Fréttatíminn - 11.09.2015, Blaðsíða 74

 Tækni kunnuglegir sTaðir í nýja iPhone símanum
Íslenskar fyrirsætur í kynningu fyrir iPhone
Þ egar tölvurisinn Apple kynn-ir nýjar vörur fylgist heimur-inn með. Í vikunni kynnti
Apple nýja útgáfu af iPhone síman-
um, svokallaðan iPhone 6S sem er
betrumbætt útgáfa af iPhone 6 sem
kom á markað á síðasta ári. Á kynn-
ingu Apple á nýjustu vörum sínum
í vikunni, sem horft er á um heim
allan, birtust myndir af íslenskri
náttúru og íslensku fólki, og auð-
vitað fóru þær sem eldur um sinu á
íslenskum vefmiðlum. Myndirnar
voru teknar hér á landi fyrir rúm-
um tveimur mánuðum og var það
framleiðslufyrirtækið Pegasus sem
annaðist framleiðsluna fyrir Apple.
Fólkið sem Apple notaði á mynd-
um sínum var meðal annars valið í
gegnum Eskimo Models og segir
eigandi fyrirtækisins, Andrea Brab-
in, alltaf mikla leynd fylgja slíkum
verkefnum. „Maður hefur ekkert
þorað að tala um þetta fyrr en núna.
Allt í kringum stórfyrirtæki eins og
Apple krefst mikillar leyndar,“ seg-
ir hún. „Það voru notuð einhver sjö
módel frá okkur ásamt fleira fólki,
og það er ekki búið að birta allt.
Þetta var tekið á sjö dögum vítt og
breitt um landið. Þeir munu birta
þetta smám saman í öllu sínu kynn-
ingarstarfi á næstu vikum og mán-
uðum líklega. Það er mjög gaman
fyrir okkur að taka þátt í jafn stóru
verkefni og þessu. Það fylgjast all-
ir með því sem Apple gerir,“ segir
Andrea Brabin, eigandi Eskimo
Models. -hf
Mynd af fyrirsætunni Brynju Jónbjarn-
ardóttur frá iPhone 6S kynningunni hjá
Apple í vikunni.
Jólin koma snemma í ár
Gárungarnir í Baggalúti tilkynntu í
vikunni að miðasala á árlega jólatón-
leika þeirra hefjist þann 15. september.
Þeir ríða því á vaðið í jólaflóðinu en
fjölmargir jólatónleikar eru fyrirhug-
aðir fyrir þessi jól. Fastir liðir eins og
Jólagestir Björgvins og tónleikar með
Siggu Beinteins og
Stefáni Hilmars-
syni verða
líklega vinsælir í
ár. Einnig er jóla-
drottningin Helga
Möller með árlega
tónleika sem og
KK og Ellen.
Borgardætur
hafa haldið sig inni á Rósenberg allan
desember nánast og nýjasta viðbótin
er líklega jólatónleikar Friðriks Ómars,
sem kemur einnig með nýja jólaplötu
í ár. Einnig eru tónleikar af öllum
stærðargráðum í kirkjum landsins og
víðar, svo það verða margir um hituna
þessi jólin.
Rúnar keppir á RIFF
RIFF kynnti í gær, fimmtudag, þær 12
myndir sem keppa munu í flokknum
Vitranir, aðalverðlaunaflokki hátíðarinnar.
Í flokknum tefla tólf nýir leikstjórar fram
sinni fyrstu eða annarri mynd og keppa
um aðalverðlaunin, Gullna lundann. Verkin
eru valin með það að leiðarljósi að þau
ögri viðteknum gildum í kvikmyndagerð
og vísi þannig veg kvikmyndalistarinnar
til framtíðarinnar. Áður hefur verið til-
kynnt að nýjasta mynd Rúnars Rúnars-
sonar, Þrestir, verður Íslandsfrumsýnd
á RIFF og tekur þátt í keppnisflokknum.
Meðal annarra leikstjóra sem eiga mynd
í flokknum eru Visar Morina frá Kosovo,
Michal Vinik frá Ísrael, Trey Edward Shults
frá Bandaríkjunum, Andrew Cividino frá
Kanada og John McLean frá Bretlandi.
LUV-dagurinn haldinn
hátíðlegur
Hinn árlegi LUV-leikur
fer fram á Kaplakrika
á sunnudaginn kemur
þegar topplið FH
tekur á móti ÍBV í
19. umferð Pepsi-deild-
ar karla. LUV-leikurinn
er spilaður í minningu
Hermanns Fannars Valgarðssonar, mikils
FH-ings sem lést langt um aldur fram árið
2011.
Hluti aðgangseyrisins rennur í LUV-sjóðinn
sem hefur stutt mörg góð málefni á
síðustu árum meðal annars við bakið á
ungum FH-ingum.
Í hálfleik verður happdrætti þar sem
dregið verður úr seldum miðum. Í verð-
laun verða meðal annars gjafabréf frá
Maclandi. Börn Hermanns Fannars munu
draga úr happdrættinu. Bakhjörlum FH
verður úthlutað happdrættismiðum.
Heiðursgestir á LUV-leiknum verður
meistaraflokkur kvenna í knattspyrnu
hjá FH en fyrir skömmu tryggðu þær sér
sæti í efstu deild kvenna á næsta ári. Þá
munu leikmenn FH og ÍBV ganga inn í
LUV-bolum.
