Morgunblaðið - 19.12.2014, Side 18

18 FRÉTTIRInnlent
MORGUNBLAÐIÐ FÖSTUDAGUR 19. DESEMBER 2014
JEPPADEKK
Kletthálsi 3 | 110 Reykjavík | 540 4900 | www.arctictrucks.is
Vönduð og endingargóð
vetrardekk sem koma þér
örugglega hvert á land sem er
Áttu fullt af græjum sem liggja ótengdar?
Leyfðu okkur að aðstoða!
S: 444 9911 – hjalp@taeknisveitin.is – www.taeknisveitin.is
Tengjum heimabíóið
Setjum upp þráðlaust net
Standsetjum nýju tölvuna
Tengjum saman ólíkar græjur
Sjónvarpsmerki í öll sjónvörpin
Lagnavinna á heimilinu
...og margt, margt fleira!
Hvað gerum við?
TÆKNISVEITIN
til þjónustu reiðubúin!
Við komum til þín, veitum ráðgjöf, setjum tækin
upp, gerum við, leggjum lagnir, tengjum tækin
saman við önnur og fáum allt til að virka.
Svo færðu kennslu líka ef þörf er á því.
Sigurður Bogi Sævarsson
sbs@mbl.is
„Staðan er einfaldlega sú að nú er í
Heiðmörkinni lítið af trjám í þeirri
stærð að þau henti sem jólatré. Því
færum við okkur nú upp í skógi
vaxna Hólmsheiðina,“ segir Helgi
Gíslason framkvæmdastjóri Skóg-
ræktarfélags Reykjavíkur.
Jólaskógurinn sem svo er kallaður
og er í jaðri Reykjavíkur var opnaður
um helgina. Reitur þessi er í Hólms-
heiði, í nágrenni við tengivirki
Landsnets og vatnstanka Orkuveitu
Reykjavíkur, svo einhver nærtæk
kennimörk séu nefnd. Flestir tengja
þó heiðina væntanlega við hug-
myndir um að útbúa þar innanlands-
flugvöll, eins og talsvert hefur verið
rætt um síðustu árin.
Greiðfærasta leiðin á Hólmsheiði
er þar sem ekið er af Suðurlandsvegi
við Geitháls og þar til norðurs eftir
Hafravatnsheiði. Er leiðin vel merkt
og þarna verður opið um næstu helgi,
laugardag og sunnudag, milli kl. 11
og 16.
Högg í heiði og
markaður við vatnið
Jafnan nýtur vinsælda hjá fjöl-
skyldum að fara saman, velja sér
jólatré, höggva það, greiða fyrir og
setjast síðan niður við heitan arineld
og drekka kakó eins og býðst um
helgina í Hólmsheiði. Sömuleiðis
verður markaðurinn við gamla
Elliðavatnsbæinn opinn en heimsókn
þangað er í margra vitund ómissandi
þáttur í undirbúningi jólanna. Þar
fást ýmsar skógarafurðir, auk þess
sem handverksfólk selur þar gripi
sína, rithöfundar lesa úr verkum og
jólasveinar bregða á leik.
Í tímans rás hafa tugþúsundir
plantna verið gróðursettar í upp-
löndum borgarinnar, til að mynda í
krafti samstarfs Reykjavíkurborgar
og Skógræktarfélags Reykjavíkur
sem lengi var við lýði. „Í þessum
samstarfsverkefnum var mikið unnið
í Öskjuhlíð, Elliðaárdal, við Rauða-
vatn og á Reynisvatns- og Hólms-
heiði – og á síðarnefndum stöðunum
eru nú orðin afar falleg skógarlönd
sem njóta vinsælda til dæmis meðal
útivistarfólks,“ segir Helgi Gíslason
og heldur áfram:
Mikið gróðursett í Heiðmörk nú
„Í síðari tíð hefur félagið hins veg-
ar vegar beint kröftum sínum að
starfi í Heiðmörk, en reyndar kom
nokkurra ára hlé í allt gróðursetn-
ingarstarf okkar þar í kringum alda-
mótin. Því er hér ekki úr miklu að
moða hvað varðar hefðbundin
jólatré, til dæmis greni og furu, í 1,5-
2,0 metra hæð sem er þessi heppi-
lega stærð sem fólk sækist mikið eft-
ir. Við tökum því jólatrén úr Hólms-
heiðinni í ár og hugsanlega eitthvað
áfram, en með þessu erum við líka að
grisja skóginn á heiðinni eins og mik-
il þörf var orðin á. Þessir lundir eru
orðnir nokkuð þéttir.
