Morgunblaðið - 10.04.2015, Qupperneq 38

38 MENNING
MORGUNBLAÐIÐ FÖSTUDAGUR 10. APRÍL 2015
VIÐTAL
Silja Björk Huldudóttir
silja@mbl.is
„Sequences er eina hátíðin á Ís-
landi sem einblínir eingöngu á
myndlist og hefur það að markmiði
að skapa vettvang fyrir framsækna
myndlist. Lögð er sérstök áhersla
á tímatengda list á borð við gjörn-
inga, hljóðlist og vídeólist,“ segir
Ragnheiður Maísól Sturludóttir,
fjölmiðlafulltrúi alþjóðlegu mynd-
listarhátíðarinnar Sequences VII,
sem hefst í dag og stendur til
sunnudagsins 19. apríl.
Að hátíðinni, sem fyrst var hald-
in árið 2006, standa m.a. Kynning-
armiðstöð íslenskrar myndlistar,
Nýlistasafnið og Kling&Bang.
„Hátíðin hefur vaxið og dafnað frá
ári til árs. Í fyrsta sinn í ár er er-
lendur sýningarstjóri,“ segir Ragn-
heiður Maísól og vísar þar til þess
að sýningarstjórinn er Alfredo
Cramerotti, en hann gegnir stöðu
forstöðumanns MOSTYN stærstu
samtímaliststofnunar Wales, og að-
stoðarsýningarstjóri er Edda
Kristín Sigurjónsdóttir.
„Á opinberri dagskrá hátíð-
arinnar í ár taka þátt 26 myndlist-
armenn frá átta löndum. Sýnenda-
hópurinn hefur breiðan bakgrunn,
allt frá því að nýútskrifaðir lista-
menn yfir í stórar kanónur á borð
við Carolee Schneemann, sem er
heiðurslistamaður hátíðarinnar í
ár,“ segir Ragnheiður Maísól. Af
íslenskum þekktum listamönnum
sem þátt taka nefnir hún Margréti
H. Blöndal og Finnboga Péturs-
son.
Rafræn samskipti til skoðunar
Hátíðin verður sett í Kling-
&Bang í dag kl. 17 með opnun
sýningar með Carolee Schneem-
ann. „Samhliða sýningu Schneem-
ann mun Hanna Kristín Birg-
isdóttir opna sýningu í
Kling&Bang og mun hún flytja
gjörning á opnuninni.“
Í dag mun Ragnar Helgi Ólafs-
son einnig sýna nýtt verk í nýju
sýningarrými Nýlistasafnsins.
„Það nefnist Núllið og er staðsett í
Bankastræti 0 þar sem áður var
almenningsklósett,“ segir Ragn-
heiður Maísól og tekur fram að nýi
sýningarstaðurinn kallist vel á við
þema hátíðarinnar í ár sem er
„plumbing“ eða pípulagnir. „Sýn-
ingarstjórinn er að skoða birting-
armynd rafrænna samskipta sam-
tímans og óséða strúktúrinn á bak
við þessi samskipti, sem birtist
bæði í líkamanum og umhverfinu,“
segir Ragnheiður Maísól og bendir
á að margir þeirra íslensku mynd-
listarmanna sem taka þátt í hátíð-
inni vinni markvisst með líkamann.
Nefnir hún í því samhengi lista-
menn á borð við Dagrúnu Aðal-
steinsdóttur, Kolbein Huga Hösk-
uldsson, Margrét Helga
Sesseljudóttir og Helgi Þórsson.
11 sýningarstaðir
Að sögn Ragnheiðar Maísólar
mun opnunarhátíðin standa yfir til
sunnudagsins 12. apríl. „Sýningar
Sequences VII munu teygja anga
sína út um alla borg. Níu lista-
menn munu sýna í JL húsinu þar
sem áður var verslunin Nóatún,
opnuð verður sýning í Nýlistar-
safninu í Breiðholti, boðið verður
upp á reglulega gjörninga á Hótel
Holti og svo má lengi telja,“ segir
Ragnheiður Maísól, en alls verða
opinberir sýningarstaðir 11 með
Skaftfelli á Seyðisfirði.
„Samhliða opinberri dagskrá Se-
quences VII fer fram fjölbreytt og
þéttskipuð off-venue dagskrá með
yfir 20 viðburðum,“ segir Ragn-
heiður Maísól og nefnir sem dæmi
að Gjörningaklúbburinn muni
frumsýna nýja kvikmynd í Bíó
Paradís.
Dagskrá Sequences VII og allar
nánari upplýsingar um sýningar og
listamenn má einnig finna á vefn-
um sequences.is, en þess má að
lokum geta að flestir viðburðir á
hátíðinni eru ókeypis.
