Ský - 01.10.2006, Qupperneq 22

22 ský
List
Svefngengill daglega lífsins
Jóhann Hjálmarsson skáld er meðal þeirra sem þekktu Flóka vel og hann ritar formála að
bók með teikningum sem kom út 1963. Jóhann skilgreinir listamanninn og list hans þar og
segir meðal annars:
„Við vitum að í huga listamannsins togast á mörg öfl. Sumir halda því fram að listamað-
urinn sé leiddur af englum. Með sama rétti má segja að sannur listamaður sé knúinn áfram af
djöflum. Listamaðurinn er í eðli sínu skyggn. Það er eiginleiki sem honum hefur verið gefinn.
Þótt hann sjái ekki drauga við hvert fótmál á hann greiðan aðgang inn í veröld sem flestum
er hulin. Alfreð Flóki er í hópi sjáendanna, þeirra sem leita ekki heldur finna. Í daglegu lífi
er hann svefngengill en í draumum konungur eða flautuleikari. Verk hans eru sprottin úr
draumi. Hann á sér fastari grundvöll í því óskilvitlega en á þeirri jörð sem er öðrum bjargföst
vissa.“
Jóhann lýsir því einnig í innganginum hvernig fyrstu kynnum hans af Flóka var háttað.
Þeir hittust á alræmdri knæpu eða kaffihúsi í Reykjavík við Laugaveg 11 á sjötta áratugnum.
SK<00DD> 4.tbl 2006.indd 22 28.9.2006 10:54:48