Morgunblaðið - 28.01.2015, Page 6

FRÉTTASKÝRING
Björn Jóhann Björnsson
bjb@mbl.is
Miðað við fyrstu viðbrögð Samtaka
atvinnulífsins (SA) við kröfugerð
Starfsgreinasambands Íslands
(SGS) í komandi kjaraviðræðum er
nær öruggt að deilunni verði vísað
til ríkissáttasemjara.
Hljóðið í forystu verkalýðshreyf-
ingarinnar hefur verið þungt eftir
að skrifað var undir samninga við
lækna og því ljóst að allt stefnir í
mikil átök á vinnumarkaði. Fjöldi
stéttarfélaga er með lausa kjara-
samninga, sem renna eiga út í lok
febrúar næstkomandi. Annríki
verður þar af leiðandi mikið á skrif-
stofu ríkissáttasemjara í Karphús-
inu við Borgartún.
Fari allt á versta veg í kjara-
viðræðum verður gripið til verk-
fallsboðana og miðað við viðræðu-
áætlanir gætu fyrstu verkföll
mögulega skollið á um miðjan
marsmánuð.
Nærri 200 samningar lausir
Á síðasta ári var 55 kjarasamn-
ingum vísað til sáttasemjara og þar
af er aðeins ósamið um tvo þeirra.
Á þessu ári eru hátt í 200 kjara-
samningar lausir, flestir í lok febr-
úar á almennum vinnumarkaði en
einnig í lok apríl hjá starfsmönnum
hins opinbera.
Stærsta stéttarfélag landsins,
VR, með um 30 þúsund félagsmenn,
er með trúnaðarráðsfund í kvöld
þar sem kröfugerð fyrir komandi
samninga verður mótuð. Ólafía B.
Rafnsdóttir, formaður VR, segist
reikna með að
launaliður kröfu-
gerðarinnar
verði tilbúinn á
allra næstu dög-
um. Á fundinum í
kvöld verður
einnig kynnt við-
horfskönnun
meðal fé-
lagsmanna, þar
sem spurt var
hvaða áherslur þeir vildu sjá í
næstu samningum.
Spurð út í kröfugerð SGS segir
Ólafía hana ekki hafa komið sér á
óvart, sér í lagi miðað við um-
ræðuna að undanförnu í kjölfar
samninga við lækna.
Mun snúast um réttlæti
Telur Ólafía samhljóm verða með
SGS í þeim samtölum sem munu
fara fram við félaga VR. „Þau sam-
töl munu fyrst og fremst snúast um
réttlæti,“ segir Ólafía en stærsti
hópurinn innan VR er millitekju-
fólk. Hún segir kröfu innan þess
hóps um að hækka í takt við aðra.
Þessa dagana í Karphúsinu eru
þrír hópar í viðræðum við Samtök
atvinnulífsins, hver í sínu lagi, þ.e.
starfsmenn Norðuráls á Grundar-
tanga, tæknimenn hjá Landsneti og
tæknimenn hjá Ríkisútvarpinu. Lít-
ið hefur miðað í þeim viðræðum,
samkvæmt upplýsingum blaðsins.
Sér í lagi er þungt hljóð í starfs-
mönnum Norðuráls, en um 80%
þeirra eru í Verkalýðsfélagi Akra-
ness. Samningar við þá runnu út
um áramótin.
Verkföll gætu skollið á í mars
 Stefnir í mikið annríki hjá ríkissáttasemjara á næstunni  Styttist í að VR og Flóabandalagið birti
kröfur sínar  Trúnaðarráðsfundur VR haldinn í kvöld  Viðhorfskönnun til kjarasamninga kynnt
Morgunblaðið/Þórður
Kröfugerð Björn Snæbjörnsson, formaður Starfsgreinasambandsins, með kröfugerðina undir hendi á leið til fundar
við Samtök atvinnulífsins ásamt Finnboga Sveinbjörnssyni, formanni Verkalýðsfélags Vestfjarða, t.v. á myndinni.
Ólafía B.
Rafnsdóttir
6 FRÉTTIRInnlent
MORGUNBLAÐIÐ MIÐVIKUDAGUR 28. JANÚAR 2015
Hækkun lágmarkslauna hefur
lítil sem engin áhrif á atvinnu
þeirra sem eru á eða nærri
lágmarkslaunum. Þetta segir
Viðar Ingason, hagfræðingur
VR, í grein sinni í Vísbendingu
og styðst þar við niðurstöður
rannsókna í Bandaríkjunum.
Segir hann þetta ganga þvert
á ríkjandi kenningar um að
aukið atvinnuleysi fylgi í kjöl-
far hækkunar lágmarkslauna.
„Helsta ástæða þess að
hækkun lágmarkslauna hefur
ekki þau áhrif sem almennt er
talið er sú að kostnaðarauki
fyrirtækja vegna hækkunar
lágmarkslauna er hlutfallslega
lítill. Aðlögunin getur komið
með færri unnum vinnustund-
um, aukinni þjálfun starfs-
manna, aukinni eftirspurn eftir
meira menntuðu starfsfólki,
minni launahækkunum til
þeirra sem hafa hærri laun,
aukinni framleiðni starfs-
manna, hækkun verðlags, lægri
hagnaði fyrirtækja eða minni
starfsmannaveltu,“ ritar Viðar
m.a. í grein sinni í Vísbend-
ingu.
