Morgunblaðið - 28.01.2015, Blaðsíða 21

FRÉTTIR 21Erlent
MORGUNBLAÐIÐ MIÐVIKUDAGUR 28. JANÚAR 2015
Stefán Gunnar Sveinsson
sgs@mbl.is
Þrír hryðjuverkamenn vopnaðir hríð-
skotarifflum gerðu áhlaup á Cor-
inthia-hótelið í Trípolí, höfuðborg
Líbýu í gær. Skutu þeir níu manns til
bana, þar af fimm útlendinga, áður en
þeir tóku eigin líf með því að sprengja
sig í loft upp á 24. hæð hótelsins, þar
sem þeir höfðu verið umkringdir.
Jafnframt sprengdu mennirnir upp
bíl fyrir framan hótelið. Í kjölfar árás-
arinnar lýstu hryðjuverkasamtökin
Ríki íslams ábyrgðinni á ódæðinu á
hendur sér, en nokkrir hópar víga-
manna í Líbýu hafa lýst yfir stuðningi
sínum við samtökin, sem nú ráða yfir
stóru landsvæði í Sýrlandi og Írak.
Hótelið hýsir sendiráð
Corinthia-hótelið er vinsæll
samastaður fyrir erlenda sendimenn
til Líbýu, og er sendiráð Katar til að
mynda á 24. hæð hótelsins. Engir
sendiherrar eða aðrir erlendir erind-
rekar voru þó á hótelinu þegar árásin
var gerð. Omar al-Hasi, annar af
tveimur sem gera tilkall til embættis
forsætisráðherra í Líbýu, var hins
vegar á hótelinu þegar árásin hófst,
en lífverðir hans komu honum í
öruggt skjól.
Á meðal þeirra föllnu eru þrír ör-
yggisverðir hótelsins, sem féllu við
upphaf árásarinnar, fimm erlendir
menn sem voru skotnir til bana, og
einn gísl sem lést þegar mennirnir
sprengdu sig í loft upp. Að auki særð-
ust fimm til viðbótar, þar af tveir
starfsmenn hótelsins sem fengu gler-
brot í sig þegar bílsprengjan sprakk.
Ekki hefur verið tilkynnt nánar um
þjóðerni þeirra sem létust.
Óttast um áhrif árásarinnar
Árásin var fordæmd víða í gær.
Federica Mogherini, yfirmaður utan-
ríkismála hjá Evrópusambandinu,
sagði að árásin hefði greitt tilraunum
til þess að koma friði á ný í landinu
þungt högg, en á mánudaginn hófust
nýjar friðarviðræður í Genf á vegum
Sameinuðu þjóðanna. Er vonast til að
þar verði hægt að sætta stríðandi
fylkingar innan Líbýu, en vesturhluti
landsins er nú á valdi Íslamista, en
austurhlutinn tilheyrir bráðabirgða-
stjórninni er skipuð var við fall Gad-
dafís árið 2011.
AFP
Við hótelið Öryggissveitir um-
kringdu hótelið eftir árásina.
Níu fallnir í sjálfs-
vígsárás í Trípolí
 Talið að árásin geti sett friðarferlið í Líbýu í uppnám
 Hópar tengdir Ríki íslams lýsa ábyrgð á hendur sér
Talið er að eitrað hafi verið tvisvar
sinnum með stuttu millibili fyrir rúss-
neska njósnarann Alexander Litvin-
enkó, sem var myrtur í London í nóv-
ember 2006. Þetta kom fram við
upphaf nýs dánardómstóls í gær.
Hlutverk rannsóknarinnar verður
það að meta hvert hlutverk rússneska
ríkisins var í andláti Litvinenkós, en
tveir Rússar, Andrej Lúgovoj og
Dmitrí Kovtun, eru grunaðir um
verknaðinn. Rússland hefur neitað að
framselja mennina til Bretlands.
Litvinenkó lést 23. nóvember 2006
vegna eitrunar af völdum geisla-
virkni. Kom í ljós við krufningu að
hann hafði neytt geislavirka efnisins
pólóníum-210. Er talið að hann hafi
drukkið grænt te sem búið var að
setja efnið út í, en leifar af efninu
fundust á sushi-veitingastað þar sem
Litvinenkó hitti þá Lúgovoj og Kovt-
un hinn 1. nóvember 2006. Í nýjum
gögnum sem lögð voru fyrir réttinn
kom fram að leifar af pólóníum-210
hefðu einnig fundist á öðrum stað,
þar sem þremenningarnir hittust
tveimur vikum fyrr. Rannsókn dóm-
stólsins mun standa í tvo mánuði.
