Ægir - 01.03.2005, Blaðsíða 15

15
M E N N T U N
Skrefið í sameiningu var stigið
til fulls í lok febrúar þegar nafn
Fjöltækniskóla Íslands var kynnt
- sem og ýmis nýmæli í skóla-
starfinu sem koma munu til
framkvæmda í áföngum á næstu
misserum. „Að koma með nýtt
nafn sem spannar yfir alla starf-
semina var okkur mjög mikil-
vægt, annars hefðu verið hér ein-
hver sex, sjö nöfn í umferð og
slíkt gengur aldrei upp. Þetta
breytir þó ekki því að húsið sem
við erum í hér á Rauðarárholtinu
heitir Sjónmannaskólinn - og svo
verður um ókomna tíð.“
Tæknigreinar vanmetnar
Nýmælin í skólastarfinu sem að
framan greinir eru sum hver orðin
að veruleika, þar á meðal stofnun
svonefnds tæknisvið. Á hausti
komandi verður í fyrsta sinn boð-
ið upp á nám til fjöltæknistúd-
ents. Að baki náminu verða 160
einingar í áfangakerfi framhalds-
skólanna, en til viðbótar mun
viðkomandi útskrifast með 2.
stigs vélstjórnarréttindi eða 1.
stigs skipstjórnarréttindi og er
því kominn með fjölþættan bak-
grunn til viðbótar við stúdents-
próf. Stúdentspróf af þessum toga
er talsvert öðruvísi en úr hefð-
bundnum bóknámsmenntaskóla,
sem eru 140 einingar og er sett
upp fyrir þá sem hafa áhuga á að
fara í háskóla í raungreinanám,
svo sem verkfræði, tæknifræði,
rafmagnsverkfræði og svo fram-
vegis.
„Almennt tel ég að verknám
hverskonar og tæknigreinar hafi
verið vanmetið og menn lagt of
þunga áherslu bara á bóknámið,“
segir Jón B. Stefánsson „Stúdents-
prófið, sem Íslendingar líta á sem
einskonar manndómsvígslu, gefur
mjög misvísandi skilaboð. Próf úr
félagsfræðideild er ekki aðgöngu-
miði í verk- eða tæknifræðinám.
Því tel ég að framhaldsskólarnir
verði að sérhæfa sig, til dæmis á
þann veg sem við erum að gera.
Auðvitað má leiða að því rök að
ungmenni viti ekki nákvæmlega
sextán ára gömul hvert hugur
þeirra stefnir í námi. Flest held ég
að geti þó gert það upp við sig
hvort þau vilji til dæmis helga
sig bókmenntagreinum, heim-
speki og einhverju slíku - eða þá
fara í tækni- og raungreinanám.
Stúdentspróf á þeirri línu sem
jafnframt veitir starfsréttindi er
að minni hyggju mjög góður
kostur.“
Sjávarútvegssvið með
diplómagráðu
Á hausti komandi er í bígerð að
Fjöltækniskólinn hleypi af stokk-
unum enn annarri nýrri náms-
braut, sjávarútvegssviði. Nám á
því er einkum ætlað fólki sem
hefur áhuga á sjávarútveginum og
vill bæta við sig menntun í
stjórnun og rekstrargreinum, með
það fyrir augum að koma að
stjórnun fyrirtækja í greininni.
Stjórnendur Fjöltækniskólans
hafa átt í viðræðum við hags-
munaaðila í sjávarútvegi um nán-
ari útfærslu á þessu námi en Jón
B. Stefánsson segir dagljóst að
þörf sé á því að bjóða nám af þess-
um toga; sem hugmyndin er að
gefi 45 eininga diplomagráðu á
háskólastigi.
En það er á fleiri sviðum sem í
Fjöltækniskólanum nýja eru farn-
ar leiðir, sem ekki hefur áður ver-
ið gert hér á landi. Um þessar
mundir er verið að ljúka heild-
stæðri gæðaúttekt sem í fram-
haldinu mun fá vottum ISO
9001. Þetta er gert að kröfu Al-
þjóða siglingamálastofnunarinnar
sem vill að skólar sem mennta
menn til alþjóðlegra skipsstjórn-
arréttinda hafi þennan stimpil.
Fjöltækniskólinn og Slysavarnar-
skóli sjómanna eru samstíga í
þessu ferli. Jón segir að í gæðaút-
tekinni hafi þurft að velta við öll-
um steinum í starfi skólans og
endurskoða bæði rekstur og
kennslustarf. Jafnframt setja allt
starf í ákveðna verkferla, sem gera
kleift að rekja framgang hvers
einasta máls, bæði fram og aftur í
tíma.
Eykur aga í skólastarfinu
„Þetta starf hefur svo komið á
talsvert meiri skipulagi í öllu
skólastarfinu og í raun er mjög
merkilegt að fara í gegnum svona
starf. Ég tel þetta muni í framtíð-
inni skapa mun meiri aga en nú
er í öllum kennsluháttum og slíkt
er mjög hollt. Nám er fyrst og
síðast vinna og skólastarfið spurn-
ing um að veita nemendum og
þar með samfélaginu góða þjón-
ustu. Að slíkt starf sé unnið eftir
ítrustu kröfum fagmennskunnar
er mikilvægt - og lengi má gott
bæta,“ segir Jón B. Stefánsson
skólameistari.
„Nám er fyrst og síðast vinna og skólastarfið spurning um að veita nemendum og þar
með samfélaginu góða þjónustu,“ segir Jón B. Stefánsson skólameistari.
aegirmars2005-3tbllaga› 8.4.2005 8:26 Page 15