Morgunblaðið - 15.01.2015, Qupperneq 57

57
MORGUNBLAÐIÐ FIMMTUDAGUR 15. JANÚAR 2015
ÚTSALA!
Eikjuvogur 29 - 104 Rvk. S:694-7911
Opið: Mán-fim: 12-18 - fös: 12-16
Allt að 50% afsláttur!
nema hálfa söguna því að hver
ferð hefur sína sérstöðu. Svo eru
líka víða einhverjir sögufrægir
staðir eða byggingar sem gaman
er að skoða.“
Hvernig getur fólk undirbúið sig
hvað þrek snertir fyrir ferðir af
þessu tagi?
„Það er almenn dagleg hreyfing
en þegar nær dregur sumri ættu
tilvonandi ferðalangar að byggja
upp þrek með því hjóla sem mest
og hvíla bílinn, láta hann bara
standa á sínum stað. Við hvetjum
fólk til að hafa í huga að það á eft-
ir að vera viðloðandi hjól í nokkra
klukkutíma á dag, dag eftir dag,
og því er svo mikilvægt að hafa
æft vel. Fólk á að leyfa sér að
drífa sig af stað í svona ferðir ef
það á annað borð hefur löngun til
að hjóla á fjarlægum slóðum. Það
er ekki ástæða til að hafa áhyggjur
fyrirfram eða dæma sig úr leik,
þetta er ekki eins erfitt og sumir
halda.“
Hafa hóparnir sem farið hafa
samband sín á milli og vilja fara
aftur? „Mjög algengt er að fólk
sem búið er að fara einu sinni vilji
fara aftur. Það er í þessu eins og
gönguferðunum að fólk kemur aft-
ur. Sé vel gert við fólk kemur það
aftur og aftur. Við leggjum metnað
í þessar ferðir.“
Hvers vegna fórst þú sjálfur að
hafa áhuga á svona ferðalögum?
„Ætli uppeldið hafi ekki haft sitt
að segja. Foreldrar mínir ferð-
uðust mikið og það var í tjaldútil-
egur að sumri og svo á skíði að
vetri, og svo kynntist maður ferða-
lögum í Skátahreyfingunni og í
Hjálparsveit skáta. Þær ferðir
voru nú fyrst og fremst innanlands
en ég var þó ekki nema þrettán
ára þegar ég fór fyrst til útlanda.
Ferðaþráin er mér líklega í blóð
borin. Afi minn Halldór Sigurðsson
sem var sparisjóðsstjóri í Mýra-
sýslu, fór alla leið til Indlands einn
síns liðs árið 1928, og ferðaðist svo
einnig um Evrópu. Faðir minn
Hreinn Halldórsson var í Hjálp-
arsveit skáta og tók mig oft með í
allskonar ferðir með þeim.“
Hvað um þína fjölskyldu?
„Ég og konan mín Arndís Fre-
driksen ferðumst mikið en með
börnin með okkur eru ferðalögin
meira innanlands.“
Ert þú fararstjóri?
„Já, í skíða- og gönguferðum en
Brandur Jón Guðjónsson er far-
arstjóri í hjólaferðunum. Ég er
einnig eigandi að Fjallakofanum
sem samanstendur af þremur úti-
vistarverslunum, Reykjavíkurvegi
64, Laugavegi 11, og svo í Kringl-
unni 7 en Brandur félagi minn er
verslunarstjóri í þeirri verslun. Í
Fjallakofanum er mikið úrval af
hjóla- og göngufatnaði sem hentar
vel í ferðirnar sem fyrirhugaðar
eru í sumar.“
Gaman „Við leggjum upp úr því að fólk komi með okkur til þess að „njóta en ekki þjóta“ og okkar
ferðir eru hugsaðar fyrir „venjulegt“ fólk til þess að upplifa eitthvað nýtt og spennandi. “
Lífsgæði „Fólk á að leyfa sér að drífa sig af stað í svona ferðir ef það á annað borð hefur löng-
un til að hjóla á fjarlægum slóðum. Þetta er ekki eins erfitt og sumir halda,“ segir Halldór.
- með morgunkaffinu