Ægir - 01.03.2003, Blaðsíða 25

S M Á B Á TA R
25
Þorvaldur segir að fyrstu árin í
hans útgerð hafa verið unnið eftir
sóknarstýringu. ,,Það breyttist og
ég var þeirri stundu fegnastur
þegar ég gat breytt og farið yfir í
kvótakerfið. Ég er feginn því að
geta ráðið sjálfur mínum veiðum
og hvenær ég tek þann kvóta sem
ég á. Öll kerfi hafa auðvitað sína
kosti og galla en ég er ánægður
með að vinna í kvótakerfinu,”
segir Þorvaldur.
Kvóti hans nemur 220
þoskígildistonnum og Þorvaldur
segir þann kvóta hafa nægt sér á
síðasta ári. ,,Það er alltaf svo að
mann vantar kvóta í einhverjum
ákveðnum tegundum og mig
vantar t.d. kvóta í löngu og keilu
og þarf hugsanlega að leigja ein-
hvern kvóta í sumar. Annars pass-
ar minn kvóti nokkurn veginn
fyrir mig, ég hef verið að veiða
um 300 tonn á ári og 220 tonna
kvótinn miðast við slægðan fisk.”
Þorvaldur segist telja ástandið í
sjónum mjög gott og það sé
greinileg uppsveifla. ,,Ég var
samþykkur því þegar þorskkvót-
inn var keyrður niður fyrir
nokkrum árum og ástandið hefur
batnað mikið. Það hefur þó ekki
verið mikill fiskur á grunnslóð í
vetur en utar hefur gengið mjög
vel á línuna og maður fengið vel
haldinn og feitan fisk. Eitt vakti
þó athygli mína í vor að það kom
engin loðna á svæðið. Þó ég þekki
ekki mikið til, þá er ég mjög
hræddur um að við séum að sjá
neikvæð áhrif flottrollsveiða á
loðnustofninn. Ég er hræddur um
að flottrollin tæti í sundur loðnu-
torfurnar og drepi meira en skilar
sér um borð í skipin,” segir Þor-
valdur.
Þorvaldur skipstjóri ásamt háseta að lokinni löndun í Þorlákshöfn.
Myndir: Sverrir Jónsson
Sæunn Sæmundsdóttir ÁR-60 kemur til hafnar úr róðri.