Fréttatíminn - 25.09.2015, Qupperneq 28

S
igríður tekur á móti mér á skrif-
stofu sinni við Austurvöllinn, þar
sem hún er í óða önn að koma sér
fyrir. Segir reyndar aðstæðurnar
sem þingmönnum er boðið upp
hafa komið svolítið á óvart miðað við það
sem hún er vön úr fyrri störfum en fólk láti
sig auðvitað hafa það vegna áhuga á starfinu.
Hefur hún alltaf verið áhugamanneskja um
pólitík?
„Ég er alin upp á mjög pólitísku heimili og
hef haft áhuga á pólitík síðan ég var í barna-
skóla, gekk í Heimdall 15 ára og byrjaði
að mæta þar á fundi. Starfaði í Heimdalli
þangað til mér var hent út sökum aldurs 36
ára gamalli. Stúdentapólitíkina í háskólanum
lét ég hins vegar alveg vera, hafði engan
áhuga á henni. Það kom aldrei annar flokkur
en Sjálfstæðisflokkurinn til greina miðað við
minn bakgrunn, en ég var samt alls ekki alin
upp í því að þetta væri eins og að halda með
fótboltaliði, maður héldi með flokknum hvað
sem á dyndi. Mest af pólitískri gagnrýni á
mínu heimili beindist einmitt að Sjálfstæðis-
flokknum, enda þótti okkur vænt um hann
og var ekki sama um hvernig hann starfaði.
Stjórnmál eru hins vegar list samanburðar-
fræðinnar og það er enginn annar flokkur í
boði hér fyrir manneskju með mínar skoð-
anir, þótt mér hafi stundum fundist þær ekki
fá nægt rými innan flokksins.“
Ekki hrifin af kynjakvótum
Ganga ekki stjórnmál meira og minna út á
málamiðlanir og tilslakanir?
„Jú, jú, auðvitað. Það getur enginn setið á
þingi án þess að þurfa að gera málamiðlanir,
ég hef sjálf þurft að gera það, en þá þarf fólk
að vega og meta hvort það sé tilbúið til þess.
Ég held það sé mjög mikilvægt að að víkja
ekki frá eigin prinsippum og ég hef alltaf
reynt að standa með minni samvisku.“
Dæmi um það var þegar Sigríður greiddi
atkvæði gegn tillögu um sérstakan jafnrétt-
issjóð vegna kosningaafmælis kvenna. „Það
er dæmigert mál þar sem ég gat ekki hugsað
mér að styðja, enda algjörlega efnislega
ósammála því. Eftir á talaði ég við marga
þingmenn sem voru alveg sammála mér en
höfðu kosið gegn sinni sannfæringu vegna
þrýstings, það myndi ég aldrei gera.“
Ertu þá ekki ekki femínisti?
„Ég styð jafnrétti kynjanna tvímælalaust,
en ég er ekki hlynnt því að það eigi að vera
kvótar á til dæmis þingsæti eða í stjórnum
fyrirtækja, ég hefði greitt atkvæði gegn því
ef ég hefði verið á þingi þá. Ég fagna því að
sjálfsögðu að konum hefur fjölgað á þingi
og held að körlunum þyki það líka miklu
skemmtilegra, en ég myndi ekki vilja sitja
hér vegna þess eins að það hefði þurft konu
til að fylla kvótann.
Hvað er jákvæð mismunun? Orðið felur
í sér að það er mismunun í gangi og mér
finnst ekki sanngjarnt að einhver hæfur
karlmaður fái ekki starf sem hann sækir um
vegna þess að fyrir tuttugu árum voru ekki
nógu margar konur sem höfðu lagt fyrir sig
lögfræði, svo ég taki nærtækt dæmi. Hitt er
annað mál að jafnréttisbarátta fer auðvitað
fram á ýmsum vígstöðvum og ég fagna því
til dæmis að sjá aukna umfjöllum um konur
í fjölmiðlum, sérstaklega í íþróttunum, en
mér finnst ekki eiga að setja lög um það, fólk
á að vera nógu skyni borið til að sjá að það er
sjálfsagt mál.“
Frekar gribba en frekja
Hefur þú aldrei lent í því að fá ekki þínu fram-
gengt vegna þess að þú ert kona? „Kannski
hef ég einhvern tíma lent í því, en það eru
ýmsir aðrir eiginleikar sem ég hef sem ég
hef lent í meiri vandræðum út af. Ég hef
reyndar lent í einmitt svona fordómum frá
Stendur alltaf með eigin samvisku
Sigríður Á. Andersen settist á þing
sem fastur þingmaður í haust, eftir
að hafa verið varaþingmaður síðan
2007. Hún hefur vakið athygli fyrir
skelegga framgöngu og að fylgja sinni
sannfæringu, stundum þvert á stefnu
flokksins. Hún segist vilja berjast
fyrir auknu jafnræði, er alfarið á móti
kynjakvótum og gæti vel hugsað sér
að takast á við forsætisráðherra-
embættið.
yfirlýstum femínista sem var að hvetja konur
í öllum flokkum til að kjósa þær konur sem
væru í prófkjörum, en bætti við: nema þessa
Sigríði Andersen. Þannig að ég held að for-
dómarnir séu víða og maður geti lent í þeim
út af nánast hverju sem er.“
Þú hefur ekki lent í því að vera ásökuð um
að vera frekja þegar þú fylgir þínum málum
fast eftir?
„Nei, enda myndu fáir þora að segja það
beint við mig að ég sé frekja, enda vona ég að
fólki finnist það ekki. Ég frekjast ekki mikið,
mér leiðist frekjugangur alveg jafn mikið og
næsta manni. Ég hef hins vegar stundum
heyrt að fólk sé hrætt við mig, finnist ég vera
svo hvöss, þannig að ég held að fólk segi frek-
ar um mig að ég sé gribba heldur en frekja.“
Bakka ekki með það sem skiptir mig máli
Ertu alveg heltekin af pólitík?
„Nei, ég er ekki heltekin og ég tapa mér
ekki í svona smávægilegum málum sem
þarfnast bara afgreiðslu. En í stóru myndinni;
hugmyndafræðinni, hvað greinir að hægri
og vinstri menn get ég alveg gleymt mér. Ég
er ekki mikið fyrir það að vera eingöngu í því
að berja á pólitískum andstæðingum, ég vil
nú reyna að vera málefnalegur stjórnmála-
maður.“
Margir myndu segja að þú værir óbilgjörn í
þínum málflutningi, ertu sammála því?
„Ég bakka ekki með það sem skiptir mig
máli og vil bara vera trú minni sannfæringu.
Ég held það sé bæði erfitt og leiðinlegt að vera
Framhald á næstu opnu
Ég hef reyndar lent í einmitt
svona fordómum frá yfirlýstum
femínista sem var að hvetja
konur í öllum flokkum til að
kjósa þær konur sem væru í
prófkjörum, en bætti við: nema
þessa Sigríði Andersen.
Allt ósamræmi í málflutningi og gerðum kemur í bakið á manni og mér finnst ég í rauninni vera að fara auðveldu leiðina með því að vera samkvæm sjálfri mér.
Ljósmynd/Hari
28 viðtal Helgin 25.-27. september 2015