Morgunblaðið - 17.02.2015, Blaðsíða 21

nemendur, rifjar upp að fyrir ári hafi
hún orðið fyrir bíl rétt hjá skólanum.
„Þegar ekið var á mig hljóp hann til
mín og hjálpaði mér að komast aftur
inn í skólann,“ segir hún.
Julie segir að stundum hafi hann
þó virst býsna árásargjarn. „Hann
var með fínar einkunnir, átti vini og
var góður bekkjarfélagi, var sterkur
og stundaði þrekþjálfun í skólan-
um.“ En hana hafi aldrei órað fyrir
því að þessi maður ætti sér sögu af-
brota og ofbeldis og tengsla við
glæpagengi, hvað þá að hann myndi
þrem dögum síðar stinga ungan
mann, farþega í lest, með hnífi.
Hann sagðist þá hafa verið undir
kannabis-áhrifum. Ári síðar varð
hann svo alræmdur um allan heim
BAKSVIÐ
Kristján Jónsson
kjon@mbl.is
Ráðamenn í Danmörku, Frakklandi
og Þýskalandi hvöttu í gær evrópska
gyðinga til að flytjast ekki úr landi
til Ísraels þrátt fyrir vaxandi ofbeldi
og hótanir gegn þeim. Annað fórn-
arlamba danska múslímans Omars
Abdels Hamids el-Husseins á laug-
ardag var gyðingur, vaktmaður við
sýnagógu í Kaup-
mannahöfn.
Danskir fjöl-
miðlar segja að
hinn 22 ára gamli
el-Hussein, sem
lögreglumenn
felldu á laugar-
dagskvöld á
Svanevej, hafi
verið sonur inn-
flytjenda frá Pal-
estínu. Furðu lostnir vinir hans
segja sumir að hann hljóti að hafa
verið „heilaþveginn“ af ofstækis-
mönnum. Þess má geta að tveir
menn eru nú í haldi lögreglunnar,
sakaðir um að hafa veitt el-Hussein
aðstoð.
Fyrrverandi skólafélagar hans
segja að hinn hávaxni el-Hussein
hafi verið „mjög viðkunnanlegur og
greindur“ en ljóst er einnig að hann
hefur verið mikill skapofsamaður og
óútreiknanlegur. Í fréttaskýringu í
Politiken er haft eftir heimildar-
mönnum að hann hafi stundum á
svipstundu fyllst heift, einkum ef
rætt var um málefni Palestínu og
Ísraels. Kveikiþráðurinn var stuttur
og hann hataði gyðinga.
„Var góður bekkjarfélagi“
Félagi el-Hussein segir að hann
hafi ávallt rokið upp ef hann hafi
haft á tilfinningunni að hann sætti
óréttlæti af einhverju tagi. Julie, tví-
tug fyrrverandi bekkjarsystir el-
Husseins á námskeiði fyrir efnilega
fyrir hryðjuverk sín, morð á tveim
saklausum mönnum í Kaupmanna-
höfn, tveim vikum eftir að hann losn-
aði úr fangelsi.
El-Hussein fæddist í Danmörku,
talaði góða dönsku auk arabísku.
Ekki er neitt sem bendir til að hann
hafi verið í formlegu sambandi við
íslamska ofstækismenn. En atburðir
helgarinnar sýndu að hann vildi eins
og þeir myrða gyðinga og talsmenn
vestræns tjáningarfrelsis. Ekstra-
bladet segir að 45 mínútum áður en
hann gerði skotárás á fund sem
haldinn var í veitingahúsinu Krudt-
tønden um tjáningarfrelsi hafi hann
sett á fésbókarsíðu sína myndskeið
með áróðri íslamista og ákalli um
heilagt stríð, jihad.
Var með stuttan kveiki-
þráð og hataði gyðinga
 Morðinginn el-Hussein var góður námsmaður en hneigður til ofbeldis
AFP
Samstaða Fjöldaganga til stuðnings Dönum í París í gær. Á einu spjaldinu stendur: Við erum öll Danir.
Styðja gyðinga
» Nokkrir grafreitir gyðinga í
Elsass í Frakklandi voru saurg-
aðir um helgina.
» Danska lögreglan telur að
morðárásirnar í París í janúar,
þegar 17 dóu, þar af fjórir gyð-
ingar, hafi ýtt undir hugmyndir
el-Husseins og félaga hans.
