Fréttatíminn - 25.09.2015, Blaðsíða 54

54 matur & vín Helgin 25.-27. september 2015
 Bjór Meira af öllu í stóra Bróður Bríó
Fagna afmæli Bríó með BríóBríó
Þ etta er stóri bróðir Bríó og er samsettur út sama gena-mengi. Munurinn er bara að
það er meira af öllu í honum, nema
vatni,“ segir Valgeir Valgeirsson
bruggmeistari hjá Borg brugghúsi.
Valgeir og félagar senda nú frá
sér sérstakan Októberfest-bjór. Að
þessu sinni er hann gerður í tilefni
af fimm ára afmæli hins vinsæla
bjórs Bríó – sem einmitt var fyrsti
bjór Borgar – og kallast BríóBríó.
„Þetta eru sömu hráefni og í Bríó
og er hann eingöngu þurrhumlaður
með hinum konunglegu Hallertauer
Mittelfrüh-humlum sem eru einmitt
humlarnir sem gefa Bríó sinn ein-
staka karakter. Þurrhumlunin er
hinsvegar margfalt meiri og frekar
í takt við double IPA-bjóra í magni
og þar af leiðandi bragðstyrk,“ segir
Valgeir.
BríóBríó er sennilega sterkasti
pilsner sem bruggaður hefur verið
á Íslandi, 9,6% í alkóhóli.
„Við höfum viljað halda þýsku
þema í Októberfest-bjórunum okkar
og þessi er engin undantekning þar
á. Bríó er í grunninn þýskur pilsn-
er og má þá segja að BríóBríó sé
þýskur Imperial Pilsner, sem er þá
einhverskonar ofurútgáfa af þýska
pilsner-stílnum. Það er talsvert síð-
an við lukum við þróun á þessum
bjór en gefum hann opinberlega út
núna í tilefni af stórafmæli Bríó,“
segir Árni Long bruggmeistari.
Þeir félagar eru gjafmildir af
þessu tilefni og ætla að leyfa bjór-
áhugafólki að smakka nýjustu af-
urðina á Ölstofu Kormáks og Skjald-
ar á laugardagskvöld klukkan 20.
„Þar verðum við með útgáfusam-
komu og allir eru velkomnir að
fagna með okkur,“ segir Valgeir.
Valgeir og Árni hjá Borg brugghúsi voru að leggja lokahönd á BríóBríó og verða með
partí á Ölstofunni á laugardagskvöld. Ljósmynd/Hari
H umarinn okkar er yfirleitt talinn eitt fínasta hráefni sem finnst við Íslandsstrendur. En er kannski
ekki sá bragðmesti í heimi. Enda er hann
í raun ekki humar. Það er þó önnur saga.
Humarhalinn okkar tekur hins vegar
vel á móti bragði og því miður fyrir hatar-
ana þá er besti vinur halans hvítlaukurinn
– já og smérið. En það þarf ekki alltaf að
borða góðgætið með silfurgaffli. Humar-
samloka er ein af þessum undantekning-
um sem sanna reglur og vel gerð humar-
samloka sannar regluna svo um munar.
Eins og í öllum samlokum þarf brauðið
að vera gott. Dúnmjúkt hamborgara-
brauð eða pylsubrauð hentar ljómandi
vel sem og langskorið baguette eða súpu
smábrauð ef gera á forrétt. Besta brauðið
í þessa humarsamloku er þó brioche
brauð. Það er hægt að fá svoleiðis brauð í
sérvöldum gæðabakaríum eins og Sand-
holt en einfaldast er þó að fara út í næsta
stórmarkað og ná í nýju brioche ham-
borgarabrauðin frá Myllunni. Þau eru
kannski ekki af Sandholt gæðum en eru
engu að síður ljómandi góð.
Humarhiti
Það eru til margar aðferðir við að elda
humar en við brúkum pönnuna að þessu
sinni og þar sem þetta er alvöru humar-
samloka en ekki humarsalat þarf slatta
af humri til. Þar sem viðmiðið er að sjálf-
sögðu rómantískur kvöldverður þarf að
taka góð 500-800 grömm af góðum humri
úr frystinum. Það gera sirka fjórir – fimm
sæmilegir halar á mann.
Tökum humarinn úr skelinni með
kúnstarinnar reglum og pössum sérstak-
lega vel að „æðin“ fari í ruslið. Á pönnuna
fer vel af smjöri sem er brætt við miðl-
ungs hita. Tvö fínt söxuð hvítlauksrif eru
svo látin svitna þar án þess að brúnast.
Brenndur hvítlaukur er bitur og vondur.
Humarinn fer svo út í laugina og hitinn
hækkaður örlítið. Steikið humarinn þar
til hann hættir að vera „glær“. Salt og
pipar eftir smekk og stráið svolitlu af
saxaðri fjallasteinselju yfir. Líka eftir
smekk. Passa að ofelda humarinn ekki.
Hann á ekki að brúnast þannig að ekki
bíða eftir því. Þá er humarinn tekinn til
hliðar og geymdur í „humarsafanum“ eða
smjör- humarvökvanum sem eftir var á
pönnunni. Ekki í pönnunni sjálfri því þá
ofeldast hann frá afgangs hitanum.
Þarf alltaf að vera mæjó
Mæjónes er nauðsynlegt á góða sam-
loku og á þessa þarf gott mæjónes. Helst
heimatilbúið en í það minnsta uppáhalds
mæjónes hússins. Það er til dæmis selt
ljómandi gott mæjónes í pólsku búðinni í
Breiðholti.
Kjarnhreinsa og saxa eins og einn
tómat sem og nokkur salatblöð. Hræra
öllu varlega saman við mæjónesið og smá
slettu af „humarsafanum“ með dropa eða
tveimur af „hot sauce“.
Brauðin eru svo steikt upp úr smjör-
klípu á pönnu með loki eða setja álpappír
yfir svo gufan mýki brauðin vel.
Restin af „humarsafanum“ góða er
látin drjúpa inn í brauðhelmingana sem
svo eru fylltir af humarblöndunni áður
en samlokan fer svo beinustu leið upp í
matargatið.
Haraldur Jónasson
hari@frettatiminn.is
Humarsam-
loka fyrir tvo
U.þ.b. 600 grömm
humar
Brioch hamborgara-
brauð
2 hvítlauksrif
1 msk smjör
1 msk mæjónes
1 msk söxuð steinselja
Nokkrir dropar af
„hot sauce“
Salt og pipar
Humarhalar og
hamborgarabrauð
Passa að
ofelda hum-
arinn ekki.
Hann á ekki
að brúnast
þannig að
ekki bíða
eftir því.
Til hamingju
ð dagi n
Stóri tísku- og
snyrtivörukainn
2. október
Nánari upplýsingar veitir Kristi Jo í síma 531-3307 eða
á tölvupósti á kristijo@frettatiminn.is
Meðal annars munum við alla um:
• Þurrsjampó
• Serum
• Augnförðun
• Nýju haustlitina
• Nýju ilmina
• Hausttískuna í fatnaðinum
Þú vilt ekki missa af þessu!