Ægir - 01.03.2013, Síða 29

29
F R É T T I R
Hraðfrystihúsið Gunnvör í
Hnífsdal hefur keypt flökunar-
vél frá Baader sem sérstak-
lega er miðuð við stóran fisk.
Með því bregst fyrirtækið við
stöðugt stækkandi fiski í afla
en fram til þessa hefur HG
sent stóra fiskinn óunninn á
markað.
Í samtali við blaðið Bæjar-
ins Besta á Ísafirði segir Krist-
ján G. Jóakimsson, vinnslu-
og markaðstjóri að nýja vélin
ráði fyrir flökun á allt að 13
kg þorski en afurðirnar eru
sendar á Bandaríkjamarkað.
HG hefur raunar beint í vax-
andi mæli áherslu sinni að
Bandaríkjamarkaði til að létta
á sókn á Suður-Evrópumark-
að þar sem hvað mest kreppa
er um þessar mundir.
„Þetta skilar betri verði en
í Suður Evrópu sem hefur
verið okkar aðalmarkaður
undanfarin ár. Staðan þar er
erfið, mikið atvinnuleysi
meðal ungs fólks og kaupget-
an minni. Eftir sem áður er
þetta mikilvægasti markaður-
inn okkar en við náum að
létta á honum með því að
færa hluta af framleiðslunni
til Bandaríkjanna. Við þurfum
samt að halda áfram að passa
upp á góða viðskiptavini í
Suður-Evrópu,“ segir Kristján
í viðtalinu við BB á Ísafirði.
Stöðugt stækkandi þorskur á Íslandsmiðum þrýstir á þróun í vinnslutækninni, líkt og nýja vélin hjá HG er dæmi um. Hún ræð-
ur við flökun á þorski allt að 13 kg.
HG í Hnífsdal:
Ný flökunarvél fyrir stórþorskinn