Tímarit Máls og menningar - 01.03.1978, Síða 41

Þrjú kvísði
SUMARHATTARNIR
*
I öllum vikublöðum um sumarið
sá hún litla sumarhatta
til að hekla
og hugsaði með sér í hvert skipti
svona ætti ég að búa til
hún sá sig í anda með hattinn
lagði blaðið til hliðar
og gleymdi því
þar til í næstu viku
þá var aftur lítill heklaður sumarhattur
það er líka margt annað hægt að gera
búa til hengi á baðinu úr Hagkaupspokum
sauma í blómin á nankinsjakkanum með krosssaumi
til að gera hann persónulegan
setja blóm í krukku með armanjakki og sykri til skiptis
þegar blómin færu að spretta
góður ábætir handa gestum
hita ólívuolíu í 37 stig (prófa með olnboga)
bera hana í hárið
setja handklæði yfir og vera með það í þrjá tíma
til að fá fallegt hár
og allur góði maturinn
allar auðveldu uppskriftirnar
hún gleymdi því bara alltaf í búðunum
og sjálfsagt mætti kaupa skáp
hjá fornsala fyrir lítið
sýrubera hann
svo hann yrði fallegur
29