Ægir - 01.03.2003, Blaðsíða 16

16
F R É T T I R
Framleiðum vertíðarbáta,
vatnabáta og heita potta.
Tökum einnig að okkur
breytingar á bátum. Plastverk framleiðsla ehf.
Strandgötu 21 – 245 Sandgerði – Sími/Fax 423 7702
Fyrirtækin Icedan og Ísfell-
Netasalan hafa verið sameinuð
formlega í öflugt, alhliða þjón-
ustufyrirtæki í sjávarútvegin-
um, Ísfell ehf. Höfuðstöðvar
Ísfells eru að Fiskislóð í
Reykjavík, útibú er í Hafnar-
firði og dótturfyrirtæki í St.
Johns í Kanada.
Ísfell rekur fjórar framleiðslu-
einingar veiðarfæra undir nafninu
Ísnet á landsbyggðinni, þ.e. í
Hafnarfirði, Þorlákshöfn, á Sauð-
árkróki og Akureyri og er auk
þess meðeigandi í Netagerðinni
Höfða á Húsavík.
Starfsmenn Ísfells og Ísnets eru
alls 65 talsins og heildarvelta hér-
lendis er áætluð 1,5 milljarður
króna. Hólmsteinn Björnsson er
framkvæmdastjóri heildsölustarf-
semi fyrirtækisins en Ólafur
Steinarsson er framkvæmdastjóri
framleiðslustarfseminnar.
Starfsemi Ísfells er vafalaust sú
umfangsmesta á sínum sviðum
hérlendis og tekur til framleiðslu
veiðarfæra, vörusölu og þjónustu,
allt frá handfærum upp í stærstu
flottroll sem þekkjast. Fyrirtækið
er m.a. í nánu samstarfi við Sel-
stad AS í Noregi og Rofia í
Þýskalandi um þróun, sölu og
þjónustu veiðarfæra, einkum tog-
veiðarfæra. Ísfell, Icedan Ltd
Kanada, Selstad og Rofia mynda
þannig þéttriðið þjónustunet á
Norður-Atlantshafi.
Sölustarfsemi Ísfells skiptist í
togveiðisvið, netaveiðisvið,
krókaveiðisvið, iðnaðar- og
rekstrarvörusvið og björgunar-
vörusvið. Iðnaðar- og rekstrarvör-
ur fá aukið vægi í rekstrinum
með nýrri deild á Óseyrarbraut í
Hafnarfirði. Sölustarfsemi verður
áfram í svipuðu horfi hvað varðar
togveiðarfæri, net og línu en
birgðahald aukið verulega á öll-
um starfsstöðvum. Þannig verður
t.d. hægt að fá línuábót og beitu í
Hafnarfirði sem er nýlunda og
sparar þeim Suðurnesjamönnum
sporin sem hingað til hafa sótt þá
þjónustu út á Granda.
Framleiðslueiningarnar Ísnet
verða efldar verulega. Þannig hef-
ur fullkomið víraverkstæði verið
sett upp hjá Ísneti Akureyri til að
þjóna útgerðum á Norðurlandi. Í
Hafnarfirði rekur Ísnet flottrolls-
og nótaverkstæði af fullkomnustu
gerð við hafnarbakkann. Sérstök
áhersla verður lögð á uppsetningu
og þjónustu flottrolla og í þeim
geira þjónustunnar blæs fyrirtæk-
ið til sóknar.
Ný stjórn hefur verið kjörin
fyrir Ísfell ehf. Hana skipa Pétur
Björnsson, formaður, Hans Petter
Selstad, varaformaður, Daníel
Þórarinsson, Baldur Guðnason og
Pétur Reimarsson.
Nýtt og öflugt
þjónustufyrirtæki
í sjávarútveginum