Ægir - 01.03.2005, Blaðsíða 28

28
H A F R A N N S Ó K N I R
„Þrátt fyrir að hafís sé mikill
fyrir norðan landið, þá var sjórinn
þar fremur hlýr En það er engu að
síður greinilegt að það er styttra
út í kalda sjóinn en undanfarin ár
og skilin við kalda sjóinn eru
skarpari en undanfarin ár. Núna
eru þau í landgrunnskantinum - á
ca. 4-600 metrum,“ segir Héðinn
Valdimarsson, leiðangursstjóri.
Héðinn segir erfitt að segja til
um hvort og þá hvaða áhrif skarp-
ari skil hafi á lífríkið í sjónum.
„En það gæti vissulega verið að
þetta hafi þau áhrif að loðnan
hagi sér, ef svo má segja, með
venjulegri hætti en undanfarin
ár.“
Hlýnun sjávarins
„Í þessum árlegu rannsóknaleið-
öngrum erum við m.a. að safna
upplýsingum um veðurfar sem
koma okkur betur að gagni þegar
frá líður varðandi tengslin milli
umhverfisþátta og lífríkisins. Í
gegnum tíðina hefur oft verið
erfitt að tengja þetta saman, enda
koma þarna margir ólíkir þættir
inn í. Fyrir norðan land höfum
við verið að sjá breytileika í hita-
stigi sjávar á milli ára upp á 4-5
gráður, sem er gríðarlega mikið.
Hlýnunin hófst í hafinu fyrir
vestan land árið 1996 og 1997,
en fyrir norðan byrjaði sjórinn að
hlýna að marki árin 1998 og
1999. Síðan má segja að hafi verið
viðvarandi hlýr sjór við landið, að
árinu 2002 frátöldu þegar vetur-
inn og vorið voru frekar köld. En
í heildina má segja að á liðnum
tíu árum hafa verið mun fleiri hlý
ár en áratuginn þar á undan og
þessi staðreynd hefur örugglega
sitt að segja í útbreiðslu einstakra
fisktegunda. Ýsan hefur vaxið
mjög fyrir norðan land og út-
breiðsla skötusels hefur aukist.
Fyrir vestan land sjáum við
greinilega að til okkar streymir
hlýrri og saltari Atlantssjór og
það er mjög áberandi að yfir vetr-
armánuðina er sjórinn við landið
saltari og hlýrri. Það bendir allt
til þess að þessi Atlantssjór sé
vænlegri fyrir norsk-íslensku síld-
ina og þess vegna sé hún líklegri
til þess að leggja leið sína inn í ís-
Árlegar mælingar Hafrannsóknastofnunarinnar á sjónum við landið:
Hlýr sjór og seltan
yfir meðallagi
Samkvæmt mælingum sem voru gerðar um borð í rannsóknaskipinu
Bjarna Sæmundssyni 8. til 26. febrúar sl. var hiti og selta sjávar áfram
vel yfir meðallagi fyrir sunnan, vestan og norðan land. Hiti og selta
sjávar voru jafnframt um eða yfir meðallagi fyrir austan land en hiti
þar heldur lægri en veturinn 2004. Í mælingunum kom einnig fram að
skilin við kalda sjóinn að norðan voru nær landi en undanfarin ár fyrir
Norðvestur- og Norðurlandi.
Héðinn Valdimarsson er hér með svokallaðað RAFOS-flot. Staðsetning flotanna fæst
út frá hljóðgjöfum sem komið hefur verið fyrir í hafinu austur af Íslandi og einnig er
flotum komið í sjó af Færeyingum norður af eyjunum.
aegirmars2005-3tbllaga› 8.4.2005 8:27 Page 28