Morgunblaðið - Sunnudagur - 08.03.2015, Qupperneq 4

Reikningarnir kosta sitt
Að fá að borga mánaðarlegareikninga sína fyrir vatnog rafmagn hjá Orkuveitu
Reykjavíkur kostar samanlagt
3.888 krónur á ári ef óskað er eftir
reikning á pappír inn um lúguna.
Gjaldið lækkar sé pappír afþakk-
aður og tekið við reikningum raf-
rænt en nemur þó 1.854 krónum á
ári.
Tölurnar segja til um samanlögð
seðilgjöld eða þjónustugjöld sem
rukkuð eru til að „mæta kostnaði
við að prenta og senda greiðslu-
seðla eða birta þá með rafrænum
hætti“, líkt og fram kemur á vef
Orkuveitunnar.
Samanlagt rukkaði Orkuveita
Reykjavíkur viðskiptavini sína, ein-
staklinga og fyrirtæki, um rúmar
180 milljónir króna í seðilgjöld á
árinu 2014. Árin tvö þar á undan
var upphæðin hærri, eða í kringum
188 milljónir króna. Stærstur hluti
þess kostnaðar sem þessum gjöld-
um er ætlað að mæta eru þjón-
ustugjöld sem Orkuveitan greiðir
síðan áfram til bankans.
80% fá reikninga
senda rafrænt
Á síðasta ári greiddi OR 108,7
milljónir króna í banka- og kröfu-
kostnað. Að prenta reikninga og
greiða póstburðargjöld kostar í
kringum 50 milljónir króna. Fyrir
utan þennan beina kostnað stendur
seðilgjald undir kostnaði við „hug-
búnaðar- og sérfræðivinnu“ en sá
hluti kostnaðarins hefur numið frá
7,5% upp í 18% á síðustu þremur
árum.
Seðilgjöld eru óháð upphæð
reiknings sem þýðir að þau leggj-
ast jafnt á alla viðskiptavini, alveg
sama hversu hár reikningurinn er.
Ofan á seðilgjaldið, sem ýmist heit-
ir seðilgjald, þjónustugjald eða til-
kynningar- og greiðslugjald á
reikningi neytenda, leggst virð-
isaukaskattur.
Orkuveita Reykjavíkur gefur út
350-400 þúsund reikninga að með-
altali um hver mánaðamót. Stærst-
ur hluti viðskiptavina, eða um 80%,
kýs að fá reikninga sína rafrænt en
um 20% notenda fá þá senda til sín
í pappírsformi.
Samkvæmt verðskrá Orkuveit-
unnar kostar 193 krónur að fá
reikning sendan heim í klassískum
gluggapósti. Sé pappír afþakkaður
og reikningur aðeins birtur neyt-
anda rafrænt lækkar gjaldið niður
í 92 krónur.
Hver gjalddagi kostar 206
krónur eða 432 krónur
Viðskiptavinir fá að jafnaði tvær
kröfur í heimabankann frá Orku-
veitunni, í stað þriggja áður. Önnur
krafan er fyrir rafmagn og heitt
vatn, hin fyrir kalt vatn og frá-
veitu. Seðilgjald leggst á báðar
kröfurnar. Þar sem Reykvíkingar
og nærsveitungar búa jafnan í upp-
hituðum húsum með raflögn og
rennandi vatni má gera ráð fyrir
að allir viðskiptavinir OR greiði
þessar tvær kröfur og því tvöfalt
seðilgjald.
Fyrir vatns- og fráveitureikning
á pappír þarf að borga 193 krónur
í seðilgjald en fyrir rafmagns- og
heitavatnsreikninginn 239 krónur.
Fyrir gluggapóstshópinn nemur
Orkuveita Reykjavíkur
er líklega einn stærsti
útgefandi reikninga á
landinu.
