Morgunblaðið - 19.12.2014, Qupperneq 4

4 FRÉTTIRInnlent
MORGUNBLAÐIÐ FÖSTUDAGUR 19. DESEMBER 2014
Sigurður Sigurðarson,
dýralæknir og sagna-
meistari, fer hér á kostum
og enginn verður svikinn
af æviminningum hans
sem eru sneisafullar af
fróðleik og skemmti-
legum sögum.
holabok.is • holar@holabok.is
Sagna-
meistari
segir frá!
Baldur Arnarson
baldura@mbl.is
Eldsneytiskostnaður heimilis sem
rekur tvo bíla er nú 160-200 þúsund
krónum lægri á ári en þegar olíu-
verðið varð hæst í krónum talið vorið
2012. Það átti þá þátt í háu olíuverði
að raungengi krónu var lágt.
Þetta kemur fram í lauslegri áætl-
un sem Morgunblaðið vann í sam-
vinnu við Félag íslenskra bifreiða-
eigenda. Niðurstöðurnar eru sýndar
í töflu hér til hliðar og eiga forsend-
urnar að endurspegla eldsneytis-
kostnað miðað við meðalakstur og
dæmigerða eldsneytisnotkun.
Taka ber útreikningum fyrir dísil-
olíuna með fyrirvara, enda er erfitt
að áætla kostnað vegna hennar, m.a.
vegna þess að mörg dísilknúin öku-
tæki eru notuð í atvinnurekstri.
Á töflunni er borið saman dæmi-
gert verð í dag og
núvirt hæsta verð
á bensíni og dísil-
olíu í kjölfar efna-
hagshrunsins.
Lítrinn af
bensíni og dísil-
olíu kostar nú um
70 krónum minna
en í sumar. Til
samanburðar hef-
ur meðalverð á
bensíni verið um 240 krónur á árinu,
eða 37,5 krónum hærra en nú. Því
má til einföldunar deila lækkuninni í
töflunni hér til hliðar með tveimur til
að fá út lækkun eldsneytiskostnaðar
frá því síðasta sumar.
Ökumenn sem aka á eyðslufrekari
ökutækjum spara auðvitað meira en
þeir sem eru á sparneytnari bílum
verja enn minna fé til eldsneytis-
kaupa en þeir gerðu áður.
Runólfur Ólafsson, framkvæmda-
stjóri Félags íslenskra bifreiðaeig-
enda, segir verð á bensíni og dísilolíu
í krónum talið ekki hafa verið jafn
lágt síðan vorið 2009. Þá hafi heims-
markaðsverð á olíu tekið dýfu en
mikil lækkun á gengi krónunnar veg-
ið þar á móti. Núvirt hafi verðið því
verið hærra vorið 2009 en það er nú.
Spurður hvaða áhrif olíuverðs-
lækkunin geti haft á bílamarkaðinn
segir Runólfur að leiða megi líkur að
því að þessi þróun muni örva bíla-
sölu. Það geti til dæmis birst í því að
neytendur telji að það borgi sig að
endurnýja og kaupa eyðslugrennri
bíl, enda muni eldsneytissparnaður-
inn vega á móti kaupverðinu.
Ríkið verður af skatttekjum
Spurður um áhrif lækkunarinnar
á tekjur ríkisins af sölu eldsneytis
bendir Runólfur á að 53% af sölu-
verði bensínlítra í dag séu skattar í
ríkissjóð. Hluti skattlagningarinnar
sé föst krónutala, sem sveiflist ekki
eftir verðþróun. Hins vegar verði
ríkið af miklum tekjum í formi lægri
virðisaukaskatts. Runólfur telur
teikn á lofti um að olíuverð verði
áfram lágt. Hann segir olíufélög á Ís-
landi hafa gengið á lagið og aukið
álagningu.
