Morgunblaðið - 14.04.2015, Blaðsíða 32

32 MINNINGAR
MORGUNBLAÐIÐ ÞRIÐJUDAGUR 14. APRÍL 2015
Smáauglýsingar
Barnavörur
Fín sumargjöf - barnahjól
Til sölu Schwinn Tigress tvíhjól í góðu
ástandi. Hentar 2-5 ára. Hjálpardekk.
Verð 10.000. Upplýsingar í síma
669 1127 - er í Hafnarfirði.
Sumarhús
Sumarhús – Gestahús –
Breytingar
Framleiðum stórglæsileg sumarhús
í ýmsum stærðum.
Tökum að okkur stækkun og
breytingar á eldri húsum.
Smíðum gestahús – margar
útfærslur.
Sjáum um almennt viðhald á
sumarhúsum og sólpöllum.
Setjum niður heita potta og
smíðum palla og skjólveggi.
Áratugareynsla –
endilega kynnið ykkur málið.
Trésmiðja Heimis, Þorlákshöfn,
sími 892-3742 og 483-3693,
www.tresmidjan.is
Óska eftir
Staðgreiðum gull, demanta og úr
Hringar, hálsmen, armbönd, Rolex,
Cartier, Patek Philippe o.fl.
Hringdu núna og fáðu tilboð þér að
kostnaðarlausu!
www.kaupumgull.is
Opið alla daga 11–18.
Kringlan – 3. hæð
(Hagkaupsmegin)
Upplýsingar í síma 661 7000.
Byggingavörur
Harðviður til húsabygginga
Sjá nánar á www.vidur.is
Vatnsklæðning, panill, pallaefni,
parket, útihurðir o.fl. Gæði á góðu
verði. Nýkomnar Eurotec A2 harð-
viðarskrúfur. Penofin harðviðarolía.
Indus ehf., Óseyrarbraut 2, Hf.
Upplýsingar hjá Magnúsi í símum
6600230 og 5611122.
Ýmislegt
Jessenius Faculty of Medicine
(JFM CU) í Martin, Slóvakíu
mun halda inntökupróf í Reykjavík
16. apríl og 24. júní 2015.
Ekkert prófgjald. Kennt er á
ensku. Nemendur læra slóvakísku
og geta tekið alla klíník í Slóvakíu.
Nemendur útskrifast sem læknar
(MUDr.) eftir 6 ára nám.
Fjöldi Íslendinga stundar nám í
læknisfræði við skólann auk Norð-
manna, Svía og Finna og fleiri.
Heimasíða skólans er
www.jfmed.uniba.sk
Uppl. í s. 544-4333 og 820-1071
kaldasel@islandia.is
TILBOÐ - TILBOÐ - TILBOÐ
Dömustígvél.Stakar stærðir.
Verð: 12.500.
Komdu og líttu á úrvalið
hjá okkur!
Sími 551 2070.
Teg. 1513 Þægilegir dömuskór úr
mjúku leðri, skinnfóðraðir. Stærðir:
36-41. Verð: 15.785.
Teg. 1213 Þægilegir dömuskór úr
mjúku leðri, skinnfóðraðir. Stærðir:
36-41. Verð: 15.900..
Teg. 1908 Þægilegir dömuskór úr
mjúku leðri, skinnfóðraðir. Stærðir:
36-40. Verð: 15.900.
Teg. 06 Þægilegir dömuskór úr
mjúku leðri, skinnfóðraðir. Litir: hvítt
og svart. Stærðir: 36-42. Verð:
13.975.
Komdu og líttu á úrvalið
hjá okkur!
Sími 551 2070.
Opið mán.-fös. 10–18,
laugardaga 10–14.
Góð þjónusta – fagleg ráðgjöf.
Sendum um allt land
www.mistyskor.is
Erum einnig á Facebook.
Bílar
Volvo V-50 árg. 2005, ekinn 144
þús.
Sjálfsk. Búið að skipta um tímareim
og toppviðhald. Tveir eigendur frá
upphafi. Engin skipti, ekkert
áhvílandi.
Nýleg Toyo-harðskeljadekk. Dekurbíll
í alla staði. Verð: 1.390.000 kr.
Upplýsingar í síma 821-5628.
Bílaþjónusta
GÆÐABÓN
Ármúla 17a
Opið mán.-fös. 8-18. S. 568 4310
Það besta fyrir bílinn þinn
Alþrif, djúphreinsun, mössun, teflon,
blettun, bryngljái, leðurhreinsun.
