Morgunblaðið - 15.01.2015, Side 6

6 FRÉTTIRInnlent
MORGUNBLAÐIÐ FIMMTUDAGUR 15. JANÚAR 2015
Snerpa, kraftur og
ótrúleg tækni
#RIG15
Helgi Bjarnason
helgi@mbl.is
Íbúar Reykjavíkurborgar þurfa sjálf-
ir að moka sér og bílum sínum leið í
gegnum snjóruðninga sem snjóruðn-
ingstæki borgarinnar hrúga upp með-
fram götunum.
Eftir síðustu snjókomu eru víða
snjóruðningar meðfram götum. Sums
staðar loka þeir aðkeyrslu að bíla-
stæðum, bílskúrum og bílgeymslum.
Fólk er ekki ánægt með að þurfa
sjálft að moka sig í gegnum harða
ruðninga.
„Hér í Mávahlíðinni [erum] við íbú-
ar sem eigum bílskúr-/bílastæði alveg
búnir að fá okkur fullsadda af snjó-
mokstrinum hér í götunni og á það ef-
laust við um fleiri. Snjó skal mokað
burt eða settur þar sem hann er ekki
fyrir, en hér er veghefillinn keyrður
götuna og látinn hrauka snjónum fyr-
ir stæðin endurtekið og þótt maður
nái að fjarlægja hann áður en hann
frýs sem getur verið snúið því maður
er í vinnunni yfir daginn, þá kemur
næsti verktaki og mokar af gangstétt-
inni og gerir annan skafl fyrir framan
öll stæðin í götunni með snjónum hin-
um megin frá,“ segir í kvörtun lang-
þreytts íbúa til borgarinnar.
Þarf að forgangsraða
Björn Ingvarsson, deildarstjóri
þjónustudeildar borgarlandsins, segir
í skriflegu svari við fyrirspurn Morg-
unblaðsins, að íbúar eigi sjálfir að
moka sig í gegnum ruðningana en
tekur fram að hefilstjórarnir reyni að
gera fólki eins auðvelt fyrir og þeir
geta. Það sé hins vegar ekki alltaf
auðvelt í þröngum götum.
Í svari við kvörtun íbúans við
Mávahlíð segir Björn að borgin moki
snjó í burtu þegar hann er farinn að
teppa umferð um götur eða það stefn-
ir í það. „Við höfum unnið töluvert að
því að moka í burtu snjó undanfarið,
enda meira um hann nú er í fyrra,
þegar það þurfti lítið sem ekkert að
moka. Í þeirri vinnu höfum við snjó-
blásara á dráttarvél og 4-5 bíla sem
blásið er á. Í dag er unnið við blástur í
nokkrum götum, en þín er ekki þar á
meðal, en verður skoðuð,“ skrifaði
Björn í gær.
Við Morgunblaðið segir Björn að
snjómoksturinn sé dýrt og tímafrekt
verkefni og því verði að forgangsraða í
þeim málum eins og öðrum í vetrar-
þjónustu. „Það er verið að moka snjó
úr húsagötum. Í dag er t.d. á áætlun að
moka Meðalholt, Ásenda, Básenda,
Garðsenda og Rauðagerði, en það var
metið sem svo að þær götur þyrftu
þess frekast með, enda ýmist ógreið-
færar eða á leið með að verða það. Það
er ekki þar með sagt að mokað sé frá
innkeyrslum í þeim götum enda ætlast
RVK-borg til þess af íbúum að þeir
hugsi sjálfir um sínar innkeyrslur.“
Getur Björn þess að húsagötur í
Reykjavík séu um 230 km að lengd og
innkeyrslurnar skipti þúsundum.
Enginn staður til að geyma snjó
Björn getur þess jafnframt í
svarinu til íbúans í Hlíðunum að Máva-
hlíðin sé ekki með snúningsplani eða
álíka stað sem hægt væri að nota til að
geyma snjó. „Þetta er því erfitt við-
ureignar hjá okkur, en við höldum
áfram að gera okkar besta og reyna
að bregðast við ábendingum frá íbú-
um á þann hátt að sem flestir geti orð-
ið ánægðir. […] Eftirlitsmaður frá
okkur fór á staðinn í morgun, tók
myndir og vildi meina að sá sem mok-
aði í Hlíðunum hefði verið að reyna að
lágmarka ruðninga fyrir framan inn-
keyrslur.“
Spurður að því hvernig íbúar geti
hjálpað til segir Björn að það geri þeir
best með því að leggja bílum sínum
þannig að tækin eigi auðveldara með
að komast um.
Íbúar orðnir fullsaddir af mokstri
 Harðir snjóruðningar loka víða bílastæðum og innkeyrslum að húsum  Borgin mokar ekki ruðn-
ingum í burtu nema snjórinn sé farinn að teppa umferð  4-5 bílar notaðir til að aka burtu snjó
Morgunblaðið/Þórður
Egilsgata Fjórir bílskúrar lokaðir. Umferð gengur greiðlega fyrir sig og því mun borgin ekki moka snjónum í burtu.
„Ég, þú, Dagur, Blöndal,
mamma og aðrir íbúar Reykja-
víkur koma því til með að þurfa
að halda áfram að moka frá bíl-
um og/eða innkeyrslum,“ segir
Björn Ingvarsson í svari við
kvörtun Rúnars Þórs Þórarins-
sonar, íbúa í Hlíðunum, sem
taldi víst að Dagur Eggertsson
og Björn Blöndal fengju betri
þjónustu en almennir íbúar og
væru ekki lokaðir inni af veg-
heflum borgarinnar í hvert
skipti sem snjóaði. Aldrei hafi
þurft að minnast á snjómokstur
þegar borgarfulltrúi bjó þar.
„Mamma“ og
Dagur moki
ENGAR SÉRREGLUR