 Eldsneytiskostnaður heimilis með tvo bíla er allt að 200 þúsund kr. lægri á ári en hann var vorið 2012
 Meiri lækkun hjá dísil- en bensínbílum  Framkvæmdastjóri FÍB telur þróunina geta aukið bílasölu
Vegur þungt í útgjöldum heimila
Hæsta verð á bensíni og dísil í krónum talið frá hruni
Núvirt samkvæmt tölum FÍB*
Bensín**
Verð á lítra
2.4. 2012
27.3. 2012
283,6
284,9
321.197
418.532
212,5
214,5
240.671
315.111
80.526
103.421
Kostnaður á ári*
Kostnaður á ári*
Kostnaður á ári*
Kostnaður á ári*
Lækkun
Lækkun
18.12. 2014
18.12. 2014
Dísil**
Verð á lítra
*Tölurnar voru teknar saman af Félagi íslenskra bifreiðaeigenda, að beiðni blaðsins.
**Meðalakstur bensínbifreiða var 11.892 km í fyrra en 15.425 km hjá dísilbílum.
Miðað er við að meðaleyðsla bensínbíla sé 10,5 lítrar á 100 km. Hér er miðað við
sömu eyðslu hjá díselbílum. FÍB tekur hins vegar fram að mjög erfitt sé að áætla
eyðslu dísilbíla, m.a. vegna hás hlutfalls atvinnubíla.
Runólfur
Ólafsson
Guðni Einarsson
gudni@mbl.is
Á og tveimur gimbrum var bjargað úr miklu fannfergi í
Skeggjadal í Hvammssveit á mánudaginn var. Kind-
urnar eru vel haldnar, að sögn Hjalta Freys Kristjáns-
sonar, bónda í Hólum, eiganda kindanna. Halldór Gunn-
arsson, bóndi í Rauðbarðaholti í Hvammssveit, fór inn á
Skeggjadal fyrir viku til að athuga hvort þar væru
nokkrar eftirlegukindur og fann þá kindurnar. Hann sá
að þær voru frá Hólum. Halldór gat ekki komið kind-
unum til byggða vegna ófærðar og eins voru þær orðnar
mjög klakabrynjaðar, að því er vefurinn Búðardalur.is
greindi frá. Halldór lét því Hjalta Kristjánsson, bónda í
Hólum, vita af kindunum.
Hjalti fór við annan mann upp á Skeggjadal síðast-
liðinn laugardag að leita kindanna en þeir fundu þær ekki
þá enda var mjög blint og lítið skyggni. Hann fór aftur á
mánudaginn var ásamt Jóni Agli Jóhannssyni, bónda á
Skerðingsstöðum, og þá fundu þeir kindurnar enda var
þá betra veður. Þær voru í rúmlega 700 metra hæð í
Skeggaxlardrögum en þar eru efstu grös og fyrir ofan
bara klappir og urðir.
„Þær hafa það gott í dag, eru inni og éta sig vel
saddar,“ sagði Hjalti þegar rætt var við hann í gær.
Hann sagði að kindurnar hefðu verið í góðum holdum.
„Þær voru algjörlega klakabrynjaðar, sérstaklega
gimbrarnar tvær, en þær höfðu ekki lagt af. Þær eru í
ótrúlega góðu standi. Það var þarna smá grasbali í skjóli
fyrir norðanáttinni þar sem þær gátu krafsað. Ég hef
grun um að eftir veðrið í gær [fyrradag] hefði tekið fyrir
það. Þá gerði mikla snjókomu í sunnan- og suðvestanátt.“
Ærin sem var þarna með gimbrarnar sínar er orðin
sex vetra. Hún hefur áður sýnt að hún fer sínar eigin leið-
ir og vílar ekki fyrir sér að ganga úti. „Í hittifyrra lét hún
vita af sér sjálf. Þá kom hún heim að Hvammi hér í Döl-
um og ég sótti hana þangað 11. janúar. Skeggjadalur er
fram af Hvammi. Henni líkar vel þarna. Nú er orðið al-
gerlega ófært fyrir snjó, hún hefði aldrei komist heim af
sjálfsdáðum,“ sagði Hjalti.