Sem kunnugt er hefur SGS
farið fram á að lágmarkslaun
hækki á þremur árum úr 214 í
300 þúsund kr. á mánuði.
Hækkun hefði
lítil áhrif
LÁGMARKSLAUN
Baldur Arnarson
baldura@mbl.is
Undirbúningur að framkvæmdum
við nýtt 60 herbergja hótel á Lauga-
vegi 34a og 36 er hafinn og er stefnt
að því að uppbyggingin verði komin í
fullan gang öðruhvorumegin við
páska. Hótelið verður fyrir vandláta
viðskiptavini með vandaðri hönnun
og hljóðar kostnaðaráætlun upp á
ríflega 800 milljónir. Stefnt er því að
opna hótelið fyrir sumarið 2016.
Verkefnið er komið vel á rekspöl
en í síðustu viku voru lagðar fram
fyrstu teikningar til byggingar-
nefndar Reykjavíkurborgar.
Verktakar komu í gær fyrir sorp-
gámi fyrir framan Laugaveg 34a og
voru iðnaðarmenn þá að störfum við
að rífa innréttingar. Tilheyrðu þær
m.a. kránni Monte Carlo sem var á
jarðhæð Laugavegar 34a.
Hafa leyfi til flutnings húsa
Á baklóð húsanna stendur til að
reisa tvær jafnháar byggingar. Til
að rýma fyrir þeim verður m.a. timb-
urhús flutt til vesturs og komið fyrir
á Grettisgötu á lóð þar sem nú er
bílastæði. Leyfi til flutnings bakhús-
anna hefur verið veitt.
Hilmar Þór Kristinsson, fram-
kvæmdastjóri félagsins Lantan, sem
sér um uppbyggingu nýs hótels,
væntir þess að í lok vikunnar, eða í
byrjun næstu viku, verði búið að rífa
eða fjarlægja bakhús á lóðinni.
Hann segir framkvæmdir munu
hefjast að fengnu samþykki skipu-
lagsyfirvalda í Reykjavík.
„Okkar áætlanir gera ráð fyrir að
við getum hafist handa um mán-
aðamótin mars/apríl. Ég vonast til
þess að byggingarkrani verði kom-
inn upp á baklóð um miðjan mars og
að svæðið hafi þá verið girt af
Grettisgötumegin. Sú vinna er að
hefjast vegna flutnings húsanna.“
Árni Guðlaugsson byggingar-
tæknifræðingur er forsvarsmaður
og byggingarstjóri verkefnisins.
Nefna má að verslun Guðsteins
Eyjólfssonar er á Laugavegi 34.
Framkvæmdir við hótel
á Laugavegi að hefjast
 800 milljóna króna framkvæmd  Hús flutt næstu daga
Ljósmynd/Baldur Arnarson
Innréttingar teknar niður Verktakar komu í gærmorgun fyrir gámi undir gamlar innréttingar í húsnæðinu.
Verkefnisstjórn rammaáætlunar boðar til
kynningarfundar um rammaáætlun þar sem
farið verður yfir vinnuferlið, stöðu málsins og
viðfangsefnin framundan.
Fundurinn verður haldinn í sal
Þjóðminjasafns Íslands fimmtudaginn
29. janúar 2015 kl. 14–15.
Fundurinn er öllum opinn.
Verkefnisstjórn rammaáætlunar
Kynningarfundur
um rammaáætlun
Bjarni Benediktsson fjármálaráð-
herra segir að Íslendingar hafi á
undanförnum árum orðið sérfræð-
ingar í að viðhalda gjaldeyrishöftum
en á sama tíma hafi of lítill kraftur
farið í að afnema höftin. Afnám hafta
geti tekið tiltölulega skamman tíma
ef hægt væri að stilla saman vænt-
ingar, en það hafi ekki gerst. Þetta
kom fram við sérstaka umræðu um
gjaldeyrishöft á Alþingi í gær en
Árni Páll Árnason, formaður Sam-
fylkingarinnar, var málshefjandi.
Segir mikið talað en lítið gert
Sagði Árni Páll ríkisstjórnina hafa
talað digurbarkalega um losun hafta
en lítið gerðist. Fjármálafyrirtæki
ættu erfitt með að fjármagna sig er-
lendis og að stærri fyrirtæki nytu
betri kjara en þau minni.
Bjarni sagði verkefnið eitt það
allra stærsta á sviði efnahagsmála
sem ríkisstjórnin ynni að, ef ekki það
stærsta. Hann sagði ákveðna hluti
þurfa að gerast en þau skilyrði hefðu
ekki fæðst að mögulegt væri að létta
höftunum. Þannig hefðu slitabúin
ekki náð að ljúka nauðasamningum
og ekki væru uppi raunhæfar vænt-
ingar um það hvernig það gæti gerst.
Það hefði tafið ferlið. Bjarni sagði að
lokum að verið væri að kortleggja
vandann með aðstoð sérfræðinga.
Kostirnir yrðu kynntir á næstu vik-
um eða mánuðum. davidmar@mbl.is
Kostirnir kynntir á næstu
vikum eða mánuðum