Ský - 01.10.2006, Qupperneq 43

Knattspyrna
sky
,
Tuttugasti og áttundi júlí, tvöþúsund og sex. Eiður Smári Guð-
johnsen leikur sinn fyrsta leik í treyju númer sjö með Evrópu-
meisturum Barcelona.
Það er hlýtt, það er kvöld, það er bjart. Evrópumeistararnir eru
komnir annað árið í röð til að hefja undirbúningstímabilið með leik
við AGF Fodbold frá Árósum. Þeir koma aftur því samkvæmt heim-
ildum mínum þótti stjórn Barcelona gæfa að byrja síðasta leiktímabil
á því að etja kappi við Álaborgarpilta. Spánarmeistaratitill og Evrópu-
meistaratitill komu í kjölfarið. Þess vegna buðust þeir til að koma
aftur. Álaborg hefði átt að hafna boðinu. Þeir féllu úr úrvalsdeildinni
síðasta vor, og leika nú í fyrstu deildinni dönsku.
Rútan með leikmönnum Evrópumeistaranna kemur klukkutíma
fyrir leik, þúsund manns standa fyrir utan og kalla eftir uppáhalds-
stjörnunum sínum, Eto fær mesta klappið. Eiður lítið, enda enn ekki
leikið leik með meisturunum. Skömmu síðar tínast Börsungar út á
völlinn og taka létta æfingu, á meðan heldur Frank Rijkaard á penna
og gefur eiginhandaráritanir í herbergi undir stúkunni. Klukkan átta
hefst leikurinn og Eiður Smári er á bekknum. Fyrir leik sagði hann
mér að hann myndi aðeins leika seinni hálfleikinn og Rijkaard hafði
tjáð honum að hann ætti í vetur að spila í fremstu víglínu. Vera
framherji, staða sem ég er mjög sáttur við. Skemmtilegra en að spila
á miðjunni eins og ég gerði með Englandsmeisturum Chelsea, síðasta
vetur. Þetta er alvöru félag, Barcelona, vissi auðvitað að þetta er eitt
af stærstu félögum heims, en að þetta væri svona „alvöru“ kom mér
á óvart, núna get ég líklega kallað mig knattspyrnumann. Völlurinn
er sá stærsti í heimi hjá félagsliði, yfir hundrað þúsund manns, nær
þrefalt stærri en brúin, heimavöllur Englandsmeistaranna. Og alltaf
uppselt. Síðan segir Eiður að það sé svolítið undarlegt að það mæti
nokkur þúsund manns á hverjum degi, bara til þess að horfa á
æfingu. Ólíkt því sem er í Bretlandi þar sem æfingasvæði eru lokuð
almenningi. Aðspurður hvort kunningi hans Frank Lampart hjá
Chelsea komi til Börsunga á næsta ári segir Eiður: Veit það ekki, en
hann fylgist vel með okkur, enda á hann konu sem er frá Barcelona.
Það er nær fullsetið, átján þúsund sálir, flestir í Barcelona-lit-
unum. Danskir stuðningsmenn Barcelona.
Tvö núll í hálfleik fyrir Spánverjunum, Eiður hafði hitað upp
í hálfleik, studdur af nokkrum Íslendingum og öðrum flokki
kvenna hjá Val, sem létu vel í sér heyra. Eiður, Eiður, Eiður. Mér
fannst leikur Börsunga batna í seinni hálfleik, Eiður var hættu-
legur, ógnandi. Skoraði næstum því mark, sem hann sá ekki. Átti
fasta spyrnu í markmanninn sem ver, en heldur ekki boltanum sem
skellur á varnarmanni Álaborgar og inn. Þrjú núll, og þannig endaði
leikurinn. Úrslitin í fyrra voru fjögur núll, svo Danirnir geta vel við
unað. Hálft mark hjá Eiði í sínum fyrsta leik, og eitt mark, sigur-
mark í fyrsta leik Barcelona í spænsku deildinni. Átta milljón punda
maðurinn, Eiður Smári Gudjohnsen er á réttum stað, hjá Evrópu-
meisturunum Barcelona.
Texti & myndir: Páll Stefánsson
MARKAMAÐURINN EIÐUR
ský 43
SK<00DD> 4.tbl 2006.indd 43 28.9.2006 10:57:17