Ský - 01.04.2007, Síða 68

68 sk‡
Íslenska leiðin
Norðurál hefur frá upphafi valið það sem kalla mætti
„íslensku leiðina“. Hún felst í því að fyrirtækið hefur
verið byggt upp með hliðsjón af íslenskum aðstæðum
og íslenskum hagsmunum. Í byrjun var Norðurál lítið
álver með 60 þúsund tonna framleiðslugetu. Allar götur
síðan hefur þess verið gætt að fyrirtækið vaxi í hóflegum
áföngum fyrir íslenskt hagkerfi. Jafnframt hefur Norðurál
lagt áherslu á að nýta íslenskt hugvit og íslenska þjónustu
sem frekast er unnt. Með þessu móti hefur fyrirtækið vaxið
í góðri sátt við íslenskt samfélag og markmiðið er að fylgja
þeirri stefnu áfram. Í þessu sambandi er einnig vert að hafa
í huga að lending íslensks hagkerfis eftir mikil umsvif und-
anfarinna ára verður að vera mjúk – hófleg uppbygging í
hæfilega smáum áföngum er enn í fullu gildi.
Íslensk fyrirtæki vaxa upp með Norðuráli
Norðurál lagði frá byrjun áherslu á að fá íslenskar verk-
fræðistofur og önnur íslensk þjónustufyrirtæki til að taka
að sér mikilvæg verkefni í tengslum við uppbyggingu
álversins. Talið var æskilegt að sprotafyrirtæki ynnu með
Norðuráli – yxu upp við hlið þess – og sú varð raunin. Sú
sérstaða Norðuráls að nota nær eingöngu íslenska verk-
fræðinga við uppbyggingu og nýframkvæmdir fyrirtækisins
skilar verðmætri sérþekkingu inn í samfélagið. Þessi þekk-
ing er þegar orðin að spennandi útflutningsvöru.
Sú stefna Norðuráls að skipta stækkun fyrirtækisins í
áfanga og brjóta framkvæmdir niður í viðráðanlegar ein-
Álver Norðuráls á Grundartanga var gangsett í júní 1998 og var ársframleiðslan
í upphafi 60.000 tonn en fjöldi starfsmanna 160. Álverið hefur vaxið í hóflegum
áföngum og mun í ár ná 260.000 tonna framleiðslugetu en starfsmenn verða
420. Frá árinu 2005 hefur verið unnið markvisst að undirbúningi álvers Norðuráls
í Helguvík. Lokahnykkurinn á því ferli er kynning á mati á umhverfisáhrifum sem
mun fara fram í maí. Áformað er að jarðvegsframkvæmdir hefjist í lok árs 2007
og að fyrsta afhending orku til álvinnslu verði árið 2010.
Ábyrgur þegn
í íslensku samfélagi
K
Y
N
N
IN
G
Hjá Norðuráli starfa um 100 konur.