Í fyllingu tímans færum við okkur
svo væntanlega aftur í Heiðmörkina.
Þar höfum við raunar gróðursett
mikið síðustu árin, til dæmis á Elliða-
vatnsheiði nyrst á svæðinu og suður í
Hjalladal sem er í Garðabæjarenda
skógarins.“
Fá jólatré af Hólms-
heiði nú og næstu ár
 Lítið um tré úr Heiðmörk í heppilegri stærð eftir stopula
gróðursetningu um aldamót  Heppileg stærð 1,50-2,0 metrar
Morgunblaðið/Sigurður Bogi
Skógarmaður Margir kaupa jólatré sín alltaf hjá Skógræktarfélagi Reykja-
víkur, en í ár eru þau fengin af Hólmsheiði, þar sem Helgi Gíslason stóð í gær.
Davíð Már Stefánsson
davidmar@mbl.is
„Við erum búin að hækka listaverð
okkar á konfekti um rúm 10% á milli
ára,“ segir Kristján Geir Gunn-
arsson, markaðsstjóri Nóa Síríus, en
konfekt í verslunum hefur hækkað
um allt að 36% á milli ára að mati
ASÍ.
„Ég get lítið tjáð mig um útsölu-
verð verslana, við höfum hreinlega
engin áhrif á það. Konfekt hefur allt-
af verið verðsamkeppnisvara og það
skiptir máli þegar borið er saman á
milli ára hvenær könnunin er gerð
því það eru oft ýmis skynditilboð
sem geta skekkt myndina,“ segir
hann jafnframt.
Hráefni hækkað um 56%
„Á síðasta ári hækkaði aðal-
hráefnið okkar, sem er kakóafurð,
um 56% á milli ára. Á þessu ári hefur
þessi afurð hækkað um 18% ofan á
það. Ef við getum sett þetta í sam-
hengi við aðrar greinar þá vegur
þetta álíka þungt og eldsneyti hjá
flugfélögum. Með miklum aðgerðum
hérna megin þá hækkaði varan okk-
ar hisnvegar ekki nema um 10%,“
segir Kristján en hann kveðst þó
ekki áhyggju-
fullur yfir sölunni
í ár þrátt fyrir
hækkanir.
„Mín tilfinning
er sú að þetta hafi
ekki gríðarleg
áhrif á söluna
þessi jól. Konfekt
er þannig vara að
maður kaupir
hana bara einu
sinni á ári. Aðrar sambærilegar
vörur hafa náttúrlega hækkað líka.
Annars er þetta ekki yfirstaðið,“
segir hann. Þess má einnig geta að
þrátt fyrir að sykurskatturinn legg-
ist af eftir áramót munu vörur Nóa
Síríus ekki lækka í verði samhliða
því.
„Sykurskatturinn fer vissulega af
um áramót. Listaverð okkar mun
lækka en á móti kemur virð-
isaukaskatturinn til neytenda. Við
sjáum fram á að verð fari upp um
svona eitt til tvö prósent. Í ein-
hverjum tilfellum mun verð hækka
og í öðrum mun það lækka, annars
eru þetta alls ekki miklar sveiflur.
Við fyrstu sýn sjáum við því ekki
miklar breytingar á útsöluverði til
neytenda,“ segir Kristján að lokum.
Konfektið allt að
36% dýrara í ár
 Sykurskattur mun ekki lækka verð
Kristján Geir
Gunnarsson