KOSTNAÐUR NEYTENDA VIÐ AÐ FÁ AÐ GREIÐA RAFRÆNA REIKNINGA SÍNA HJÁ ORKUVEITU REYKJAVÍKUR NEMUR 1.854 KRÓNUM Á ÁRI EN
3.888KRÓNUM Á ÁRI EF REIKNINGUR ER SENDUR HEIM. ORKUVEITAN STEFNIR AÐ ÞVÍ AÐ LÆKKA SEÐILGJÖLD UM NÆSTU ÁRAMÓT. Á SÍÐASTA ÁRI
INNHEIMTI OR 180 MILLJÓNIR KRÓNA Í SEÐILGJÖLD, ÞAR AF FÓRU 108 MILLJÓNIR KRÓNA BEINT TIL BANKANS.
samanlagt seðilgjald því 432 krón-
um fyrir hvern gjalddaga.
Fyrir þann hóp viðskiptavina sem
þiggur rafræna birtingu reikninga
kostar það samanlagt 206 krónur á
hvern gjalddaga að fá að sjá og
borga sínar kröfur. Fyrir rafrænan
vatns- og fráveitureikning þarf að
borga 92 krónur í seðilgjald en fyrir
rafrænan rafmagns- og heitavatns-
reikning eru greiddar 114 krónur.
Ástæða þess að seðilgjöldin eru
ólík eftir kröfum er sú að seðil-
gjald á kröfunni fyrir rafmagn og
heitt vatn ber 24% virðisaukaskatt
en á seðilgjaldið sem rukkað er
vegna kalda vatnsins og fráveitu
leggst ekki virðisaukaskattur.
Gjalddagar eru ekki í hverjum
mánuði heldur eru níu gjalddagar
á ári. Það þýðir að gluggapóstur
með hita, rafmagni, vatni og frá-
veitu kostar 3.888 krónur á ári fyr-
ir hvern viðskiptavin, en sé rafræn
birting nægjanleg þarf viðskipta-
vinur að greiða 1.854 krónur á ári
hverju fyrir að fá að borga reikn-
inga sína hjá Orkuveitunni.
Upplýsingafulltrúi segir
seðilgjöldin ekki tekjupóst
Svokölluð seðilgjöld sem eru lögð
ofan á upphæð reikninga til að
mæta kostnaði við umsýslu reikn-
ingagerðar voru talsvert til um-
ræðu á Alþingi fyrir nokkru og enn
eru í gildi tilmæli sem þáverandi
viðskiptaráðherra lét gefa út um
seðilgjöld. Í tilmælunum er meðal
annars fjallað um raunkostnað, þ.e.
að það sem neytendur eru rukkaðir
um í seðilgjöld skuli endurspegla
þann kostnað sem liggur að baki
stofnun kröfu og gerð reikninga.
Að sögn Eiríks Hjálmarssonar,
upplýsingafulltrúa Orkuveitu
Reykjavíkur, hefur farið talsverð
vinna í það að undanförnu hjá fyr-
irtækinu að leitast við að lækka
kostnað við reikningagerð, meðal
annars með því að sameina reikn-
inga á kröfur.
„Þetta er ekki tekjupóstur hjá
Orkuveitunni, heldur á þetta gjald
bara að standa undir kostnaði. Við
stefnum á frekari lækkun kostn-
aðar við gerð reikninga og munum
þá lækka þjónustugjöldin um
næstu áramót. Það er ekki hægt að
segja til um hversu mikil lækkunin
verður, en við leggjum mikinn
metnað í að rukka ekki hærra en
sem nemur kostnaði.“
2012
187.978.199
11.897.399
34.727.783
127.194.570
14.018.794
187.838.546
Tekjur vegna seðilgjalda
Ytri kostnaður við reikningagerð OR
Prentun
Póstburðargjöld
Banka- og kröfukostnaður
Annað (hugbúnaðar- og sérfræðivinna)
Kostnaður samtals
Seðilgjöld OR og skipting kostnaðar sem þau eiga að standa undir
Heimild: Orkuveita Reykjavíkur
2013
187.668.192
12.692.729
29.576.290
111.593.280
34.138.231
188.000.530
2014
180.432.131
14.261.790
34.392.041
108.664.314
20.000.000
177.318.145
Morgunblaðið/Árni Sæberg
* Við leggjum mikinn metnað í að rukka ekki hærra ensem nemur kostnaði. Eiríkur HjálmarssonÞjóðmálEYRÚN MAGNÚSDÓTTIR
eyrun@mbl.is
4 MORGUNBLAÐIÐ SUNNUDAGUR 8.3. 2015