Fréttatíminn - 11.09.2015, Blaðsíða 40

Enginn meðal kúkalabbi
Þ
Þau ómerkilegu tímamót urðu í mínu lífi
fyrir nokkrum dögum að ég átti 39 ára
afmæli. Ekki að ég geti sagt það með
alveg óyggjandi vissu – en ég er nokkuð
viss um að hinum kosmíska heimi er slétt
sama þótt nú séu bara rétt rúmlega 350
dagar þangað til ég verð fertugur. Mér
hins vegar þótti í það minnsta tilefni til
að hlaupa aðeins í huganum yfir farinn
veg. Ekki er hægt að segja að listinn yfir
afrekin hafi verið upp á margar blaðsíður.
Fyrir utan að hafa feðrað tvö börn hef
ekki afrekað neitt svakalega mikið á
síðustu 39 árum.
Aðal ástæðan er sjálfsagt sú að ég er
latur. Alveg sérlega latur. En auk þess
að vera þessi letingi, eiginlega stærri
þátturinn í því að hafa ekki afrekað meira
í lífinu annað en að feðra tvö ágætis börn,
er að ég er meðal-Jón. Ég er svo mikill
meðalmaður að ég er í rauninni meðal-
tal yfir allt. Meira að segja þessi tvö börn
sem ég þó hef feðrað eru strákur og
stelpa. Ég er vísitölugúbbi dauðans. Mig
langar bara ekki í hundinn.
Allt sem ég geri er meðal. Meira að
segja nafnið mitt, Haraldur, er samnefn-
ari yfir meðalgaurinn í næsta húsi. Jón
er ekki meðal. Jón er allt of algengt til
að vera meðal-nokkuð skapaður hlutur.
Meðal-Jón er því rangt og ætti að vera
meðal-Haraldur. Það er bara því miður
bara of mikill tungubrjótur og ég sætti
mig því við endinguna í meðal-aldur.
Enda búinn með hálfa ævi meðal karl-
manns á Íslandi.
Ég hef því ekki áorkað neinu sem mun
nokkru skipta í lífi nokkurs manns, í það
minnsta annarra en ættingja og vina. Það
er svo sem ekkert til að skammast sín
fyrir. En ekki beinlínis neitt til að koma
mér á spjöld sögunnar. Það
geta ekki allir
bundið
enda
á
stríð eða fundið lækningu við krabba-
meini og ég veit að ég mun afreka hvor-
ugt. Enda skipti ég mér hvorki af stríðum
né dútla við að lækna sjúkdóma í frítím-
anum.
En í þessari sjálfsskoðun minni, þarna
að morgni afmælisdagsins míns, komst
ég að einni niðurstöðu, hvar ég gekk
örna minna þennan morguninn. Senni-
lega hefur staðsetningin haft eitthvað
með þessa uppgötvun að gera. Ég fann
nefnilega, eftir talsverða leit, það sem ég
hef umfram aðra samborgara mína og
mun koma mér á spjöldin fyrr eða síðar.
Ég held barasta að ég sé bestur á Ís-
landi og jafnvel eitthvað út fyrir land-
steinana í einum hlut. Já, góðir lesendur.
Ég tel mig vera Íslandsmeistara í því að
kúka. Ég kúka einfaldlega betur og meira
en aðra menn. Ég borða mikið og yfirleitt
frekar óhollan mat og ætti að öllu eðli-
legu og miðað við mataræðið að telja vel
upp undir 200 kílógrömm. En þar sem ég
er svona með eindæmum góður á settinu
næ ég ekki einu sinni þriggja stafa tölu.
Borða þó pítsur, hamborgara og franskar
nánast á hverjum degi. Galdurinn, góðir
lesendur – þið sem enn eruð að lesa –
liggur í því að kúka meira en borðað er.
Þetta er lang besta megrunin í brans-
anum í dag og þegar ég segi megrun þá
meina ég auðvitað lífsstíll. Því það þarf
að leggja mikinn metnað í að kúka svona
mikið.
Það fyrsta sem ég geri alla morgna,
þegar ég er búinn að nudda stírurnar úr
augunum, er að verma setuna. Les bara
smá í blaði og geri mínar þarfir. Ja, stund-
um þarf nú reyndar að lesa ansi mikið í
blaðinu því í þessum lífsstíl er einfald-
lega setið þangað til þyngdaraflið vinnur
sína góðu vinnu. Það getur tekið allt frá
nokkrum sekúndum upp í góðar 20 plús
mínútur. Já, það verður enginn bestur
með því að gefast upp og ég er meistari
míns yfirráðasvæðis. Ristillinn minn
gerir það sem ég segi honum. Með góðu
eða illu skal illt út reka. Helst þó án þess
að fá þrútna gyllinæð í kaupbæti.
En þetta er nú bara það sem venjulegt
fólk gerir. Að kúka á morgnana, altsvo.
Ég hins vegar kúka minnst þrisvar á dag.
Já, þrisvar og oftar ef ég er eitthvað off í
maganum. Ef það kemur upp smá þemba
eða álíka. Þá kúka ég það af mér. Ef
eitthvað er í gangi í vinnunni. Kúka
það af mér. Fjölskyldan eitthvað
að plaga mig. Jú, alveg rétt!
Beint inn á lettið og kúka það
af mér.
Þetta er líka svo góður
tími. Ég hef aldrei reykt
sígarettur að staðaldri
en get ímyndað mér að
þetta sé svipað. 10 mín-
útur hér, 15 mínútur
þar. Svona smávegis
til að brjóta upp dag-
inn – ómetanlegar
stundir alveg.
Þar sem ég sturt-
aði afrakstri morg-
unsins niður var
mér litið á postu-
línið – og þá laust
því niður í mig. Að
þrátt fyrir þessa
uppgötvun mína,
þessa með að ég er
yfir meðallagi góður
í einhverju, mun ég
aldrei ná rísa upp úr
meðaltalinu. Því eins
góður og ég er að kúka
er ég alveg einstaklega
lélegur að pissa. Kæmist
ekki einu sinni í utan-
deildarlið í pissiríi. Dropar
hingað og bunur þangað.
Ýmist vegna tregðulögmáls-
ins, af einbeitingarskorti, leti
eða líkamlegum vanköntum.
Barmabunur, skvettur og
hristur upp um allt. Ég er því
eftir allt saman bara í meðal-
lagi góður á salerninu. Eitt
vegur upp á móti öðru þar eins
og annarstaðar. Meðalmennskan
verður því ekki umflúin.
HELGARPISTILL
Te
ik
ni
ng
/H
ar
i
LAUGAVEGI 176 | GLERÁRTORGI | LINDESIGN.IS
ÞJÓÐLEGA
SVUNTUPARIÐ
4.980
5.990
SPARIVESKI
FYLGIR
Við erum til staðar
þegar þú þarft á
okkur að halda
MEÐ VIRÐINGU
OG KÆRLEIK Í 66 ÁR
Útfarar- og lögfræðiþjónusta
www.útför.is
50 ára afmælishátíð
í Salzburg 15.–18.
október og þú getur verið gestur!
Iceland Congress Skipholt 25 Sími 552 9500
Meira á Facebook
Ferðir - Iceland Congress
Bókanir og upplýsingar:
www.soundofmusic.is
ÞETTA EINSTAKA TÆKIFÆRI BÝÐST AÐEINS Í STUTTAN TÍMA Haraldur
Jónasson
hari@
frettatiminn.is
40 viðhorf Helgin 11.-13. september 2015