Ægir - 01.03.2005, Blaðsíða 14
14
M E N N T U N
Um það leyti sem blásið var til
hins árlega Skrúfu- og kynningar-
dags í hinu virðulega húsi Sjó-
mannaskóla Íslands við Háteigs-
veg í Reykjavík í marsbyrjun var
kynnt nýtt nafn skólans, en allt
starf Stýrimannaskólans í Reykja-
vík og Vélskóla Íslands hefur nú
verið sameinað undir einu nafni í
Fjöltækniskóla Íslands. Sem
kunnugt er tók Menntafélagið
ehf. við rekstri skólanna tveggja
fyrir um hálfu öðru ári. Síðan hef-
ur verið unnið að því að móta
nýjar áherslur í starfinu, en að
Menntafélaginu standa Lands-
samband íslenskrra útvegsmanna,
Samorka og Samband íslenskra
kaupskipaútgerða. Fulltrúar þess-
ara aðila sitja í stjórn og einnig
eru þar fulltrúar úr röðum Far-
manna og fiskimannasambands
Íslands, Sjómannasambandsins og
Vélstjórafélags Íslands.
Vélfræðingar með
góðan bakgrunn
„Vissulega er ekki algengt að
þessi samtök, sem standa fyrir
mjög svo ólíka hagsmuni, sam-
einist í einstökum verkefnum.
Þetta samstarf hefur hinsvegar
reynst mjög farsælt í alla staði,“
segir Jón og nefnir skynsemisrök
þar til sögunnar. Í skipstjórnar-
náminu hafi nemendum farið
fækkandi en fjöldinn verið
stöðugri í vélstjórnarnáminu og
aðgerðir hafi þurft að koma til.
Um það hafi menn verið sam-
mála, óháð stétt og stöðu.
Nemendur Fjöltækniskóla Ís-
lands eru í dag um 280 talsins.
Um 75 eru í skipsstjórnarnámi og
rúmlega 205 í vélstjórnardeild -
sem er um 10% fleira en á síðasta
skólaári. Í skipstjórnarnáminu er
talan hinsvegar á svipuðu róli og
var. Kveðst Jón búast við því að
sú verði raunin áfram, enn um
sinn að minnsta kosti.
„Þetta ræðst einfaldlega af því
að atvinnumöguleikar skipstjórn-
armanna eru að þrengjast: skip-
unum er að fækka og þau sem eft-
ir eru verða æ stærri. Þó eru opnir
ýmsir möguleikar til framtíðar og
má þar nefna aukna möguleika til
starfa erlendis. Staða vélfræðinga
er allt önnur og atvinnumögu-
leikar þeirra margir, enda fara
nemendur héðan við brautskrán-
ingu með mjög fjölþættan bak-
grunn. Eru komnir með menntun
og reynslu í vélstjórn, málsmíði
og rafmagnsfræði - og raunar
klára það sem á vantar í rafvirkj-
un með kvöldnámskeiðum. Vita-
skuld eru svona menn fyrirtækj-
unum mikilvægir og góðir starfs-
kraftar, enda skila þeir allt öðru-
vísi og verðmætara starfi en þeir
sem hafa minni og fábreyttari
menntun.“
Breytingar í skrefum
Jón B. Stefánsson segir að þegar
Menntafélagið tók við skólunum
tveimur hafi verið ákveðið að fara
hægt í sakirnar við breytingar.
Nálgast hlutina með skrefum
fremur en stökkum. „Vissulega
var ákveðin andstaða ríkjandi við
breytingar. Við vildum því ekki
byrja á umbyltingum enda er
slíkt sjaldnast affarasælt. Ef farið
hefði verið bratt í málið hygg ég
að sameining hefði verið útilokuð.
Því varð að vinna hlutina svolítið
innanfrá og undirbúa jarðveginn
fyrir það sem koma skyldi.“
Viðtal og myndir:
Sigurður
Bogi Sævarsson.
Skip- og vélstjórnarmenntun sameinast í Fjöltækniskóla Íslands
– Tæknisvið og Sjávarútvegssvið meðal nýjunga:
Einkavæddur skóli en
markmiðin þau sömu
„Fjöltækniskólinn er fyrsti framhaldsskólinn sem færður er úr ríkis-
rekstri yfir til einkaaðila og sjálfur er ég sannfærður um ágæti þessa fyr-
irkomulags. Við höfum ákveðið svigrúm í rekstri umfram aðra. Þó er
mikilvægt að hafa í huga að markmiðin sem stefnt er að eru hin sömu
hver sem svo stendur að rekstrinum. Skólar eru eins og hvert annað fyr-
irtæki sem veitir viðskiptavinum sínum, það er nemendum, þjónustu
og það er gert á grundvelli aðalnámsskrár og laga sem um skólastarf
gilda,“ segir Jón B. Stefánsson skólameistari Fjöltækniskóla Íslands.
Sjómannaskólinn við
Háteigsveg. Húsið held-
ur áfram sínu nafni þótt
skólastarfið verði nú
rekið undir heitinu Fjöl-
tæknskóli Íslands.
aegirmars2005-3tbllaga› 8.4.2005 8:26 Page 14