Ægir - 01.07.2005, Blaðsíða 19

19
Æ G I S V I Ð TA L I Ð
í stærðinni, með því að bjóða jafn fjölbreytt úrval
sjávarafurða og raun ber vitni getum við betur þjón-
að bæði smásöluaðilunum og veitingahúsunum. Og
jafnframt getum við þá þjónað betur þeim framleið-
endum sem selja okkur fisk.“
Erfiðleikar í Bandaríkjunum
vegna stöðu dollars
„Stefna okkar hefur verið nokkuð skýr,“ segir Þórólf-
ur, „en þó höfum við verið að skerpa hana enn frekar
í stefnumótun fyrirtækisins sem unnið hefur verið að
í sumar. Þar kemur fram sú áhersla að okkar stærstu
markaðir verði Bandaríkin, Bretland og Japan, auk
meginlands Evrópu.
Ástæðan fyrir þessari áherslu er áratuga þekking
okkar á þessum mörkuðum og einnig vegna fjárfest-
inga sem við höfum lagt í þar. Vissulega hefur blásið
töluvert á móti okkur í Bandaríkjunum á síðustu
misserum. Staða dollarans er þannig að það er dýrt að
kaupa þangað hráefni og erfiðlega gengur að koma
þessu háa hráefnisverði út í verðlagið. Það sýnir sig
líka í afkomutölum Icelandic Group fyrir fyrstu sex
mánuði þessa árs að það er hagnaður af starfsemi fé-
lagsins á öllum mörkuðum nema Bandaríkjunum,
þar er tap. Vegna þess hversu stór Bandaríkin eru í
okkar markaðskerfi, reiknast tap af rekstri félagsins á
fyrri árshelmingi.
Við erum líka að taka á okkur töluverðan kostnað
vegna sameiningar SH og Sjóvíkur - ekki síst sam-
einingar verksmiðjanna í Bandaríkjunum.“
Aukin áhersla á rekjanleikann
Þórólfur segir að þrátt fyrir erfiða stöðu dollars trúi
menn því að upp muni birta um síðir í Bandaríkjun-
um og því sé rétt að leggja áfram áherslu á þann
markað. „Bandaríkjamenn kaupa fisk víða að og það
er engin leið önnur en að fyrr en síðar muni hátt hrá-
efnisverð skila sér að lokum út í verðlagið. Meðan
það er að gerast þarf að þreyja þorrann og við teljum
okkur betur í stakk búna til þess að gera það en
keppinautar okkar. Við erum með betri verksmiðjur,
betri dreifileiðir og betri aðgang að hráefnismörkuð-
um - bæði í Norður-Atlantshafi og Kyrrahafi.“
Þórólfur segir engan vafa á því að innan Icelandic
Group - áður SH - sé gríðarlega mikil þekking á
sölu- og markaðsstarfi. Einnig sé þar mikil þekking
á gæðamálum og rekjanleika afurða, sem alltaf sé að
verða stærri þáttur í sölu matvæla. „Hér hafa verið
gefnar út gæðahandbækur í áratugi og fyrir liggja
framleiðsluleiðbeiningar á yfir fimm þúsund afurð-
um. Þarna koma inn atriði eins og litur, los, fersk-
leiki og fleira. Utanum þetta er haldið í þessum
gæðahandbókum, sem sölu- og markaðsfyrirtæki
innan Icelandic Group hafa aðgang að. Þá er mikil
áhersla lögð á rekjanleika afurða - þ.e. að unnt sé að
segja kaupendum hvar fiskurinn er veiddur, hvernig
var farið með hann frá fyrsta degi - hvernig hann var
blóðgaður, kældur og unninn og loks geymdur.
Rekjanleiki er mjög mikilvægur og er alltaf að verða
mikilvægari í matvælaframleiðslu. Birgjarnir þurfa
að svara neytendum um þessa hluti. Einn af okkar
stærstu samstarfsaðilum í Bretlandi, Marks og
Spencer, er þekktur fyrir að vera með sérlega greinar-
góðar upplýsingar á fiskumbúðunum um uppruna
vörunnar.“
Þórólfur orðar það svo að í Bretlandi séu menn
komnir lengst í heiminum í að útbúa tilbúna rétti til
sölu í smásöluverslunum. „Þetta er fallega fram reitt
og í mjög háum gæðum. Þetta er oft kallað þæginda-
vara og fiskurinn er í öndvegi í þeim réttum sem við
erum að framleiða fyrir breska markaðinn. Við sjáum
áframhaldandi vöxt í þessum geira og þar tel ég að
við séum í sterkri stöðu. Bandaríkin eru hins vegar
sterkust í veitingageiranum. Þar er neyslan mest í
tilbúnum sjávarafurðum á veitingastöðum.“
Ég sef rólegur þótt hluta-
bréfaverð standi í stað eða
jafnvel lækki eitthvað.
Þórólfur Árnason stýrir nú Icelandic Group, sem er alþjóðlegt fyrirtæki með um 3000
manns á launaskrá.