Hrói eldist
Leikarinn Þórir Sæmundsson frumsýnir
Hróa hött á laugardag og verður árinu
yngri en þegar hann sýnir það næst.
Þórir á afmæli á sunnudaginn og
verður 35 ára. Á twitter segist
hann svo ætla að læra að verða
alvöru leikari á mánudag því þá
tekur hann þátt í sýningu hjá Improv
Ísland í Þjóðleikhúskjallaranum. Stór
helgi hjá Hróa.
 FóTbolTi býsT við Tíu Þúsund íslendingum Til Frakklands
Formaður Tólfunnar býst við tíu þúsund Íslendingum á EM
í Frakklandi næsta sumar. Hann segir að Hollendingar hafi
lýst Íslendingum sem vinalegum fótboltabullum í heimsókn
þeirra á dögunum. Það passi vel við boðskap félagsins um að
bannað sé að vera fáviti.
Sumir okkar lifa
fyrir Tólfuna
É g er búinn að bóka mitt frí næsta sumar. Ég fer með liðinu alla leið, það er engin
spurning,“ segir Pétur Orri Gísla-
son, formaður Tólfunnar, stuðn-
ingssveitar íslenska landsliðsins í
knattspyrnu.
Eftir að íslenska karlalandsliðið
í knattspyrnu tryggði sér þátttöku-
rétt á EM næsta sumar hefur verið
mikið rætt og ritað um þann fjölda
sem fylgja mun liðinu til Frakk-
lands. Ekki liggur fyrir hvað KSÍ
hefur úr mörgum miðum að spila
en víst er að mörg þúsund manns
hafa áhuga á að fara út.
„Okkar markmið núna er að
koma saman 10 þúsund Íslending-
um á mótinu. Ég hef fulla trú á að
það gæti gerst,“ segir Pétur Orri.
„Fyrir Hollandsferðina bjuggumst
við upphaflega við 2-300 en við
enduðum um fjögur þúsund manns
þar. Og þegar um er að ræða stór-
mót á sumarleyfistíma þá getur allt
gerst.“
Pétur segir að meðlimir Tólfunn-
ar hafi byrjað að ræða Frakklands-
ferð lauslega í ferðinni til Hollands.
Eftir að sætið á EM var gulltryggt
á sunnudagskvöldið hafi málin
verið rædd frekar. „Tólfan ætlar að
sjálfsögðu að vera í fararbroddi við
að skipuleggja hittinga þarna úti.
Við erum byrjaðir að setja saman
góðan pakka með Gamanferðum
fyrir næsta sumar.“
Pétur hefur gegnt starfi for-
manns síðan í mars síðastliðnum
en hann kveðst hafa verið dreginn
í Tólfuna þegar hún var endur-
vakin fyrir um þremur árum. „Það
tók svona ár að koma þessu aftur í
gang og síðan hefur verið gott flug
á félaginu. Við stofnuðum löglegt
félag og kusum stjórn og stækk-
unin hefur verið með hreinum ólík-
indum að undanförnu. Við vorum
um 25 á stofnfundinum og nú eru
alla vega um 500 manns í félaginu,“
segir Pétur Orri. Hann nefnir auk
þess að því var nýlega fagnað að
þúsund eintök hafa selst af lands-
liðstreyjum merktum Tólfunni.
Hann segir að meðlimir Tólfunn-
ar séu á öllum aldri, frá 17 til 66
ára, og konum hafi farið fjölgandi.
Fylgir þessu ekki bölvað fyllirí?
Svo virtist alla vega vera af mynd-
um frá Hollandi að dæma...
„Það er aldrei hægt að segja að
íþróttir og áfengi fari vel saman en
áfengi og stuðningur við íþrótta-
fólk fer ágætlega saman. Jújú, það
fylgdi einhver drykkja Hollands-
ferðinni en það var allt saman til
háborinnar fyrirmyndar. Lög-
regluyfirvöld þarna úti, sem ég
átti í samskiptum við, höfðu aldrei
áður upplifað svona stuðnings-
menn. Menn létu vel í sér heyra
og drukku áfengi en það var ekk-
ert vesen á mannskapnum. Margir
Hollendingar sögðu við okkur að
við værum vinalegar fótboltabull-
ur. Við keyrum líka á ákveðnum
boðskap: það er bannað að vera fá-
viti í þessum félagsskap.“
Og Tólfumenn taka hlutina líka
föstum tökum. Fyrir utan að taka
sér frí úr vinnu til að fylgja lands-
liðinu í útileiki er heilmikil athöfn
í leikjunum hér heima. „Það er
mjög algengt hjá hörðustu stuðn-
ingsmönnunum að þeir tali við sinn
vinnuveitenda og séu ekkert mik-
ið lengur en til hádegis á leikdegi.
Blessunarlega eru flestir liðlegir
með það.“
Þetta er greinilega stórmál hjá
ykkur.
„Jájá, sumir okkar bókstaf-
lega lifa fyrir þetta núorðið. Og
vilja njóta þessa augnabliks núna.
Það eru frábærir tímar í íslenskri
íþróttasögu sem við erum að verða
vitni að.“
Höskuldur Daði Magnússon
hdm@frettatiminn.isBio-tex þvottaefni og blettaeyðir
Leikum
okkur!
Pétur Orri með
félögum sínum
í Tólfunni í vél-
inni á leið heim
frá Hollandi
á dögunum.
Pétur Orri er
lengst til hægri
í fremri röð.
74 dægurmál Helgin 11.-13. september 2015