Ægir - 01.07.2007, Page 20

20
„Það hefur verið ágætt að
gera að undanförnu, en í
sumar hefur þetta verið frekar
dapurt, það hefur verið heldur
lítið um landanir hjá stóru
bátunum. En ég hygg að það
fari að rætast úr þessu. Stóru
línubátarnir eru töluvert mikið
hérna fyrir austan á haustin.
Það kallar á fleiri landanir og
aukna þjónustu við bátana,“
segir Stefán Guðmundsson,
hafnarvörður á Djúpavogi.
Stefán segir að óhjákvæmi-
lega komi þorskaflaskerðing-
in illa við Djúpavog eins og
aðra staði. Raunar eru ekki
nema um 400 tonn af þorski
skráð á báta á Djúpavogi,
sem fara niður í um 275 tonn
með niðurskurðinum á þessu
kvótaári, eða sem svarar til
um 30%. „Og það er engin
aukning í öðrum tegundum,
jafnvel niðurskurður.“
Stefán segir að vissulega
komi þessi kvótaniðurskurður
við rekstur hafnanna, þar á
meðal Djúpavogshafnar. Fast-
ur kostnaður sé hinn sami en
hafnirnar verði fyrir tekju-
skerðingu vegna minni afla
sem berist á land.
Síðastliðið vor urðu eig-
endaskipti að Fiskmarkaði
Djúpavogs þegar fjórir ein-
staklingar á staðnum tóku við
rekstrinum af Vísi. Boðið er
upp á slægingarþjónustu á
markaðnum og aðra þá þjón-
ustu sem fiskmarkaðir veita.
Aukin þjónusta og umsetning
fiskmarkaðarins dregur að
fleiri báta til löndunar og
þannig spilar þetta allt saman.
„Hér hafa verið að landa fjórir
til fimm minni línubátar og
stór hluti afla þeirra fer á
markað.“
Á Djúpavogi er Vísir hf.
með öfluga fiskvinnslu, þar
sem saltfiskur er unninn. Að
undanförnu hefur verið unnið
að því að salta keilu, sem er
flutt á bílum á Djúpavog.
Einnig er Ósnes með öfluga
fiskvinnslu á Djúpavogi og
sömuleiðis Naustavogur
Papeyjarferðir
Yfir sumarmánuðina eru
reglulegar ferðir frá Djúpa-
vogi út í Papey á vegum Pap-
eyjarferða. Einhver aukning
farþega hefur verið í sumar í
þessar ferðir, en í það heila
má ætla að 1500-2000 farþeg-
ar leggi leið sína út í Papey í
sumar. Um er að ræða fjög-
urra tíma ferðir og er stoppað
í um tvo tíma í Papey. Eyjuna
eignaðist Gísli Þorvarðarson
aldamótaárið 1900, en hún er
núna í eigu afkomenda hans
og fjölskyldna.
Papey er stærsta eyjan fyrir
Austurlandi. Í eynni var föst
búseta til 1948, en nú er eyjan
í eyði. Þar stendur þó bæði
íbúðarhús, sem unnið er að
því að gera upp, og kirkja.
Hæsti punktur eyjunnar,
Hellisbjarg, liggur 58 m yfir
sjávarmáli. Mikið fuglalíf er í
björgum og æðarfugl á landi.
Talið er að í eynni séu um
6.000 pör af ritu, um 2.000
pör af langvíu og rúmlega
20.000 pör af lunda.
Talið er að Papey hafi verið
byggð írskum munkum, pöp-
um, þegar landnám norænna
manna hófst á Íslandi.
D J Ú P I V O G U R
Nokkrir línubátar hafa lagt upp afla hjá Fiskmarkaði Djúpavogs.
Djúpivogur:
Sumarið hefur verið heldur rólegt
- haustið er tíminn fyrir austan, segir hafnarvörðurinn á Djúpavogi
Á vegum Papeyjarferða eru reglulegar ferðir út í Papey yfir sumarmánuðína.