Þeir Hjalti og Jón Egill fóru á vélsleða og drógu
yfirbyggða snjóþotu til að sækja kindurnar. Hjalti sagði
að þeir hefðu orðið að skilja snjóþotuna eftir vegna þess
hvað erfitt var að komast þangað sem kindurnar voru
vegna fannfergis og brattlendis. Ærin ætlaði ekki að láta
ná sér strax og reyndi að hlaupa til fjalls. Kindurnar gátu
sig lítið hrært vegna þess hvað snjórinn er mikill og hvað
þær voru mikið klakabrynjaðar. Þær lentu strax á kafi í
snjó um leið og þær fóru út af balanum þar sem þær
höfðu haldið sig og festust. Síðan varð að selflytja kind-
urnar eina af annarri niður í dalinn á sleðanum.
Hjalti sagðist vera feginn að fá ána heim passlega
fyrir fengitímann. Gimbrarnar voru settar á. „Maður er
ánægður að þetta gekk vel,“ sagði Hjalti.
Sóttu klakabrynjaðar
kindur í Skeggjadal
 Ær með tvær gimbrar var í rúmlega 700 metra hæð
Ljósmynd/Jón Egill Jóhannsson
Eftirlegukindur Ærin og gimbrarnar voru orðnar mjög klakabrynjaðar og gátu sig lítið hrært vegna fannfergisins.
Viðar Guðjónsson
vidar@mbl.is
Breska ríkisstjórnin tilkynnti í gær
um að 1,36 milljarða punda greiðsla,
eða sem nemur tæpum 270 milljörð-
um króna, hefði borist úr þrotabúi
Landsbankans vegna innistæðu-
trygginga sem breska ríkisstjórnin
greiddi um 230 þúsund Bretum
vegna Icesave-reikninga. Fram
kemur í frétt breska dagblaðsins
Telegraph um málið að þar með hafi
85% þess fjár sem greitt var til
breskra innistæðueigenda í kjölfar
falls Landsbankans verið greidd til
baka. Þar með hafa fimm greiðslur
verið inntar af hendi. Alls nema
greiðslurnar 3,82 milljörðum punda
eða sem nemur tæpum 758 milljörð-
um króna en heildargreiðsla bresku
ríkisstjórnarinnar eftir fall Lands-
bankans árið 2008 hljóðaði upp á um
4,5 milljarða punda eða tæpa 893
milljarða íslenskra króna. Á vefsíðu
breskra stjórnvalda kemur fram að
bresk stjórnvöld búist við því að eft-
irstöðvarnar, eða 135 milljarðar
króna, verði greiddar árið 2017.
Stærstur hluti forgangskrafna,
sem greiddar verða úr þrotabúi
gamla Landsbankans, renna til
breska innstæðutryggingasjóðsins
vegna Icesave. Greiðslan nú var innt
af hendi í kjölfar þess að Seðlabank-
inn og fjármálaráðherra samþykktu
að veita undanþágu frá gjaldeyris-
höfum í byrjun mánaðarins. Heildar-
upphæð greiðslunnar nú er upp á
400 milljarða króna og renna tveir
þriðju hlutar upphæðarinnar til
breska ríkisins. Meðal annarra
kröfuhafa er Deutsche Bank sem
keypti kröfu seðlabanka Hollands.
Slitastjórn Landsbankans til-
kynnti í upphafi mánaðarins að eft-
irstöðvar skuldar Landsbankans við
þrotabúið, 196 milljarðar króna,
yrðu greiddar með tíu skuldabréfum
sem eru á gjalddaga á tveggja ára
fresti frá 2016 til 2026.
Bretar fengu
270 milljarða
 Hafa fengið 85% af Icesave-kröfum
Morgunblaðið/Ómar
Icesave Breska ríkið hefur fengið
greidd 85% af Icesave-kröfum.