Hugsanlega tvær
tilraunir til eitrunar
 Ný rannsókn á andláti Litvinenkó
EPA
Rannsókn Ekkja og sonur Litvin-
enkós mæta til dánardómstólsins.
Þess var minnst víða um heim í gær að 70 ár voru liðin
frá því að Rauði herinn frelsaði fanga í útrýmingar-
búðum nasista við Auschwitz-Birkenau. Þeirra á meðal
var þessi kona, sem minntist fallinna félaga með því að
leggja hönd á „vegg dauðans“, þar sem aftökur í búð-
unum fóru fram. Fjöldi eftirlifenda kom saman við búð-
irnar og minntist fórnarlamba Helfararinnar, ásamt
þjóðarleiðtogum helstu ríkja Evrópu.
AFP
Helfararinnar minnst við Auschwitz
Yanis Varoufakis var í gær skip-
aður næsti fjármálaráðherra
Grikklands þegar tilkynnt var um
ráðherraskipan í ráðuneyti Alexis
Tsipras. Varoufakis er öfga-
vinstrimaður og hagfræðingur.
Þykir skipan hans benda til þess að
grísk yfirvöld ætli sér ekki að gefa
neitt eftir í viðræðum við lán-
ardrottna sína. Hlutabréfamark-
aðurinn í Aþenu brást við fregn-
unum af nýrri ríkisstjórn með falli
um rúm sex prósent.
GRIKKLAND
Markaðir féllu með
nýrri ráðherraskipan
Fídel Kastró, fyrrverandi forseti
Kúbu, hefur lýst yfir stuðningi sínum
við viðleitni Raúls, bróður síns, til að
bæta samskipti á milli Bandaríkjanna
og Kúbu. Sagði Kastró í bréfi sem les-
ið var upp í sjónvarpi að hann van-
treysti Bandaríkjunum, en að hann
vildi leita sátta við allar þjóðir.
KÚBA
Kastró styður Raúl
EINSTÖK
TILBOÐ!
Kletthálsi 11 -110 Reykjavík
Sími 525 8000 - bilaland@bilaland.is
www.bilaland.is
www.facebook.com/bilaland.is
TILBOÐ
TILBOÐ
TILBOÐ
TILBOÐ
TILBOÐ
TILBOÐ
TILBOÐ
GERÐU FRÁBÆR KAUP
VW PASSAT HIGHLINE ECOF.
Nýskr. 08/11, ekinn 102 þús. km.
bensín, sjálfskiptur.
Verð áður kr. 3.390.000
TILBOÐSVERÐ!
2.770 þús.
HYUNDAI i30 STYLE
Nýskr. 11/07, ekinn 88 þús km.
bensín, sjálfskiptur.
Verð áður kr. 1.690.000
TILBOÐ kr. 1.380 þús.
HYUNDAI ix35 GLS
Nýskr. 04/11, ekinn 117 þús km.
bensín, sjálfskiptur.
Verð áður kr. 2.990.000
TILBOÐ kr. 2.650 þús.
RENAULT MEGANE SP. TOURER
Nýskr. 01/07, ekinn 107 þús km.
bensín, beinskiptur.
Verð áður kr. 1.140.000
TILBOÐ kr. 880 þús.
CHEVROLET AVEO LTZ
Nýskr. 02/12, ekinn 60 þús km.
bensín, sjálfskiptur.
Verð áður kr. 1.980.000
TILBOÐ kr. 1.580 þús.
NISSAN NOTE VISIA
Nýskr. 05/11, ekinn 81 þús km.
bensín, beinskiptur.
Verð áður kr. 1.680.000
TILBOÐ kr. 1.370 þús.
NISSAN QASHQAI SE
Nýskr. 05/12, ekinn 60 þús km.
bensín, sjálfskiptur.
Verð áður kr. 4.090.000
TILBOÐ kr. 3.590 þús.
Rnr. 142683
Rnr. 142225
Rnr. 120532
Rnr. 142039
Rnr. 102273
Rnr. 131129
Rnr. 130784
GÖNGUM FRÁ
FJÁRMÖGNUN Á
STAÐNUM
WWW.BÍLALAND.IS