Morgunblaðið - 27.03.2015, Page 20

20 FRÉTTIRErlent
MORGUNBLAÐIÐ FÖSTUDAGUR 27. MARS 2015
er leiðandi framleiðandi
LED lýsingar og stýringa
og býður heildarlausnir
fyrir iðnaðar-
og lagerhúsnæði
Leitaðu upplýsinga hjá löggiltum rafverktökum,
lýsingarhönnuðum og arkitektum
Fáðu fagmann í verkið til að tryggja rétta
meðhöndlun, endingu og ábyrgð. Það er þitt öryggi.
www.reykjafell.is
SVIÐSLJÓS
Stefán Gunnar Sveinsson
sgs@mbl.is
Talið er að aðstoðarflugmaður
þýsku farþegaflugvélarinnar sem
hrapaði í Ölpunum á þriðjudaginn
hafi viljandi ákveðið að lækka flugið
og neitað að opna flugstjórnarklef-
ann fyrir flugstjóranum, sem hafði
brugðið sér frá. Þetta kom fram í
yfirlýsingu frá Brice Robin, sak-
sóknara í Frakklandi og stjórnanda
rannsóknarinnar á flugslysinu, sem
hann gaf á blaðamannafundi í gær.
Flugmaðurinn var nafngreindur í
gær sem Andreas Lubitz, 28 ára
gamall Þjóðverji, en ekki er talið að
hann hafi haft nein tengsl við
hryðjuverkasamtök eða öfgahópa.
Sagði Robin að svo virtist sem Lu-
bitz hefði haft „löngun til að eyða“
vélinni.
Sat þögull í tíu mínútur
Robin sagði að Lubitz hefði verið
einn við stjórnvölinn þegar flugvél-
in hrapaði. Byggt á þeim upplýs-
ingum sem fengust úr flugritunum
höfðu flugstjórinn og flugmaðurinn
talast rólega við í um það bil tutt-
ugu mínútur eftir flugtak frá
Barcelona, en þá hefði flugstjórinn
beðið Lubitz um að taka við og farið
fram, líklega til þess að fara á sal-
ernið.
Lubitz mun hafa ákveðið að læsa
klefanum þegar flugstjórinn fór út.
Robin sagði að á flugritanum
heyrðist að flugstjórinn bæði Lu-
bitz nokkrum sinnum um að hleypa
sér inn í klefann, en án svars. Svo
virðist sem Lubitz hafi andað eðli-
lega, sem gefur til kynna að hann
hafi haldið fullri meðvitund. Hann
sat þó þögull síðustu tíu mínúturnar
áður en flugvélin brotlenti.
Robin sagði að farþegar vélarinn-
ar hefðu ekki orðið varir við neitt
fyrr en undir það allra síðasta, en
þá heyrast skelfingaróp á flugrit-
anum. Munu þeir allir hafa látist
um leið og vélin brotlenti. Robin
sagði að það væri ekki hægt að tala
um gjörðir Lubitz sem sjálfsvíg í
ljósi þess að 149 aðrir hefðu farist
með honum.
Slegnir yfir niðurstöðunum
Niðurstöður rannsóknarinnar
vöktu víða ugg og óhug meðal fólks.
Mariano Rajoy, forsætisráðherra
Spánar, sagði að hann væri mjög
sleginn yfir niðurstöðunum og
ítrekaði samúðarkveðjur sínar til
aðstandenda þeirra sem voru um
borð.
Á fréttamannafundi þýska flug-
félagsins Lufthansa, móðurfélags
Germanwings sem rak vélina, kom
fram að forsvarsmenn fyrirtækisins
væru í losti yfir hegðun Lubitz.
Carsten Spohr, framkvæmda-
stjóri Lufthansa, sagði á fundinum
að evrópskar reglugerðir skylduðu
flugáhafnir ekki til þess að hafa
ávallt tvo í flugstjórnarklefanum
hverju sinni líkt og hjá bandarísk-
um flugfélögum. Kom fram í máli
hans að hurðir að flugstjórnarklef-
um hefðu verið hertar í kjölfar
hryðjuverkanna í Bandaríkjunum
2001, þannig að vopn ynnu ekki á
þeim, og að sérstakan aðgangskóða
þyrfti til þess að komast inn í klef-
ann, sem flugáhafnir kynnu utan-
bókar. Hins vegar væri það jafn-
framt möguleiki fyrir þá sem sitja
við stjórnvölinn að læsa klefunum
þannig að kóðinn virkaði ekki í að
minnsta kosti fimm mínútur.
