Fréttatíminn - 25.09.2015, Qupperneq 30

Fjölskylduhagir
og skólaganga:
„Ég er ennþá með mennta-
skólaástinni minni, Glúmi Jóni
Björnssyni efnafræðingi og
við eigum tvær dætur, 10 og 6
ára. Við búum í Vesturbænum,
enda er ég Vesturbæingur
að langfeðratali og hef alltaf
búið þar.
Skólaganga mín var hefð-
bundin, Landakotsskóli, Haga-
skóli, MR og Háskóli Íslands
þar sem ég lærði lögfræði, en
tók eitt ár af henni í Madríd á
Spáni og bjó þar einn vetur.
Las spænsku í háskólanum
jafnhliða laganáminu, en á enn
eftir að skila BA-ritgerðinni.
Verð að fara að druslast til
þess. Ég fór reyndar ekki í lög-
fræðina strax eftir stúdents-
próf, vann sem blaðamaður á
gamla DV eitt ár, en ég hafði
unnið þar á sumrin á meðan ég
var í menntaskólanum og hélt
því áfram á háskólaárunum.
Eftir útskrift fékk ég starf
hjá Verslunarráði Íslands
þar sem ég vann í sjö ár eða
þangað til ég eignaðist eldri
dóttur mína. Þá tók ég mér frí í
tvö ár og fékk eftir það vinnu á
lögfræðistofunni Lex, þar sem
ég vann þangað til ég sagði
starfi mínu lausu til að setjast
á Alþingi.
Ég hef verið pistlahöfundur
á mörgum blöðum í gegnum
tíðina og skrifa enn pistla hálfs-
mánaðarlega í sunnudagsblað
Morgunblaðsins.“
Viðbrögð dætr-
anna við nýja
starfinu:
„Það er reyndar líka krefjandi
og mikil vinna að vera
lögmaður, maður var alltaf
meira og minna í vinnunni.
Stelpunum mínum fannst
mjög sorglegt að ég væri
að hætta á Lex, en það var
nú aðallega vegna félags-
starfsins þar fyrir börn
starfsmanna og þær óttuðust
til dæmis að missa af
jólaföndrinu þar ef ég hætti.
Þær horfa stundum á
alþingisrásina ef þær vita að
ég er að fara að tala og gagn-
rýna mig harðlega þegar ég
kem heim. Þær koma með
athugasemdir um að ég hafi
notað ákveðin orð of oft eða
að forsetinn hafi hringt bjöll-
unni meðan ég var að tala
og spyrja hvort ég geti ekki
vinsamlegast fylgt reglunum
á þingi. Þær eru dálítið eins
og ég var þegar ég var að
alast upp og fylgjast vel með
þjóðmálaumræðunni en
segjast samt ekki hafa neinn
áhuga á pólitík.“
Alþingi er ekki
vinnustaður:
„Það er stundum talað um að
Alþingi sé ekki fjölskylduvænn
vinnustaður, en ég geri
dálitlar athugasemdir við þá
skilgreiningu. Þetta er ekki
vinnustaður í hefðbundnum
skilningi, vinnan fer fram alltaf,
alls staðar. Maður er að vinna
heima líka og í rauninni hvar
sem maður er. Ég finn til með
þeim stjórnmálamönnum sem
eiga maka sem hafa engan
áhuga á stjórnmálum, ég
held að það sé mjög erfitt og
leiðinlegt. Ég er svo heppin að
maðurinn minn hefur mikinn
áhuga á stjórnmálum og
fjölskylda mín sömuleiðis. Ég
á tvo bræður og annar þeirra
er bæjarfulltrúi í Hafnarfirði,
fyrir Sjálfstæðisflokkinn að
sjálfsögðu, en hinn var um tíma
formaður Óðins, félags laun-
þega í Sjálfstæðisflokknum.
Foreldrar og tengdaforeldrar
eru líka mjög áhugasöm um
pólitík. Þannig að ég er mjög
vel sett hvað það varðar.“
Helstu baráttu-
mál:
„Lækkun skatta og að auka
lagalegt jafnræði. Ég vil líka
einfalda allt regluverk. Ég sit
núna í efnahags- og viðskipta-
nefnd og hef látið mig varða
innleiðingu á Evrópureglum,
mér finnst þær fara ansi hratt
í gegn hvort sem þær henta
íslenskum aðstæðum eða
ekki. Ég myndi vilja að það
væri skoðað miklu betur áður
en þær eru innleiddar hér.