» Helle Thorning-Schmidt,
forsætisráðherra Danmerkur,
sagði um helgina að danskir
gyðingar væru óaðskiljanlegur
„hluti samfélagsins“.
Omar Abdel Hamid
el-Husseini
FRÉTTIR 21Erlent
MORGUNBLAÐIÐ ÞRIÐJUDAGUR 17. FEBRÚAR 2015
Kona í Donetsk í austurhluta Úkra-
ínu nýtti sér á sunnudaginn brot-
hætt vopnahléið og fór á róluvöll-
inn með barnabörnin. Enn voru
átök á svæðinu, fimm hermenn
Úkraínumanna munu hafa fallið í
borginni Sírokíne, nálægt hafnar-
borginni Maríupol. Sögðu stjórn-
völd í Kænugarði í gær að aðskiln-
aðarsinnar hefðu undanfarinn
sólarhring gert 112 árásir, þrátt
fyrir vopnahléið sem tók gildi á
laugardagskvöld.
Ekki kæmi til greina að svo
stöddu að flytja á brott þungavopn
hersins. „Hvernig getum við dregið
til baka vopn meðan uppreisn-
armenn reyna að ráðast á okkur
með skriðdrekum og skjóta stöðugt
á okkur?“ sagði talsmaður Úkra-
ínuhers, Vladíslav Selesnjov.
Uppreisnarmenn gerðu enn
harða hríð að Debaltseve, borg þar
sem sameinast járnbrautalínur
milli Lúhansk og Donetsk sem upp-
reisnarmenn ráða yfir. Þúsundir
stjórnarhermanna eru innikróaðar
í Debaltseve. kjon@mbl.is
Stund milli stríða
í Donetsk-borg
EPA
Forseti Egypta-
lands, Abdel Fat-
tah al-Sisi, hvatti
í gær ríki heims
til að sameinast
gegn hryðju-
verkasamtökum
íslamista, IS en
þau ráða nú þeg-
ar stórum svæð-
um í Sýrlandi og
Írak. Egypski flugherinn gerði í
gær loftárásir á stöðvar stuðnings-
manna IS í Derna í austanverðri
Líbíu eftir að þeir höfðu birt á net-
inu myndskeið þar sem þeir hjuggu
höfuð af 21 kristnum Egyptum,
verkamönnum sem þeir höfðu tekið
til fanga. Derna hefur verið ein
helsta bækistöð íslamista í Líbíu
eftir fall Muammars Gaddafis ein-
ræðisherra 2011.
Morðin hafa vakið mikinn óhug
um allan heim. Um 10% egypsku
þjóðarinnar eru í svonefndri kopta-
kirkju sem er meðal elstu safnaða
kristinna manna í heiminum.
Egyptar hafa um hríð barist við fá-
menna hópa íslamista á Sínaí-skaga
og hafa tugir hermanna fallið.
Frakkar hvöttu í gær öryggisráð
Sameinuðu þjóðanna til að grípa til
aðgerða gegn íslamistum í Líbíu.
kjon@mbl.is
Loftárásir á ísl-
amista í Líbíu vegna
morða á koptum
Fattah al-Sisi
EGYPTALAND
Fjármálaráðherrar Evrópusam-
bandsríkjanna héldu í gær fund í
Brussel til að ræða lausnir á efna-
hagsvanda Grikkja sem vilja fá
lengri tíma til að greiða skuldir rík-
isins. Einnig vilja þeir að slakað
verði á kröfum um aðhaldsaðgerðir
sem hafa komið hart niður á al-
mennum borgurum.
Wolfgang Schäuble, fjármála-
ráðherra Þýskalands, efaðist um að
lausn fyndist. „Vandinn er að
Grikkir hafa um langt skeið lifað
um efni fram og enginn vill lengur
veita þeim lán án þess að því fylgi
tryggingar,“ sagði ráðherrann.
kjon@mbl.is
Grikkir sagðir hafa
lifað um efni fram
EVRÓPUSAMBANDIÐ
ÖRYGGISVÖRUR
VERKTAKANS
KÍKTU Í KEMI OG SKOÐAÐU ÚRVALIÐ!
– Þekking og þjónusta í 20 ár
Kemi • Tunguhálsi 10 • 110 Reykjavík
www.kemi.is • Sími: 415 4000
Opið: Mánudag - fimmtudags: Frá kl. 8.00-17.30.
Föstudaga: Frá kl. 8.00-17.00.