Spohr sagði einnig að hann hefði
enn fulla trú á þjálfunarferli flug-
manna hjá Lufthansa og German-
wings, en að engu að síður yrði far-
ið yfir það í kjölfar flugslyssins.
Flugmaðurinn grandaði vélinni
 Talið að aðstoðarflugmaðurinn hafi vísvitandi ákveðið að lækka flugið  Læsti flugstjórann úti og
neitaði að opna klefann  Ekki skylda hjá flugfélaginu að hafa alltaf tvo í flugstjórnarklefanum
AFP
Blaðamannafundur Brice Robin, saksóknari í Frakklandi, greinir frá niðurstöðum rannsóknar sinnar.
Stefán Gunnar Sveinsson
sgs@mbl.is
Fjölskyldur þeirra sem fórust í flug-
slysinu á þriðjudaginn lögðu leið
sína til Frakklands í gær, sam-
kvæmt tilkynningu frá innanríkis-
ráðuneyti landsins, en aðstandendur
fengu að hitta Brice Robin, stjórn-
anda rannsóknarinnar, áður en hann
tilkynnti niðurstöður rannsóknar
sinnar.
Um 60 ættingjar lögðu síðan leið
sína til frönsku Alpanna, nálægt
slysstaðnum, en búið er að loka hann
af á meðan leitað er að braki vél-
arinnar. Í þorpinu Le Vernet, sem er
sú mannabyggð sem næst er staðn-
um, bjuggu íbúar sig undir komu að-
standenda með því að opna fyrir
þeim heimili sín og önnur gistipláss
til þess að hýsa þá. Voru fjölmiðlar
beðnir um að sýna þeim sem komu í
gær virðingu sína, og hélt lögreglan
öllum óviðkomandi fjarri.
Flestir af þeim 150 sem fórust
með vél Germanwings á þriðjudag-
inn voru frá Þýskalandi og Spáni, en
að minnsta kosti 75 Þjóðverjar og 51
Spánverji voru um borð í vélinni,
samkvæmt upplýsingum frá
spænskum yfirvöldum, en talið er að
fólk af tuttugu mismunandi þjóð-
ernum hafi verið um borð.
Geðþekkur ungur maður
Andreas Lubitz, hinn 28 ára gamli
aðstoðarflugmaður vélarinnar, sem
sagður er hafa grandað vélinni, hafði
flogið í um 630 klukkutíma. Sam-
kvæmt erlendum fjölmiðlum litu vin-
ir hans, samstarfsmenn og fjöl-
skylda á hann sem geðþekkan ungan
mann, og benti ekkert til þess að
hann hefði verið þunglyndur stuttu
fyrir slysið.
Lubitz dreymdi um það alla ævi
að gerast flugmaður, og var hann
farinn að taka þátt í starfi flug-
klúbba í heimabæ sínum frá fjórtán
ára aldri, og varð sér úti um svifflug-
próf. Hann hóf störf sem flugmaður
fyrir Germanwings-flugfélagið í
september 2013, og hlaut flugþjálfun
sína hjá móðurfélagi þess, Luft-
hansa, í Bremen. Þar hafði hann haf-
ið störf árið 2008 sem flugþjónn, og
hóf þjálfun sama ár.
Lubitz þurfti hins vegar að gera
tímabundið hlé á henni og hermdu
fregnir í breskum fjölmiðlum að
hann hefði þá þjáðst af þunglyndi.
Hann mun þó hafa náð bata og
stóðst hann öll hæfnispróf flug-
félagsins, sem innihéldu sálræn próf
og reglulegar læknisskoðanir.
AFP
Í lögreglufylgd Rúta með aðstandendum þeirra sem létust í slysinu kemur til þorpsins Seyne-les-Alpes í gær.
Aðstandendur leggja
leið sína til Frakklands
 Aðstoðarflugmaðurinn vel liðinn af samstarfsmönnum