Morgunblaðið - 14.04.2015, Blaðsíða 44

ÞRIÐJUDAGUR 14. APRÍL 104. DAGUR ÁRSINS 2015
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 460 ÁSKRIFT 4995 HELGARÁSKRIFT 3120 PDF Á MBL.IS 4420 I-PAD ÁSKRIFT 4420
1. Kalt sumar framundan?
2. Dóttirin fann stolna bílinn
3. Fylgst með honum í tæp þrjú ár
4. Rakst á „ÍR-ing“ í Tansaníu
»MEST LESIÐ Á mbl.is
FÓLK Í FRÉTTUM
 Bandaríska hljómsveitin The Nat-
ional mun 22. júní nk. gefa út sex
klukkustunda langan gjörning á níu
vínilplötum. Gjörningurinn, A Lot of
Sorrow, var samstarfsverkefni hljóm-
sveitarinnar og myndlistarmannsins
Ragnars Kjartanssonar og fólst í því
að hljómsveitin lék lagið „Sorrow“
endurtekið í sex klukkustundir í nú-
tímalistasafninu MoMA í New York í
maí árið 2013. Hljómsveitin lék lagið
yfir 100 sinnum. Plöturnar níu verða
gefnar út í kassa og rennur ágóði af
sölunni til bandarísku heilbrigðis-
samtakanna Partners in Health, að
því er segir á vef breska dagblaðsins
The Guardian.
Morgunblaðið/Einar Falur
Sex tíma gjörningur
á níu vínilplötum
 Tónleikar til heiðurs Serge Gains-
bourg verða haldnir í kvöld kl. 21 á
Kaffi Rósenberg við Klapparstíg.
Gainsbourg var franskur söngvari,
textahöfundur, píanóleikari, tón-
skáld, leikari og leikstjóri og lést árið
1991. Hann var afar vinsæll bæði í
heimalandi sínu og utan þess og tón-
list hans einkar fjölbreytileg. Lög
Gainsbourgs verða flutt í kvöld af
hljómsveit sem skipuð er ungum tón-
listarmönnum. Unnur Sara Eldjárn
syngur, Daníel Helgason leikur á gít-
ar, Halldór Eldjárn á
trommur og Alex-
andra Kjeld á
kontrabassa.
Á myndinni
sést Unnur
Sara.
Gainsbourg heiðr-
aður á Rósenberg
Á miðvikudag Suðvestlæg átt 5-13 m/s og skýjað en víða létt-
skýjað á Austurlandi. Bætir í vind á Norðvesturlandi um kvöldið.
Hiti 2 til 8 stig. Á fimmtudag Sunnan og suðvestan 5-13 m/s.
SPÁ KL. 12.00 Í DAG Vestan 5-13 m/s og skúrir en norðlægari á
Norðurlandi með dálitlum éljum eða slydduéljum. Dregur úr vindi
og úrkomu. Hiti 2 til 10 stig, en um frostmark fyrir norðan.
VEÐUR
KR-völlurinn er hulinn snjó að
hluta en ekki eru nema þrjár
vikur í fyrsta leik Íslands-
mótsins í knattspyrnu. Knatt-
spyrnuáhugamenn velta því
fyrir sér hvort völlurinn verði
tilbúinn þá en risarnir KR og
FH mætast í stórleik fyrstu
umferðar. „Við höfum engar
áhyggjur eins og veðurspáin
er. Leikurinn fer alltaf fram,
það er bara spurning í hvaða
ástandi völlurinn verður,“
segir vallarstjórinn. » 1
KR-ingar hafa eng-
ar áhyggjur
Gunnar Magnússon, frá-
farandi þjálfari Íslands-
og bikarmeistara ÍBV,
verður í dag ráðinn
þjálfari karlaliðs
Hauka. Gunnar
tekur við
starfinu eftir
yfirstand-
andi leiktíð
eftir að hafa
stýrt liði ÍBV
síðustu tvö árin.
Hann tekur við
af Patreki Jó-
hannessyni, sem
hættir þjálfun
Haukaliðsins við
lok leiktíðar í vor.
»1
Flytur frá Vestmanna-
eyjum til Hafnarfjarðar
Haukar urðu fyrstir til að leggja
Tindastól að velli í úrslitakeppni
Dominos-deildar karla í körfuknatt-
leik í ár þegar þeir unnu þriðja leik
liðanna á Sauðárkróki í gærkvöldi,
93:79. Haukar, sem hefðu verið úr
leik með tapi í gær, voru betri í leikn-
um frá upphafi. Heimamenn áttu í
vök að verjast. Liðin mætast fjórða
sinni í Hafnarfirði annað kvöld. »2
Haukar sneru við taflinu
á Sauðárkróki
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Brynja Dögg Guðmundsdóttir Briem
brynjadogg@mbl.is
Íva Marín Adrichem var fulltrúi
Menntaskólans við Hamrahlíð í Söng-
keppni framhaldsskólanna þetta árið.
