Ægir - 01.03.2003, Blaðsíða 29

R Æ K J U V I N N S L A
29
„Afurðaverð hafa verið mjög
lág og miklir erfiðleikar síðustu
misserin,” segir Pétur Haf-
steinn Pálsson framkvæmda-
stjóri Vísis hf í Grindavík, en
fyrirtækið er með umfangs-
mikla rækjuvinnslu á Húsavík.
Pétur segir nákvæmlega ekkert
í umhverfinu mæla með því að
bati sé í augsýn, annar en sá sem
hugsanlega sé hægt að knýja fram
með enn meiri hagræðingum og
aðhaldsaðgerðum en þegar hefur
verið gripið til.
,,Það er ekki vandamál að fá
nægjanlegt hráefni og vinnslan
sem slík er ekki vandamálið.
Vandamálið er salan og það verð
sem fæst fyrir afurðirnar. Okkar
næstu ráð í þessari baráttu gætu
verið að aðskilja þennan rekstur
frá félaginu og fá fleiri aðila til að
koma að honum. Þau mál eu í
vinnslu hjá okkur,” sagði Pétur
Hafsteinn.
,,Þetta ástand er búið að vera
lengi, og rækjuviðar og sér-
staklega vinnslan er sá hluti
sjávarútvegsins sem hefur stað-
ið hvar verst undanfarin ár.
Með styrkingu krónunnar und-
anfarna mánuði má eiginlega
segja að dregið hafi fyrir sólu
hjá þeim aðilum sem eru í
rækjugeiranum,” segir Arnar
Sigurmundsson, formaður Sam-
taka fiskvinnslustöðva, um
vanda rækjuveiða og sérstak-
lega vinnslunnar.
Ástandið varðandi rækjuna er
dálítið sérstakt. Menn eru flestir
sammála um að ástand stofnsins
hér við land sé á uppleið og muni
e.t.v. geta náð ákveðnum toppi
eftir 2-3 ár, afurðaverð erlendis
hefur ekki lækkað undanfarin 2-
3, nema því sem nemur lækkun
krónunnar. Það er því sterk staða
krónunnar gagnvart öðrum gjald-
miðlum sem fyrst og fremst á sök
á því hvernig staðan er í dag.
Arnar segir að m.a. í ,,hörku-
fyrirtækjum” eins og hann orðaði
það, hafi menn orðið að grípa til
aðgerða til að verja stöðu sína.
Sumstaðar hafa viðbrögðin orðið
þau að loka fyrir rækjuvinnslu
tímabundið en á öðrum stöðum
hefur verið degið úr vinnslu eftir
mjög miklar aðhaldsaðgerðir.
,,Þessi mikla styrking krón-
unnar kom ofan í mjög erfiðan
rekstur víða í útvegi og vinnslu.
Víða gátu menn brugðist við, en í
rækjunni var þetta bara einfald-
lega of mikið og yfir því sem
menn gátu höndlað,” segir Arnar.
Hann segir gengi krónunnar
ráðist á markaði. Sitt álit og
fjölda annarra sé hins vegar að
forsendur vanti fyrir styrkingu
krónunnar. ,,Krónan er allt of
sterk fyrir útflutningsgreinarnar,”
segir Arnar.
Krónan alltof sterk fyrir
útflutningsgreinarnar
- segir Arnar Sigurmundsson, formaður Samtaka fiskvinslustöðva, um
rekstrarvanda rækjuvinnslunnar
Miklir erfiðleikar
síðustu misserin
-segir Pétur Hafsteinn Pálsson framkvæmdastjóri Vísis í Grindavík