Húsviðhald
smidur.com
Sími 897 9933
Tökum að okkur viðhald, við-
gerðir og nýsmíði fasteigna
fyrir fyritæki húsfélög og einstak-
linga. Fagmenn á öllum sviðum.
Tilboð/ tímavinna. S. 858 - 3373.
brbygg@simnet.is

 

  
  
NÝTT - og svoo fallegt !
Teg.REBECCA - í nýjum lit, stærðir
32-40 D,DD,E,F,FF,G á kr. 11.550,-
Teg. RAPTURE - stærðir 32-38
D,DD,E,F,FF,G á kr. 9.985,-
Laugavegi 178, sími 551 3366.
Opið mán.-fös. 10–18,
laugardaga 10–14.
Þú mætir – við mælum og
aðstoðum.
www.misty.is
– vertu vinur
Siggi afi skilur
eftir sig heilan hell-
ing af frábærum
minningum hjá fjöl-
skyldu, vinum og
vandamönnum. Hjá okkur barna-
börnunum eru þó nokkrar sem
standa upp úr sem okkur langar
að rifja upp.
Flestar þeirra eru úr Heiðar-
bænum frá því þegar við vorum
þar í pössun eða í fjölskylduboð-
um hjá honum og Íu ömmu. Fram
að kvöldmat var alltaf hægt að
horfa á Cartoon Network og
hvort sem pítsan var kringlótt
eða „kössótt“ fúlsaði afi við henni,
vildi bara fisk og fékk hann. Þá
hummaði hann lágt með matnum,
hærra þegar hann fékk kjötið
næst beininu og bauð svo upp á
nýmjólk með eftirréttinum enda
er léttmjólkin vatnsblönduð.
Afi kunni ætíð vel við sig í
sumarbústaðnum í Grímsnesinu
og í íbúðinni í Súðavík þar sem
við nutum ófárra stunda með
þeim. Í Súðavík vorum við oft á
sumrin þar sem afi kenndi okkur
að dorga krossfiska á hafnar-
bakkanum sem við síðan þurrk-
uðum í sólinni. Þegar við hugsum
til baka þá þjónaði þetta engum
sérstökum tilgangi en við vorum
þó sammála um hvað þetta hefði
verið skringilega skemmtilegt.
Bústaðurinn í Grímsnesi er
staður sem við höfum öll fengið
að njóta frá barnæsku. Sumar-
ferðirnar með ömmu og afa þang-
að þar sem afi grillaði kjötið,
kveikti svo upp í arninum og
horfði á stöð 1 í litla túbusjón-
varpinu eru okkur í fersku minni.
Á seinni árum höfum við fengið
afnot af bústaðnum, bæði til fjöl-
skyldu- og veiðiferða. Afa þótti
alltaf mjög gaman að fá símtal
þaðan með fréttum af bústaðn-
um, nágrönnunum og náttúrunni.
Í hvert skipti sem við höfum
farið er haldið í þá hefð að kveikja
upp í arninum og grilla kjöt og
stefnum við á að halda því áfram í
þessum fallegasta bústað lands-
ins, þótt við segjum sjálf frá.
Í framtíðinni þegar við fáum
okkur nýmjólk, dorgum kross-
fisk, grillum uppi í bústað eða
sjóðum fisk sjáum við Sigga afa
fyrir okkur liggjandi í makindum
í garðskálanum með nýbruggað
bláberjavín að njóta fallega út-
sýnisins úr Heiðarbænum: lognið
á stíflunni, gæsin að verpa, laxinn
að stökkva og sólin að setjast.
Svona viljum við minnast afa
okkar.
Sindri, Óttar og Hugrún.
Mánudaginn 30. mars var
heiðskírt veður, snjóþekja á jörð
og bjart sólskin. Veður til að
gleðjast, veður til að lifa lífinu, en
líka veður til að syrgja og sakna.
Um hádegisbil andaðist vinur
minn og mágur, Sigurður Rafnar
Halldórsson. Andlát hans kom
ekki á óvart; hann var búinn að
berjast við krabbann síðan fyrir
jól, síðustu sex vikurnar á líkn-
ardeild Landspítalans.
