Ægir - 01.07.2005, Blaðsíða 14

Núna eru um þrjú ár
liðin síðan Saltfiskset-
ur Íslands í Grindavík
var opnað, en eins og
nafnið gefur til
kynna er saltfiski og
saltfiskverkun gerð
þar skil í máli og
myndum. Vel fer á
því að saltfiski sé
þessi sómi sýndur í
Grindavík, enda hef-
ur óvíða verið öflugri
saltfiskverkun í gegn-
um tíðina en einmitt
í Grindavík.
Óskar Sævarsson, forstöðumað-
ur Saltfisksetursins, segir að
fyrstu árin hafi verið mjög góð
aðsókn í setrið, en því sé ekki að
leyna að menn hafi búist við
meiri aðsókn í ár, en raun ber
vitni. „Við höfðum verið að gera
okkur vonir um aukningu frá
fyrra ári, en ég geri ráð fyrir að
aðsóknin verði mjög svipuð og í
fyrra. Við höfum þó fengið fleiri
gesti utan hins hefðbundna ferða-
mannatíma, t.d. var maí í ár mun
betri en í fyrra, en hins vegar var
júní lakari. Sumarið fór mjög ró-
lega af stað og það á reyndar líka
við um t.d. Bláa lónið, en við höf-
um verið í töluverði samstarfi við
Bláa lónið um markaðssetningu,“
segir Óskar.
Gestum boðið upp á
saltfisksmakk
Sem fyrr segir er saltfiskvinnslu á
Íslandi gerð rækileg skil í Salt-
fisksetrinu, sem auðvitað fer vel á,
því saltfiskurinn hefur verið ein af
mikilvægustu verkunaraðferðum
Íslendinga í gegnum tíðina og
enn þann dag í dag hafa Íslend-
ingar mjög sterka stöðu á mörk-
uðum ytra. Meðal þess sem gest-
um er boðið upp á í Saltfisksetr-
inu er smakk á saltfiskrétti, sem
Rúnar Marvinsson, sjávarréttasér-
fræðingur, á heiðurinn af, og
gestir skola þessu góðgæti niður
með viðeigandi veigum.
Auk sýningarinnar um saltfisk-
inn er einnig rekin undir sama
þaki upplýsingamiðstöð ferða-
manna og þá er í húsinu sýning-
arrými þar sem settar eru upp
nýjar sýningar á þriggja til fjög-
urra vikna fresti. Meðal annars
hafa þar verið athyglisverðar
myndlistarsýningar og þá segir
Óskar Sævarsson að síðla árs verði
sett upp sýning um tónskáldið
Sigvalda Kaldalóns, sem þjónaði
Grindavík lengi sem héraðslækn-
ir.
Um 80% gesta eru Íslendingar
Óskar Sævarsson segir að um
80% gesta hafi til þessa verið Ís-
lendingar en um 20% erlendir
gestir. „Mér sýnist að á þessu ári
hafi hlutfallsleg tala Íslendinga
verið að hækka enn frekar, enda
hefur okkur tekist ágætlega að
markaðssetja hópferðir Íslendinga
hingað - t.d. óvissuferðir, fyrir-
tækjaheimsóknir o.fl. Við höfum
lagt töluverða áherslu á að mark-
aðssetja setrið fyrir slíkar heim-
sóknir og það hefur borið ágætan
árangur,“ segir Óskar.
Lífið er saltfiskur í Grindavík
Auk saltfisksýningarinnar eru sérsýningar settar upp í setrinu. Þannig verður Sigvalda
Kaldalóns gerð skil á sýningu síðar á þessu ári.
Um 80% gesta í Salt-
fisksetrið eru Íslend-
ingar.
14
S A LT F I S K U R