 20. apríl og
fram í miðjan júlímánuð. Á síð-
asta ári var kvóti Íslendinga í
þessum veiðum 45 þúsund
tonn en var aukinn um 20% og
er því 54 þúsund tonn í ár.
,,Ég er búinn að stunda þessar
veiðar í 11 ár. Það leggst alltaf vel
í mig að byrja á hverju ári og
viðarnar eru tilhlökkunarefni.
Okkur hefur alltaf gengið vel
þarna, ef árið 2001 er undanskil-
ið. Í fyrra gengu veiðarnar mjög
vel, það var hægt að draga allt að
50 mílur og fá tonn á togtímann.
Það var óvenju mikill karfi á
óvenju stóru svæði þarna í fyrra,”
segir Símon Jónsson yfirstýrimað-
ur á Örfirisey RE-4, en eins og
fram kemur hér að ofan þekkir
hann mjög vel til þessara veiða.
Undanfarin ár hafa borist fréttir
af geysilegum fjölda skipa að
veiðum á Reykjaneshrygg, beggja
megin 200 mílna línunnar. Þarna
hefur verið fjöldi íslenskra skipa
en einnig skip margra annarra
þjóða sem hafa ekki heimild til að
fara innfyrir 200 mílna línuna
þótt á stundum hafi vaknað grun-
ur um að menn væru að svindla
örlítið.
,,Já, menn toga þarna oft marg-
ir hlið við hlið og þetta gengur
þannig fyrir sig að þegar einn
snýr þá getur sá næsti fylgt á eft-
ir. Það er oft mikil þröng á þingi
þarna,” segir Grímur Jónsson.
Hann segir að íslensku skipin
fái mikinn hluta síns afla innan
lögsögunnar en þó verði að vera
utan 150 mílna til að hægt sé að
flokka aflann sem úthafskarfa.
,,Við förum heilu túrana án þess
að sjá til útlendinga. Þeir eru
ekki mikið fyrir innan landhelg-
islínuna, ég held að það sé innan
skekkjumarka,” segir Grímur.
Grímur segir ekki mikið vitað
um stofninn sem veitt er úr á
Reykjaneshrygg. ,,Fyrstu árin
okkar þarna vorum við að veiða á
100-200 faðma dýpi frá yfirborði
en á síðustu árum hefur þetta ver-
ið á 350-500 föðmum. Ég held að
stofninn sem við veiddum úr
fyrstu árin sé stofninn sem síðan
er veitt úr við Grænland síðsum-
ars en sá úthafskarfi sem við höf-
um fengið síðustu árin sé annar
stofn,” segir Grímur.
Hann segir að veiðitíminn á
,,Hryggnum” standi yfir fram í
júlí, en síðan taki við veiðar í lög-
sögu Grænlands. Þeir sem eigi
nægan kvóta geti því stundað
þessar veiðar í 4 mánuði. Að sögn
Gríms eru skipin sem geta fryst
um 500 tonn upp úr sjó oft um
tvær vikur að fylla sig, en stærri
skipin með meiri frystigetu eru
lengur og Örfirisey sem dæmi um
4 vikur að fylla sig með 1200
tonna afla upp úr sjó.
Úthafskarfaveiðarnar á Reykjaneshryggnum að hefjast:
Veiðarnar alltaf
tilhlökkunarefni
- segir Grímur Jónsson yfirstýrimaður sem hefur ,,farið á Hrygginn”
11 síðustu ár
Fjölgun sela og annarra
sjávarspendýra í
Norðurhöfum
Á ársþingi norska sjómannasambandsins voru menn hugsandi yfir fjölgun sela og
annarra sjávarspendýra á norðlægum slóðum.
Fiskaren greinir frá ályktunum þingsins: Ársþingið óttast umhverfisslys ef ekki verður
hægt að hemja stórfellda fjölgun sjávarspendýra í Norðurhöfum, sem veldur miklu álagi á
fiskistofnana. Sömuleiðis er hætt við mjög auknum ágangi sela við ströndina. Selurinn er
í beinni samkeppni við sjómenn um fiskinn og spillir auk þess veiðarfærum. Þess vegna
krefst Sjómannasambandið þess að yfirvöld og stjórnmálamenn geri tafarlaust ráðstafanir
gegn þessari vá.
Ársþingið óttast líka útbreiðslu kóngakrabbans, sem er að leggja undir sig of stóran
hluta strand- og hafsvæða. Mörgum spurningum er ósvarað um áhrif útbreiðslu
kóngakrabbans, en rannsóknir benda til þess að hann geti spillt hrygningarstöðvum fisks
og þannig beinlínis minnkað nýja árganga.
Veiðikvóta á kóngakrabba þarf að stórauka og einnig krefst ársþingið þess að meira fé
verði varið til þess að rannsaka kóngakrabbann og áhrif hans á náttúruna.
Ársþingið undrast afstöðu stjórnvalda til bresku ríkisstjórnarinnar, sem þrátt fyrir
mikinn þrýsting frá nágrannaþjóðum leggur blessun sína yfir eyðileggingu hafsvæða með
því að veita geislavirkum úrgangi frá Sellafield í hafið. Við teljum nauðsynlegt að
stjórnmálamenn og yfirvöld þrýsti svo á bresku stjórnina að hætt verði að menga hafið á
þennan hátt og vekja með því vafa um gæði fisks og skeldýra sem veidd eru á þessum
svæðum. Ársþingið telur ennfremur að stöðva beri mengun frá olíuiðnaði.