Ægir - 01.02.2003, Blaðsíða 10
10
F Y R I RT Æ K I
Af öðrum framleiðsluvörum
Hextækni má nefna mælikerfi
fyrir birgðatanka í landi, hæðar-
mælingu með geislatæki, mæli-
kerfi fyrir bensínstöðvar, djúp-
ristumæli, dýpismæli og rennslis-
mæli. Þá hefur Hextækni unnið
að þróun á aðvörunarkerfi fyrir
díselvélar og brunaþrýstinema á
díselvélar, sem og olíueyðslumæli
og orkumæli.
Grímur Agnarsson, markaðs-
stjóri, segir Hextækni leggja höf-
uðáherslu á að mælibúnaðurinn
skili nákvæmum upplýsingum og
áreiðanleika. „Aðstæður fyrir
mælibúnaðinn eru oft mjög erfið-
ar, t.d. hvað varðar hristing úti á
sjó og titring á díselvélum. Slíkt
þarf að taka með í reikninginn og
við höfum sannreynt að mælibún-
aður er að skila mjög mismun-
andi nákvæmi. Reynsla þeirra
Davíðs, Níls og þeirra tækni-
manna af þróun tæknibúnaðar
hefur hins vegar skilað okkur
búnaði sem við fullyrðum að er
meðal þess sem best gerist hvað
varðar nákvæmni og áreiðan-
leika,“ segir Grímur.
Djúristan mæld
á nákvæman hátt
Eitt af athyglisverðari þróunar-
verkefnum Hextækni er skynjara-
búnaður fyrir djúpristu skipa.
Þessar upplýsingar geta verið
mjög mikilvægar fyrir skipstjóra
og er hugmyndin sú að skipstjóri
geti út frá sjávarhæð, djúpristu
skipsins og botni í höfn kallað
fram nákvæmar upplýsingar um
fjarlægð frá skipinu í botn.
„Allt þetta er hægt að tengja
saman í skjámyndakerfi í skipinu
þar sem hægt er að lesa upplýs-
ingar frá skynjörum, hvort heldur
er um stöðu í tönkum, lestum,
upplýsingar um vélbúnaðinn eða
djúpristuna og fleira,“ segir
Grímur.
„Eigum erindi
á erlendan markað“
Bjarni Kristinsson, framkvæmda-
stjóri Hextækni, segir tækifæri
framundan í vexti fyrirtækisins.
„Við vitum að framleiðsla okkar á
erindi bæði á landi og sjó hér inn-
anlands og sömuleiðis á erlendan
markað. Olíuiðnaðurinn er t.d.
dæmi um stóran markað fyrir
okkur og sama má segja um allan
skiparekstur og margskonar iðn-
að. Það má segja að við höfum að
undanförnu verið að skipuleggja
fyrirtækið, koma okkur fyrir í
nýju húsnæði og vanda alla um-
gjörð um þann grunn sem er
hugvit og þróun þeirra Davíðs og
Níls. Framundan er að framleiða
og markaðssetja okkar vörur,
bæði hér heima og erlendis, og
við erum bjartsýnir.“
„Verkmenntunin mikilvæg
fyrir okkur“
Davíð Gíslason er hugvitsmaður
og hefur mikla reynslu að baki í
tækniþróun ýmis konar. Eftir að
hafa stofnað og starfað hjá DNG
stofnaði hann Hex sf. um þróun á
skynjarabúnaði og lagði grunn að
Hextækni ehf. sem stofnað var
um mitt ár 2000.
Davíð segir að sífellt séu tæki-
færi fyrir hendi og þörf fyrir nýj-
an tæknibúnað. Aðspurður segir
hann fyrirtækið hafa alla mögu-
leika til að vaxa á Akureyri en
lykilþáttur í því sé að það hafi að-
gang að tæknimenntuðu fólki.
„Einn af þeim þáttum sem
skiptir fyrirtæki eins og okkar
máli er að hér á Akureyri sé vönd-
uð verkmenntun og ég hlýt því
að leggja mikla áherslu á að það
verði staðið vel við bakið á Verk-
menntaskólanum hér í bænum.
Verði afturför í verkmenntun þá
missum við í burtu af svæðinu
ungt fólk sem annars hefði farið
hér í nám og komið inn í fyrir-
tæki eins og Hextækni til að fá
störf við hæfi. Þess vegna er það
eitt af hagsmunamálum okkar að
hafa góða verkmenntun í næsta
nágrenni við okkur og að þar sé
áhersla lögð á þau svið sem nýtast
okkur,“ segir Davíð Gíslason.
Níls og Davíð Gísla-
synir. Níls býr í
Brasilíu og vinnur þar
að verkefnum fyrir
dótturfyrirtæki Hex-
tækni en Davíð er í
þungamiðju þróunar
og framleiðslu fyrir-
tækisins hér heima.
Bjarni Kristinsson, framkvæmdastjóri, og Grímur Agnarsson, markaðsstjóri.