Ægir - 01.07.2007, Síða 23

23
segir orðrétt í bókun bæj-
arráðs. Síðan segir í bók-
uninni: „Um leið og bæjarráð
Hornafjarðar fagnar áformum
ríkisstjórnarinnar um mótvæg-
isaðgerðir vegna kvótaskerð-
ingarinnar minnir bæjarráð á
mikilvægi þess að aðgerðirn-
ar nái til allra þeirra staða
sem verða fyrir barðinu á
kvótaskerðingunni, þ.m.t.
Hornafjarðar. Í þessu sam-
bandi hvetur bæjarráð rík-
isvaldið til þess að flýta allri
uppbyggingu í Sveitarfélaginu
Hornafirði í tengslum við
stærsta þjóðgarð Evrópu,
Vatnjökulsþjóðgarð. Það er
mat bæjarráðs Hornafjarðar
að samhliða uppbyggingu í
tengslum við þjóðgarðinn
verði störf á náttúruverndar-
og matvælasviði Umhverf-
isstofnunar staðsett til fram-
tíðar í sveitarfélaginu í ná-
munda við þjóðgarðinn. Bæj-
arráð Hornafjarðar hvetur yf-
irvöld til þess að kanna þenn-
an möguleika af kostgæfni
þar sem slík ráðstöfun myndi
styrkja stofnunina til muna
auk þess sem ríkisstjórnin
væri með slíkri aðgerð að
sýna vilja sinn og metnað í
verki gagnvart stærsta þjóð-
garði Evrópu. Bæjarráð
Hornafjarðar vill koma því á
framfæri að þegar hefur verið
óskað eftir samstarfi við for-
stöðumenn í Nýheimum um
aðgerðir til að efla rann-
sókna-, þróunar- og vísinda-
starfsemi þar enn frekar.“
Töluverður tekjusamdráttur
Dæmi um fyrirtæki á Höfn
sem þorskniðurskurðurinn
kemur illa við nefnir Hjalti
Þór Bestfisk og það sama
megi segja um smábátaút-
gerðir. „Bestfiskur er án út-
gerðar og hefur að stórum
hluta verið að vinna fisk frá
smábátum. Þessi niðurskurð-
ur þýðir að minna kemur á
land af fiski til vinnslu hjá
Bestfiski. Nokkrar útgerðir
smábáta hafa verið að fjár-
festa í betri og stærri bátum
og þessi fyrirtæki eru af þeim
sökum töluvert skuldsett.
Þorskniðurskurðurinn á líka
eftir að hafa áhrif á reksturinn
hjá Skinney-Þinganes. Laus-
lega áætlað þýðir þorskkvóta-
niðurskurðurinn veltuminnk-
un hjá því fyrirtæki, sem er
langstærsta fyrirtækið hér á
staðnum með vel á annað
hundrað manns í vinnu, um
hálfan milljarð. Þarna er um
að ræða umtalsverðan tekju-
samdrátt hjá sjómönnum, en
ég vænti þess að áhrifin verði
ekki eins mikil í landvinnslu
Skinneyjar-Þinganess. Vinnsl-
an hjá þeim er fjölþætt og
byggir auk bolfisks á uppsjáv-
artegundum eins og loðnu og
síld og sömuleiðis er hum-
arinn ríkur þáttur í þeirra
rekstri og þar hefur sem betur
fer verið aukning í kvóta. Það
gefur augaleið að með
minnkandi tekjum í samfé-
laginu vegna minnkandi afla
sem berst hér á land verður
tekjusamdráttur hjá sveitarfé-
laginu og við áætlum að hann
geti numið um 30-40 millj-
ónum króna á ári. Þetta er því
mikill skellur fyrir okkur.“
Bjartsýni – þrátt fyrir allt
Hjalti Þór segir erfitt að gera
sér í hugarlund hvernig áhrif-
in af minnkandi þorskafla
komi fram strax á þessu ný-
hafna fiskveiðiári, en ætla
megi að veturinn kunni að
verða nokkuð harður. En hins
vegar sé engin ástæða fyrir
Hornfirðinga að leggja árar í
bát, því miklir möguleikar séu
á ýmsum sviðum í atvinnu-
málum á svæðinu. Ferðaþjón-
ustan hafi til dæmis verið að
eflast mikið á undanförnum
árum og þar séu miklir ónýtt-
ir möguleikar. „Það eru ýmsir
aðrir möguleikar. Ég nefni að
hér hefur verið komið upp
þekkingarsetri, Nýheimum,
og við höfum verið að fara
yfir hvernig við getum mögu-
lega eflt þá starfsemi frekar –
t.d. varðandi það að auka
verðmæti sjávarafurða, hum-
ars og makríls sem dæmi.
Auðvitað er þorskniðurskurð-
urinn mikið högg til skamms
tíma, en til lengri tíma litið
teljum við að sóknarfærin séu
fjölmörg og það þýðir ekkert
annað en að vera bjartsýnn.
Hryggjarstykkið í atvinnulíf-
inu hér, í 1600 manna byggð-
arlagi, er vissulega sjávarút-
vegurinn og það breytist ekki
einn, tveir og þrír. Hins vegar
gæti verið kominn að ein-
hverju leyti annar grunnur
fyrir byggðina eftir tíu ár eða
svo en sjávarútvegur. Um það
er erfitt að segja. Ferðaþjón-
ustan er vaxandi og skapar æ
fleiri störf og við horfum eins
og ég hef sagt til þekking-
ariðnaðarins, sem tengist sjáv-
arútveginum. Aðilar í ferða-
þjónustu eru að vinna að því
markvisst að efla greinina yfir
vetrarmánuðina og ég er
bjartsýnn á að sú markaðs-
vinna muni skila árangri.“
Hjalti Þór segir einnig ljóst
að ýmis tækifæri í atvinnu-
uppbyggingu skapist með
Vatnajökulsþjóðgarði, sem
honum sýnist að ríkisvaldið
ætli að standa að af metnaði.
„Hugmyndin er að byggja
upp upplýsingasetur á nokkr-
um stöðum hér í sveitarfé-
laginu – hér nálægt Höfn
verði aðal þjóðgarðsmiðstöð-
in og síðan verði tvær minni
á svæðinu milli Hafnar og
Skaftafells. Ég er ekki í nein-
um vafa um að þetta kemur
með að gefa okkur ýmis tæki-
færi,“ segir Hjalti Þór Vign-
isson.
H Ö F N Í H O R N A F I R Ð I
Skinney-Þinganes er með bolfiskvinnslu en einnig er fyrirtækið sterkt í uppsjávartegundum og humri.