Tímatengd list í brennidepli
 Myndlistarhátíðin Sequences VII sett í dag og stendur til 19. apríl  Alls sýna 26 listamenn frá átta
löndum á hátíðinni í ár  Myndlistarkonan Carolee Schneemann er heiðurslistamaður í ár
Morgunblaðið/Golli
Framsækin „Sequences er eina hátíðin á Íslandi sem einblínir eingöngu á myndlist og hefur það að markmiði að
skapa vettvang fyrir framsækna myndlist,“ segir Ragnheiður Maísól Sturludóttir um Sequences VII.
The Death Show eða Dauðasýningin
nefnist gjörningur sem Styrmir Örn
Guðmundsson verður með á
Sequences VII. „Ég mun leiða fá-
mennan hóp um Hótel Holt og segja
ákveðna sögu sem tengist dauð-
anum,“ segir Styrmir Örn, en aðeins
komast tíu manns í hvern leiðangur.
„Kveikjan að verkinu er sjálfs-
ævisöguleg,“ segir Styrmir Örn og
rifjar upp að hann hafi búið í Amst-
erdam í Hollandi síðustu ár. „Í eld-
húsinu í íbúðinni var tæki til að hita
vatn sem gekk fyrir gasi. Dag einn
uppgötvaði ég að tækið væri farið að
leka með tilheyrandi dauðagildru
fyrir mig. Þegar píparinn kom og
lagaði tækið upplýsti hann mig um
að pípurnar í húsinu mínu væru allar
úr blýi sem myndi hægt og rólega
draga mig til dauða úr blýeitrun. Þar
með kom ein dauðaógn í stað ann-
arrar á heimilinu mínu,“ segir
Styrmir Örn sem í framhaldinu
skrifaði stutta bók um þetta ástand.
„Í verkinu skoða ég ótta minn við
eigin dauða og set í samhengi við
ótta annarra,“ segir Styrmir Örn
sem sýnt hefur gjörning sinn í ólík-
um myndum m.a. í Mexíkó, Hollandi
og Póllandi. „Viðtökur hafa verið
góðar. Dauðinn sem viðfangsefni er
ákveðið tabú,“ segir Styrmir Örn og
tekur fram að hann beiti húmor
óspart til að takast á við efnið.
Allar nánari upplýsingar um verk-
ið og sýningartíma má nálgast á se-
quences.is, en á tímabilinu frá 12. til
18. apríl verður Styrmir Örn alls
með 13 leiðsagnir. Hver gjörningur
tekur um 30 mínútur. Aðgangur er
ókeypis, en skrá þarf þátttöku sína
með því að senda póst á netfangið:
performance@sequences.is.
Dauði Flutningur Styrmis Arnar á The Death Show í Kraká í Póllandi.
Horfist í augu við óttann
Bandaríska myndlistarkonan Caro-
lee Schneemann er heiðurslista-
maður Sequences VII. Hún er 75 ára
og einn af brautryðjendum gjörn-
ingalistar, en verk hennar hafa verið
sýnd á helstu samtímalistasöfnum
heims.
„Hún er ein af framsæknustu
myndlistarmönnum samtímans og í
hópi þeirra listamanna sem um-
breyttu skilningi samfélagsins á
myndlist. Hún er einna þekktust fyr-
ir femíníska gjörninga
sína en í þeim tekst
hún á við boð og bönn
samfélagsins gagn-
vart líkamanum, kyn-
hneigð og birtingu
kynjanna,“ segir
Ragnheiður Maísól.
Verk Schneemann
verða sýnd í Kling-
&Bang, þeirra á meðal ljósmyndir af
verkinu Eye Body sem Erró tók. Þar
verður líka sýnd upptaka af viðtali
sem listfræðingurinn Hans-Ulrich
Obrist tók við hana. 19. apríl kl. 16
verður myndin Breaking the Frame
with Carolee Schneemann eftir
Marielle Nitoslawska frá 2012 sýnd
í Bíó Paradís og Skaftfelli. Klukkan
18 sama dag verður Fuses frá 1965
sýnd í Kling&Bang auk þess sem
boðið verður upp á listamannaspjall
við Schneemann gegnum Skype
sem Ragnar Kjartansson stýrir.
Tekst á við boð og bönn samfélagsins
CAROLEE SCHNEEMANN HEIÐURSLISTAMAÐUR SEQUENCES VII
Carolee
Schneemann
...með nútíma
svalalokunum
og sólstofum
Skútuvogur 10b, 104 Reykjavík, sími 517 1417, glerogbrautir.is
Opið alla virka daga frá 9-17 og á föstudögum frá 9-16
• Svalalokanir
• Glerveggir
• Gler
• Felliveggir
• Garðskálar
• Handrið
Við færumþér logn & blíðu