Almennt séð vil ég berjast fyrir
frelsi einstaklinga, afnema
ríkiseinokun og ríkisábyrgðir
og láta fyrirtæki standa og
falla með eigin rekstrarákvörð-
unum án aðkomu rískisins.
Ég er alfarið á móti allri for-
sjárhyggju.“
Önnur áhugamál:
„Það er nú ekki mikill tími fyrir
þau, en ég druslast á lappir sex
eða sjö á morgnana til að koma
mér í ræktina, við hjónin erum
samtaka í því að sá þáttur
detti ekki út. Ég hef líka áhuga
á útivist og reyni að ganga á
fjöll nokkrum sinnum á sumri.
Annað áhugamál, sem kannski
tengist starfinu þar sem flestir
vinir mínir eru í stjórnmálum
að einu eða öðru leyti, er að
hitta vini mína og eiga gefandi
samræður og samveru með
þeim. Ef ég hefði tíma á kvöldin
þá myndi ég elska að geta nýtt
þau til að prjóna.“
Draumaráðu-
neytið:
„Forsætisráðuneytið, auðvitað,
ég held að allir þingmenn
myndu helst vilja það. Sérstak-
lega núna þegar Sigmundur
Davíð er búinn að safna sífellt
fleiri málaflokkum undir það.
Ég held líka að fjármálaráðu-
neytið sé mjög skemmtilegt
ráðuneyti og ég myndi gjarna
vilja takast á við það.“
Riga í Lettlandi
10–13. október 2015
Síðasta útkall!
Riga er meira en 800 ára gömul borg eða frá árinu 1201. Þar blandast
saman miðaldarmiðbær og nútímaborg: Gamli borgarhlutinn með sinn
sjarma í bland við hefðbundna nútímaborg í hraðri þróun. Hvort sem það
er menningin – söfn eða fallegar byggingar, listviðburðir og verslanir með
allt það nýjasta á góðu verði – þá finnur þú það í Riga. Í Riga má finna eitt
mesta samansafn af Art Nouveau eða Jugend byggingarlist. Næturlíf Riga
er orðið þekkt fyrir að vera fjörugt og dregur til sín fjölda fólks víða að.
Tilboðsverð fyrir síðustu sætin - 68.900.-
Innifalið:
Flug frá Keflavík og Akureyri, fjögurra stjörnu hótel á besta stað með
morgunmat, rúta frá flugvelli og íslenskur fararstjóri.
588-8900
Transatlantic.is
stjórnmálamaður ef maður er það
ekki. Allt ósamræmi í málflutningi
og gerðum kemur í bakið á manni
og mér finnst ég í rauninni vera að
fara auðveldu leiðina með því að
vera samkvæm sjálfri mér og berj-
ast fyrir því sem ég trúi á. Ekki
þar fyrir að ég er alveg tilbúin til
að skipta um skoðun ef mér er sýnt
fram á að einhver önnur skoðun
sé betri, ég vona að ég sé ekki
einstrengingsleg. Ég hlusta á það
sem aðrir hafa fram að færa, ef það
eru málefnaleg rök, en ég stend á
mínu.“
Ætla að nota þennan tíma vel
Stefnirðu á toppinn í flokknum?
„Það er alltaf spurning hvað er
toppurinn. Ég held að það sé mikil-
vægt að menn líti alltaf á þann
stað þar sem þeir eru á hverjum
tíma sem toppinn. Mér finnst
ég hafa verið heppin að fá þetta
tækifæri, þótt það hafi ekki verið
með ánægjulegum formerkjum
þar sem ég kom inn eftir lát Péturs
Blöndal. Ég ætla mér að nota þessi
tvö ár sem eftir eru af kjörtíma-
bilinu mjög vel og sjá svo til hvað
ég geri í framhaldinu. Ég held það
sé mikilvægt að vera opinn fyrir
öllum tækifærum og ef menn ætla
sér að komast áfram í pólitík þá sé
það ekki góður hvati að þeir sjái
ekki tækifæri í öðrum geirum. Það
skiptir mig máli að vera hér og
hafa tök á því að hafa áhrif á lög-
gjöfina og styðja aðra þingmenn
í hvaða flokki sem er til góðra
verka. Þanig að í bili stefni ég ekki
á annan topp en alþingistoppinn.
Framhaldið kemur svo bara í ljós.“
Friðrika Benónýsdóttir
fridrika@frettatiminn.is
Ég finn til með þeim stjórn-
málamönnum sem eiga maka
sem hafa engan áhuga á
stjórnmálum, ég held að það
sé mjög erfitt og leiðinlegt.
Ljósmynd/Hari
30 viðtal Helgin 25.-27. september 2015