Atriði skólans komst í úrslit en það
samanstóð af Ívu, sem sá um söng og
spilaði á píanó, Ástu Rún Agnars-
dóttur, sem túlkaði lagið á táknmáli,
og Þórdísi Dröfn, sem lék á gítar.
Stöllurnar fluttu lagið Loving you
með Minnie Riperton.
Íva er á 17. aldursári og stundar
nám á félagsfræði- og tónlistarbraut
við skólann. Hún segist vera algjört
sviðsskrímsli, en með því á hún við að
hún nýti öll tækifæri til að koma
fram. Hún hefur sungið frá því hún
man eftir sér en byrjaði að læra
klassískan söng þegar hún var 13 ára.
„Ég er í tveimur kórum, skólakórn-
um og Gradualekórnum, í söngnámi,
ég er að fara að taka miðpróf í því, og
svo læri ég á píanó.“
Mikill jafnréttissinni
Íva segir markmiðið með atriðinu
hafa verið að reyna að höfða til allra.
Upphaflega hafi staðið til að Íva flytti
lagið ein með gítarleikara en Ásta
hafi haft samband og spurt hvort hún
mætti syngja lagið á táknmáli. „Ég
tók rosa vel í það. Hún vissi greini-
lega hversu mikill jafnréttissinni ég
er. Við hefðum getað nýtt hljómsveit
sem var í boði í keppninni sjálfri en
við ákváðum að gera það ekki þar
sem í MH er fullt af tónlistar- og
hæfileikafólki, það hefði verið synd að
leyfa ekki sem flestum úr skólanum
að njóta sín,“ segir hún.
Góður námsmaður
Íva stefnir á að ljúka námi á þrem-
ur árum í stað fjögurra líkt og flestir
gera. Hún segist vera góður náms-
maður og bætir við, glettin í bragði,
að hún hafi alltaf vilja flýta sér að
öllu. „Oftast er það aðgengilegt en
stundum ekki og því þarf ég að takast
á við mótlæti og vesen en það er þó
alltaf yfirstíganlegt. Maður lærir líka
mikið á því,“ segir Íva, aðspurð hvort
allt námsefni sé aðgengilegt fyrir
hana, þar sem hún er blind.
Íva myndi vilja sinna félagslífinu í
skólanum betur og taka meiri þátt í
því sem nemendafélagið býður upp á.
Hún reynir þó að mæta á böll og
helstu viðburði á vegum skólans. Tón-
listin er tímafrek en hún nær þó góð-
um stundum með fjölskyldu sinni,
sem er mjög samrýnd, en hún er allt-
af í fyrsta sæti. Í sumar ætlar Íva að
vinna og fara í Mið-Evróputúr með
Gradualekór Langholtskirkju. Kór-
inn ferðast til Þýskalands, Austur-
ríkis og Sviss en eftir kórferðina ætl-
ar Íva að heimsækja fjölskyldu sína í
Hollandi.
Lífið snýst um söng og tónlist
 Í píanó- og
söngnámi og í
tveimur kórum
Morgunblaðið/Golli
Söngkeppni Í atriði Menntaskólans við Hamrahlíð spilaði Íva Marín Adrichem á píanó og söng, Ásta Rún Agnars-
dóttir túlkaði á táknmáli og Þórdís Dröfn lék á gítar. Þær komust í úrslit söngkeppninnar, sem sýnd var á RÚV.
Söngkeppni framhaldsskólanna var haldin í 25. skiptið um síðustu helgi en
í keppninni hefur fjöldi landsþekktra tónlistarmanna stigið sín fyrstu skref.
Fulltrúar úr 29 skólum kepptu á laugardeginum og 12 skólar komust í úrslit
og fluttu lög sín aftur um kvöldið, í beinni útsendingu á RÚV úr gamla sjón-
varpshúsinu. Atriði Menntaskólans í Reykjavík bar sigur úr býtum, Borgar-
holtsskóli hreppti annað sætið og Fjölbraut í Garðabæ það þriðja.
Atriði Fjölbrautaskólans í Garðabæ var jafnframt kosið vinsælasta atriði
keppninnar samkvæmt símakosningu. Í dómnefnd sátu Sigríður Thorlacius
úr hljómsveitinni Hjaltalín, Lóa Hlín Hjálmtýsdóttir úr FM Belfast og
Krummi Björgvinsson. Steiney Skúladóttir og Vilhelm Anton Jónsson (Villi
naglbítur) voru kynnar.
Fulltrúar frá 29 skólum
SÖNGKEPPNI FRAMHALDSSKÓLANNA