Ský - 01.04.2007, Side 72

72 sk‡
Ljúffeng sneið
Mörk Norðausturkjördæmis liggja um
Öxnadalsheiði og Tröllaskaga í vestri og við
Djúpavog í suðri. Ef Íslandi væri skipt upp í
fjóra skammta, líkt og tertu sem skorin er í
búta, yrði kjördæmið ein sneið og ljúffeng í
samræmi við innihaldið.
Akureyri er höfuðstaður Norðurlands.
Þar er fjölbreytt atvinnulíf og ekki síður er
bærinn þekktur fyrir skóla sína. Veðursæld
á Akureyri yfir sumartímann er rómuð enda
gætir þar yfir sumartímann meginlandslofts-
lags í líkingu við það sem gerist í Evrópu.
Hinar hefðbundnu atvinnugreinar eru
mikilvægar í atvinnulífi Norðausturkjör-
dæmis, svo sem landbúnaður og sjávarút-
vegur. Nýjar greinar eru í sókn og er þar
nærtækt að nefna álver Alcoa Fjarðaáls, sem
nú er að hefja starfsemi.
Sífellt fleiri ferðamenn leggja leið sína
um Norður- og Austurland. Akureyri hefur
mikið aðdráttarafl fyrir þá sem vilja sýna sig
og sjá aðra – og margir skoða hina ægifögru
náttúru Mývatns, fara í hvalaskoðun frá
Húsavík eða leggja leið sína í þjóðgarð-
inn í Jökulsárgljúfrum. Á Austurlandi vekja
hinir miklu skógar áhuga ferðamanna og
sífellt fleiri bregða undir sig betri fætinum
og skoða hið sérstæða og ægifagra hálendi
norðan Vatnajökuls. sky
,
NORÐAUSTURKJÖRDÆMI
Akureyri – Sundlaugin hefur mikinn sjarma.
Atlavík.