Reykjalundur - 01.06.1947, Qupperneq 25

Vistmennirnir i Reykjalundi hafa gróðursett blóm i kringum hús sín.
vel við una, þegar sigur loks er unninn. Og
launin láta ekki standa á sér, það er gleðin
yfir því, að sjá góðu máli siglt í farsæla höfn.
Vinnustofubyggingin er tveggja hæða hús,
reist norður úr leguskálanum, með gluggum
móti austri og vestri. Verkið við bygging-
una var hafið snemma á árinu 1946 og er því
sem sagt að verða lokið. A efri, hæð þessa
húss er stór dagstofa fyrir sjúklinga með
áföstum klefa fyrir kvikmyndasýningar.
Einnig er þar húsrúm fyrir bókasafn sjúkl-
inga og saumastofu, auk hreinlætisklefa. A
neðri hæð, er húsrúm fyrir trésmíðaverk-
stæði. bókbandsstofu og málningarverk-
stæði, eða annan smáiðnað, ásamt efnis-
geymslu. Einnig tvö smáherbergi. Hug-
myndin er, að sjúkhngarnir reki þarna smá-
iðnað, sér til gagns og ánægju. Annars mun
tilhögun rekstursins varla fullmótuð ennþá,
en forgöngumenn Sjálfsvarnar, félags sjúkl-
inga á Kristneshæli, vinna nú ötullega að
því, að fá vélar til starfans, jafnframt því,
að þessi rekstur er skipulagður.
Til þess að standast straum af þessum
nauðsynlegu framkvæmdum, þarf mikið fé.
Vinnustofusjóður sjúklinga, sem mun vera
að upphæð milli 30 og 40 þús. kr., verður
lagður í þetta. Einnig tel ég líklegt, að S. í.
B. S. styrki þetta þarfa fyrirtæki sjúkhng-
anna á Kristneshæli, með nauðsynlegu fjár-
framlagi.
Vinnustofusjóðurinn er stofnaður af gjöf-
um einstaklinga, unnendum þessa máls.
Þeir sjá nú draum sinn um bætt skilyrði til
handa sjúklingum, rætast. Þeir geta glaðzt
yfir því, að hafa orðið góðu máli að liði. Að
sjálfsögðu munu sjúklingar á Kristneshæh,
hafa starfsemina að Reykjalundi til hlið-
sjónar og fyrirmyndar, enda var þar svo vel
af stað farið, að til eftirbreytni er.
Að endingu óska ég ykkur svo öllum til
hamingju með unninn sigur. Gæfa fylgi
störfum ykkar.
Kona frá góðgerðarfélagi talar við fanga í fangels-
inu: — I>ér hafið auðvitað komið hingað vegna brenni-
vfnsins.
Fanginn: — Hvað eruð þér að segja? Getur maður
fengið brennivín hér? —
Reykjalundur
7