Kynni okkar hófust ekki að
ráði fyrr en árið 1961 að ég kom
heim frá námi ásamt þýskri eig-
inkonu og tveggja ára dóttur. Þá
höfðu þau Kristín systir mín og
hann fyrir nokkuð löngu ruglað
saman reytum sínum og áttu orð-
ið synina tvo, Sigurbjörn Búa og
Guðmund Tryggva, en systirin
Hlíf var á leiðinni. Af litlum efn-
um, en með þeim mun meiri
bjartsýni, krafti og áræði voru
þau búin að gera helminginn af
tvíbýlishúsi við Auðbrekku að
Sigurður Rafnar
Halldórsson
✝ Sigurður Rafn-ar Halldórsson
fæddist 24. júní.
Hann 30. mars
2015. Útför hans
fór fram 13. apríl
2015.
hluta til íbúðarhæf-
an og flutt þar inn.
Þau voru að mörgu
leyti ólík hjón, en
stóðu saman eins og
klettur í því sem
máli skipti í lífinu.
Sigurður var
glæsilegur maður,
hávaxinn, grannur
og vel á sig kominn.
Hárið var ljóst og
mikið og þrátt fyrir
að hann gerðist snemma nokkuð
snoðinn, rétt einsog forfaðir
hans, Egill Skallagrímsson, var
maðurinn allur hinn vörpulegasti.
Hann lærði trésmíði, varð bygg-
ingameistari og stundaði nám í
tæknifræði í Danmörku. Hann
starfaði sem byggingameistari og
tæknifræðingur alla sína starfs-
ævi hjá Reykjavíkurborg sem
eftirlitsmaður með framkvæmd-
um. Því til viðbótar teiknaði hann
mikinn fjölda íbúðarhúsa og ann-
arra mannvirkja sem sjálfstætt
starfandi hönnuður. Honum féll
sjaldan verk úr hendi.
Hann var sístarfandi. Eftir að
hafa byggt húsið í Kópavogi
byggðu þau hjón einbýlishúsið að
Heiðarbæ 16, mest af eigin
rammleik, og þar hafa þau búið
síðan. Eftir hann liggur mikið
ævistarf.
Sigurður var hagur maður og
greiðvikinn, afkastamikill og góð-
ur viðskiptis. Listmálun var hans
tómstundagaman. Til hans var
gott að leita, ég á honum miklar
þakkir að gjalda fyrir trausta vin-
áttu, ráðgjöf og hollráð.
Hann var glaðsinna og hafði
gaman af að tala við fólk, ekki síst
í sundpottunum í Árbæjarlaug
þar sem hann var fastagestur og
þau hjón bæði. Einkanlega leit-
aðist hann við að lýsa annarri
skoðun en viðmælandinn. Í um-
ræðum um stjórnmál til dæmis
talaði hann gjarnan sem vinstri
maður við hægri menn og öfugt.
Stundum erfitt að átta sig á því
hvað hann var að fara. Ólíkinda-
tól. Hann ólst upp á Akranesi og
þangað hafði hann sterkar taugar
og ekki síður að Helgavatni þar
sem hann var fæddur og löngum í
sveit hjá afa sínum.
Sigurður tók sjúkdómi sínum
af karlmennsku og mælti ekki
æðruorð. Lífið heldur áfram, en
tilveran verður ekki sú sama. Við
hjónin munum sakna mágs okk-
ar. Við sendum systur minni og
afkomendum þeirra innilegar
samúðarkveðjur.
Tryggvi Sigurbjarnarson.
Ég hitti Sigurð mág minn í
fyrsta skipti 1958 þegar ég var 18
ára, hann 23 ára. Það var á sum-
ardegi í Breiðfirðingabúð, á
djammsessjón sem þar var haldin
á milli klukkan þrjú og fimm á
sunnudegi. Þangað mætti ungt
fólk til að dansa. Ég var þar með
Birgi, bróður Sigga, sem síðar
varð maðurinn minn. Sú stund
þegar Siggi birtist allt í einu við
borðið hjá okkur er mér mjög
minnisstæð; þarna stóð hann hár
og grannur, brosmildur með
myndavél á öxlinni og byrjaði
strax að glettast við mig. Ári
seinna var ég orðin mágkona
hans.
Það var gaman að tengjast
Sigga og foreldrum hans, fjöl-
skyldunni á Sunnubraut 22 á
Akranesi, en margt var þar ólíkt
því sem ég átti að venjast. Í mín-
um huga var þetta lítil fjölskylda,
foreldrar og tveir synir.
