Ægir - 01.02.2015, Blaðsíða 23

23
ur að makrílnum sem gátu stað-
ið í skilum. „Við einsettum okk-
ur að reyna að afsetja þessar
birgðir sem allra fyrst og það
hefur tekist.“
Varanlegir makrílkvótar
Hann segir miklu skipta að ná
samningum við aðrar þjóðir um
nýtingu makrílstofnsins. Þar
hafi frændur okkar Norðmenn
verið hvað erfiðastir og tafið
samninga við Íslendinga í
trausti þess að makrílgöngurn-
ar til Íslands muni skila sér til-
baka til Noregs í auknum mæli.
Hjörtur bendir líka á að mikil-
vægt sé að hefja úthlutun á var-
anlegum makrílkvótum til að
ná fram hagræðingu. „Það eru
mjög margir að göslast í þessu í
dag til að verða sér út um veiði-
reynslu á meðan aðrir leggja
kapp á að stunda veiðarnar af
hagkvæmni. Með varanlegum
kvóta skapast aðstæður til að
hagræða í veiðunum og auka
þannig verðmæti.“
Hjörtur segir að nú þurfi
menn að bretta upp ermar og
finna fleiri markaði fyrir makríl-
inn því varlegt sé að treysta á
Rússland og Úkraínu. Hann seg-
ir það starf þegar hafið og bein-
ist sjónir manna meðal annars
að Afríku þar sem eru þekktir
makrílmarkaðir. „Þetta verður
strembið en skemmtilegt verk-
efni fram á sumar.“
Aflaheimildir sameinaðar
Í dag gerir Ögurvík út einn
frystitogara, Vigra RE-71, eftir
að togarinn Freri var tekin úr
rekstri árið 2013 og aflaheimild-
ir hans sameinaðar þeim sem
fyrir voru á Vigra. „Það að selja
Frera og sameina aflaheimild-
irnar á einu skipi er ein stærsta
breytingin sem gerð hefur verið
hjá okkur í seinni tíð. Þótt þetta
hafi verið erfið ákvörðun þá var
hún tvímælalaust rétt því veiði-
heimildirnar eru alltaf að
minnka.“ Hjörtur segir að með
því að sameina veiðiheimildirn-
ar á eitt skip með tveimur
áhöfnum hafi verið hægt að
fjölga úthaldsdögum um 30 á
ári. Sú hagræðing hafi aukið
aflaverðmæti og nýtingu skips
og búnaðar.
Síðustu misseri hefur minni
útgerðum fækkað með samein-
ingum við stærri útgerðarfélög.
Aðspurður hvort einhver slík
áform séu uppi varðandi Ögur-
vík segir Gísli svo ekki vera.
Þegar spurt er um hag-
kvæmni sjófrystingar saman-
borið við landvinnslu segir
Hjörtur hana fara eftir aðstæð-
um hverju sinni. Hann segir að
flest þeirra fyrirtækja sem und-
anfarið hafa fært sjófrystinguna
í land séu líka með landvinnslu.
Hjá þeim sé þetta fyrst og
fremst áherslubreyting sem
kalli ekki á stórar fjárfestingar.
„Það er nokkuð ljóst að stærsti
munurinn á sjófrystingu og
landvinnslu liggur í launakostn-
aði sem er hærri úti á sjó. En
það er fleira sem kemur til því
mönnum tókst að útfæra auð-
lindaskattinn þannig að hann
miðast við aflaverðmæti sem er
mun meira þegar sjófrystum
vörum er skipað á land en þeg-
ar komið er með óunninn ísfisk.
Makrílveiðar um borð í Vigra á síðustu vertíð. Mynd: Árni Sæberg
www.isfell.is
Sjófatnaður
Starfsstöðvar Ísfells og Ísnets:
• Ísnet Þorlákshöfn - Óseyrarbraut 28
• Ísnet Vestmannaeyjar - Flötum 19
• Ísnet Húsavík - Barðahúsi
• Ísnet Akureyri - Oddeyrartangi
• Ísnet Sauðárkrókur - Lágeyri 1
• Kristbjörg Ólafsfjörður - Pálsbergsgötu 1
• Ísfell / Ísnet Hafnarfjörður -
Óseyrarbraut 28 • 220 Hafnarfjörður • Sími 5200 500 • isfell@isfell.is