Ægir - 01.03.2005, Blaðsíða 38

38
V E I Ð I E F T I R L I T
Sjávarútvegsráðherra kynnti
þessar breytingar 5. apríl sl. í
Vestmannaeyjum og við það tæki-
færi kom fram að að á næsta ári
verði nýtt útibú Fiskistofu opnað
í Eyjum, þar sem fimm starfs-
menn koma til með að starfa.
Ráðherra upplýsti að hér væri að
mestu leyti um nýja starfsemi að
ræða, en útibúið muni sjá um alla
bakreikninga afurða og færa þá til
afla fyrir Fiskistofu. „Reynslan
sýnir að þetta er flókið og erfitt
verkefni og því nauðsynlegt að
koma upp sérhæfingu á þessu
sviði með því að stofna sérstaka
bakreikningadeild á veiðieftirlits-
sviði sem jafnframt er ætlað að
sinna öðru bókhaldseftirliti.
Stofnun þessarar deildar er meðal
annars nauðsynleg vegna nýrra og
nútímalegra áherslna sem koma
munu fram í nýrri vigtarreglugerð
á næstu mánuðum. Í ljósi nútíma
samskiptatækni er lag að hafa
deildina í Vestmannaeyjum,“ seg-
ir sjávarútvegsráðherra og bætir
við að fjórir starfsmenn muni
sinna þessum hluta í starfsemi
útibúsins, en jafnframt verði ráð-
inn veiðieftirlitsmaður sem annast
eftirlit á sjó og landi í Eyjum.
Eftirlitsmenn í útibúum
Þá segir sjávarútvegsráðherra að á
næsta ári verði einnig opnað nýtt
útibú á Höfn í Hornafirði, sem
muni þjónusta Austfirði - frá
Höfn að Vopnafirði. Í fyrstu verða
ráðnir tveir eftirlitsmenn og yfir-
maður útibús. Á árinu 2007
verða síðan ráðnir tveir eftirlits-
menn til viðbótar á Höfn og því
er gert ráð fyrirr að heildarstarfs-
mannafjöldi þar verði sá sami og í
Vestmannaeyjum, eða fimm
manns. Á árinu 2007 verður
einnig opnað nýtt útibú Fiski-
stofu í Stykkishólmi með þremur
eftirlitsmönnum auk yfirmanns,
en þjónustusvæði útibúsins verð-
ur Snæfellsnes og Vestfirðir.
Ári síðar verða svo þrír eftirlits-
menn til viðbótar ráðnir í Stykk-
ishólm. Við það er því miðað að
heildarfjöldi starfsmanna þar
verði sjö manns, þar af yrðu 1-2
staðsettir á Vestfjörðum. Einnig
verður á árinu 2008 opnað nýtt
útibú á Grindavík með þremur
eftirlitsmönnum auk yfirmanns
sem gert er ráð fyrir að annist eft-
irlit á Suðurnesjum og austur fyr-
ir fjall.
Á árinu 2009 verða ráðnir þrír
eftirlitsmenn til Grindavíkur til
viðbótar og verða þeir því sjö
samtals. Einnig verða árið 2009
ráðnir tveir starfsmenn til viðbót-
ar við þá fimm sem þegar starfa á
Akureyri, en það útibú mun
sinna eftirliti frá Vopnafirði til og
með Hvammstanga. Eftirlitið frá
og með Akranesi í Hafnarfjörð
myndi loks falla undir Fiskistofu
í Reykjavík, en þar munu í allt
starfa 8 manns, þar af tveir eftir-
litsmenn.
Eftirlit þar sem
sjávarútvegur er stundaður
„Það verða því stofnuð fjögur ný
útibú; í Vestmannaeyjum, Höfn,
Stykkishólmi og Grindavík auk
þess sem eftirlitsmönnum verður
fjölgað á Akureyri. Árið 2009
verða starfsmenn veiðieftirlitsins
því 39 talsins en eru nú 35. Nýju
stöðurnar fjórar verða allar í nýju
bakreikningsdeildinni í Vest-
mannaeyjum. Hér er verið að
stíga skref í samræmi við stefnu-
yfirlýsingu ríkisstjórnarinnar um
að treysta undirstöður byggðar í
landinu og jafna skilyrði til at-
vinnu. Eftirlit Fiskistofu fer fram
þar sem sjávarútvegur er stundað-
ur og því er eðlilegt að starfsemin
sé staðsett þar,“ segir Árni M.
Mathiesen, sjávarútvegsráðherra.
Árni M. Mathiesen:
Eftirlit Fiskistofu fer
fram þar sem sjávarút-
vegur er stundaður og
því er eðlilegt að
starfsemin sé staðsett
þar.
Mynd: Hreinn Magnússon.
Veiðieftirlit flutt út á land
- fjögur ný útibú Fiskistofu sett á stofn
Sjávarútvegsráðherra hefur kynnt breytingar á Veiðieftirliti Fiskistofu
sem fela það í sér að stofnuð verði útibú í Vestmannaeyjum, á Höfn í
Hornafirði, í Stykkishólmi og Grindavík. Jafnframt verður fjórum
stöðugildum í veiðieftirliti bætt við. Til þessa hafa þrjátíu og fimm
veiðieftirlitsmenn verið staðsettir á höfuðborgarsvæðinu, en nú færast
þessi störf út á land.
aegirmars2005-3tbllaga› 8.4.2005 8:27 Page 38