Sjálf kom ég úr stórum systk-
inahópi. Heimili Rutar Guð-
mundsdóttur og Halldórs Þor-
steinssonar á Sunnubraut var
mikið menningarheimili og þar
voru listir, bókmenntir og leiklist
í hávegum höfð. Rut var mjög
listræn, skrifaði sögur og málaði
myndir. En hún var af þeirri kyn-
slóð kvenna sem fengu ekki alltaf
tækifæri til að þroska slíka hæfi-
leika til fulls, en málverk hennar
prýða veggi fjölskyldu okkar.
Þessa hæfileika erfði Siggi og
myndir hans prýða einnig mína
veggi. Svo var annað sem ég
þurfti að takast á við og það var
pólitíkin á heimilinu. Þarna var
ég komin inn í mikla vinstri fjöl-
skyldu, á meðal fólks sem á þess-
um árum var kallað kommúnist-
ar. Það var stór biti að kyngja þar
sem faðir minn var mikill sjálf-
stæðismaður. En ég var fljót að
komast yfir þessa hindrun því
þetta var fólk með gott hjartalag
og ákaflega skemmtilegt.
Á þeirri rúmu hálfu öld sem
liðin er frá okkar fyrsta fundi höf-
um við Siggi átt nána samleið.
Siggi og Ía og við Birgir giftum
okkur með stuttu millibili. Þá
tóku við baslárin með húsbygg-
ingum og barneignum en þegar
ég lít til baka finnst mér að basl-
árin hafi kannski verið bestu ár-
in. Siggi og Biggi létu sér ekkert
fyrir brjósti brenna, dugnaður og
kátína einkenndi þá báða, fjöl-
skyldurnar hjálpuðust að við að
koma sér upp húsnæði og gæta
barna. Það er margs að minnast
þegar ég kveð Sigga mág; ótal
samverustundir og fjölskyldu-
veislur treystu böndin. Siggi var
lánsamur í einkalífi sínu, eignað-
ist góðan lífsförunaut og börn
sem hafa verið lánsöm í lífinu.
Siggi reyndist mér og mínum
börnum mjög vel þegar Birgir
lést tæplega 59 ára gamall; þá
sýndi hann okkur mikinn stuðn-
ing og fyrir það vil ég þakka.
Löngum kafla í lífi mínu er lok-
ið við andlát Sigga og ég á eftir að
sakna þessa glaðlega manns með
sinn sérstaka húmor og brandar-
ana sem hann hafði ætíð á hrað-
bergi.
Um svipað leyti og Siggi veikt-
ist af þeim sjúkdómi sem nú hef-
ur lagt hann að velli dreymdi mig
Birgi. Hann var að mála bjart og
fallegt herbergi, hann var að und-
irbúa komu einhvers. Ég reikna
með að Siggi sé nú fluttur þangað
og að fjölskyldan á Sunnubraut
sé nú saman á ný. Megi minning
Sigga mágs míns lifa. Íu, börnum
þeirra og fjölskyldum þeirra
sendi ég mínar innilegustu sam-
úðarkveðjur.
Sigríður Auðunsdóttir.
Morgunblaðið birtir minningargreinar endurgjaldslaust alla
útgáfudaga.
Skil | Þeir sem vilja senda Morgunblaðinu greinar eru vinsamlega
beðnir að nota innsendikerfi blaðsins. Smellt á Morgunblaðslógóið í
hægra horninu efst og viðeigandi liður, „Senda inn minningargrein,“
valinn úr felliglugganum. Einnig er hægt að slá inn slóðina
www.mbl.is/sendagrein
Skilafrestur | Ef óskað er eftir birtingu á útfarardegi verður greinin
að hafa borist eigi síðar en á hádegi tveimur virkum dögum fyrr (á
föstudegi ef útför er á mánudegi eða þriðjudegi).
Þar sem pláss er takmarkað getur birting dregist, enda þótt grein ber-
ist áður en skilafrestur rennur út.
Lengd | Minningargreinar sem birtast í Morgunblaðinu séu ekki
lengri en 3.000 slög. Ekki er unnt að senda lengri grein. Lengri grein-
ar eru eingöngu birtar á vefnum. Hægt er að senda örstutta kveðju,
HINSTU KVEÐJU, 5-15 línur. Ekki er unnt að tengja viðhengi við
síðuna.
Undirskrift | Minningargreinahöfundar eru beðnir að hafa skírn-
arnöfn sín en ekki stuttnefni undir greinunum.
Minningargreinar