Fréttatíminn - 11.09.2015, Síða 14

Fyrirmynd Búra er hinn danski Havartí-rjómaostur sem
athafnakonan Hanne Nielsen þróaði um miðja nítjándu öld
á býli sínu „Havarthigaard“ fyrir norðan Kaupmannahöfn.
Framleiðsla á Búra hófst árið 1980 á Húsavík en í
dag fer framleiðslan fram á Akureyri. Mjúkur og
smjörkenndur ostur með votti af ávaxtasætu, ljúfum
sítrustóni í lokin og langvarandi eftirbragði. Rjómakennd
einkenni ostins parast vel með sætum, örlítið sýrðum
ávöxtum, berjum og kryddsultum.
BÚRI
LJÚFUR
www.odalsostar.is
É g verð að viðurkenna að fyrir Evr-ópumótið í körfubolta hér í Berlín var ég fullur efasemda um árangur
og gengi íslenska liðsins. Ég átti ekki von
á liðið myndi vinna leik og það
sem meira er þá taldi ég liðið
ekki eiga nokkra möguleika
gegn bestum liðum Evrópu
og um leið heims. Kannski
ekki óraunhæf spá, þannig,
enda hafa öll hin liðin í riðl-
inum á að skipa leikmönnum
sem spila í NBA deildinni. Aðr-
ir leikmenn spila með liðum í
bestu deildum Evrópu. Ísland
var að mæta í fyrsta skipti á
stóra sviðið og það er risastórt.
Fyrir brottför mína kom allskyns
fólk að máli við mig og hafði áhuga á
að vita hverjir möguleikar íslenska liðs-
ins væru í þessum „dauðariðli“ mótsins.
Ekki óvitlaust hjá þeim að leita til mín
um sérfræðiálit þar sem ég hef spilað
slatta af körfuboltaleikjum um ævina og
þar af nokkra landsleiki. Ég hef líka oft
verið kallaður gamla kempan í boltanum
heima. Það er eitthvað.
Eins og kom fram hér að ofan að þá
var ég ekki sérlega bjartsýnn fyrir hönd
liðsins heldur vægast sagt mjög svart-
sýnn. Ég man eftir að hafa notað nokkra
mismunandi frasa í umbeðnu sérfræði-
áliti mínu, þar á meðal „að leiða lömb
til slátrunar“, „að vera byssufóður“, eða
með öðrum orðum, við eigum ekki séns.
En núna þegar þessi orð eru skrifuð
hefur íslenska liðið spilað fjóra leiki af
fimm í riðlinum. Ég verð því hér og nú,
reyndar með glöðu geði, að éta ofan í mig
öll þau sérfræðiálit sem ég henti upp fyrir
mót. Ég vona að þeir sem til mín leituðu
hafi ekki tekið þessu of bókstaflega.
Ég vissi fyrir að við hefðum á öflugu
liði að skipa en strákarnir hafa verið væg-
ast sagt geggjaðir og spilað frábærlega.
Hreyfanleikinn á báðum endum vall-
arins, krafturinn, orkan og sjálfstraust
leikmanna er slíkt að unun er að fylgjast
með. Liðið er vel undirbúið og þjálfarar
hafa unnið vel í þeim hlutum sem eru
styrkleikar liðsins og fundið lausnir við
veikleikum. Liðið er tilbúið og greinilegt
að það hefur verið æft stíft og skipulega
undanfarin misseri.
Fyrstu tveir leikir mótsins voru sér-
staklega góðir. Fyrri leikurinn gegn
Dirk Nowitski og félögum í þýska liðinu.
Þetta var klárlega leikur sem Þjóðverjar
ætluðu að nota til að keyra liðið og áhorf-
endur í gang fyrir framhaldið. Leikurinn
var jafn allan tímann og í raun óheppni
og kannski smá klaufaskapur af okkar
hálfu í lok leiksins sem varð til þess að
heimamenn fóru út úr Mercedes Arena
með sigurinn.
Annar leikur liðsins gegn Ítölum var
algerlega frábær. Þremur NBA stjörnum
var haldið í skefjum og efast ég um að
þeir muni heimsækja Ísland í bráð. Ís-
lenska liðið leiddi með tveimur stigum
þegar þrjár mínútur lifðu leiks. Í þetta
skiptið duttu ekki skotin í lokin og grát-
legt tap staðreynd gegn annars frá-
bæru liði Ítala sem hefur spilað afar vel
á þessu móti.
Tveimur næstu leikjum höfum við tap-
að nokkuð sanngjarnt en þar spiluðum
við á móti mjög sterkum liðum Serba og
Spánverja. Í báðum leikjum var þó jafn-
ræði með liðunum þegar flautað var til
hálfleiks en styrkur þeirra kom berlega
í ljós í seinni hálfleik. Frábær lið sem
spila magnaðan körfubolta.
En það er ekki eingöngu góð spila-
mennska liðsins sem hefur komið mér
á óvart. Ég átti ekki til orð þegar ég
frétti af því að það væru um þúsund Ís-
lendingar sem ætluðu að fylgja liðinu til
Berlín. Stuðningurinn sem liðið hefur
fengið í þessum leikjum sem búnir eru
hefur verið algerlega til fyrirmyndar.
Mér heyrist á leikmönnum liðsins að
þeir fái auka kraft beint í æð úr stúk-
unni. Stemningin hefur verið svo mikil
að það hefur ekki verið hægt annað en
að hrífast með. Hingað til hef ég ekki
verið sú týpa sem er mikið af hrópa og
kalla á pöllunum og hvað þá syngja. Ég
held að ég sé búinn að syngja meira á
þessum fjórum leikjum en í tónmennta-
tímum í gegnum allan grunnskólann.
Hver hefði trúað því? Ekki ég.
Það sem er líka skemmtilegt við þenn-
an hóp stuðningsmanna er að stór hluti
hans er fólk sem hefur verið viðloðandi
körfuboltann á Íslandi á einn eða ann-
an hátt síðustu áratugina. Ég get rétt
ímyndað mér hvernig það er fyrir strák-
ana í liðinu að horfa upp í stúku og sjá
allt þetta fólk tengt sögu körfuboltans
á Íslandi syngjandi og hvetjandi sig til
dáða.
Það hafa verið mikil forréttindi að
fylgjast með íslenska liðinu á þessu
móti. Ef þessi frammistaða kveikir ekki
enn frekar körfuboltaáhuga hjá okkar
fámennu þjóð að þá verð ég hissa. Ís-
land hefur stimplað sig inn í alþjóðleg-
um körfubolta og ég spái sigri í síðasta
leik gegn Tyrkjum. Stöndum upp fyrir
Íslandi.
Stöndum upp
fyrir íslensku
strákunum
Eiríkur Önundarson, fyrrum landsliðsmaður í körfu-
bolta, fylgdist með íslenska körfuboltalandsliðinu á
Evrópumótinu í Berlín. Hann bjóst við að liðinu yrði
slátrað í erfiðum riðli en annað kom á daginn.
„Þetta mót er ekki endastöð, heldur upphafspunktur á nýjum kafla í íslenskri körfuknattleiks-
sögu,“ sagði Einar Bollason í gær í viðtali á vef Fréttatímans. Ljósmynd/Gunnar Sverrisson
Strákarnir okkar stóðu sig frábærlega á móti frá-
bærum mótherjum. Ljósmynd/NordicPhotos/Getty
Eiríkur Önundason
ritstjorn@frettatiminn.is
14 körfubolti Helgin 11.-13. september 2015