Morgunblaðið - 16.04.2015, Blaðsíða 17

FRÉTTIR 17Innlent
MORGUNBLAÐIÐ FIMMTUDAGUR 16. APRÍL 2015
ÁRMÚLI 17
533 12 34
WWW.ISOL.IS
Batterís Höggborvél Batterís Skrúfvél
Batterís Borvél Batterís Borvél
Batterís Stingsög Batterís Sleðasög
Batterí Hleðslutæki
Batterí - Borvél 10,8VBatterís Borvél 10,8V
Þyngd 2,1 kg m. magasíni
og batteríi.
Hægt að slökkva á höggi,
Þyngd 2,6 kg m. batteríi.
4 gírar, 1,5-13mm patróna.
Þyngd 1,8 kg m. batteríi.
2 gírar. 1,5-13mm patróna.
Þyngd 1,7 kg m. batteríi.
1500-3800 str/min,
Þyngd 2,4kg m. batteríi.
Gengur á 1 eða 2 batteríum og
afköstin eru á við snúrusög.
18V 5,2Ah-Li Ion batterí. Mjög fyrirferðarlítið, veggfesting
og einfalt að koma snúrunni fyrir
2 gírar og 12 torkstillingar, 10,8V.
Kemur í tösku með hleðslutæki
og 2 batteríum.
Þyngd 0,9kg með 2,6Ah batteríi.
Kemur í tösku með hleðslutæki
og 2 batteríum.
Verð: 70.921 kr. með VSKVerð: 60.547 kr. með VSK
Verð: 47.421 kr. með VSKVerð: 55.255 kr. með VSK
Verð: 96.325 kr. með VSKVerð: 65.416 kr. með VSK
Verð: 11.427 kr. með VSK
Verð: 20.562 kr. með VSK
Verð: 45.094 kr. með VSK Verð: 45.094 kr. með VSK
Viðar Guðjónsson
vidar@mbl.is
Ekkert vatn rennur lengur um vatnsfallið við
Reykdalsvirkjun þar sem tveir bræður, 9 og 12
ára, festust í fyrradag. Þeim yngri er haldið
sofandi í öndunarvél og er líðan hans óbreytt.
Samkvæmt upplýsingum frá LSH er talið að
svo verði áfram næstu daga. Hins vegar er búið
að útskrifa eldri bróðurinn og er hann nú með
fjölskyldu sinni. Karlmaður á þrítugsaldri, sem
kom bræðrunum til bjargar, hefur verið út-
skrifaður af sjúkrahúsi.
Talið er að bræðurnir hafi verið að sækja
bolta í Hamarkotslæk þegar slysið átti sér
stað. Systir þeirra var með í för og hringdi hún
í móður þeirra eftir hjálp þegar ljóst var að
drengirnir hefðu lent í fossinum.
Samkvæmt upplýsingum frá Hafnarfjarðar-
bæ er búið að losa vatn úr stíflunni fyrir ofan
virkjunina. Ekkert vatn fer því lengur í kerið
fyrir neðan hana þar sem slysið átti sér stað.
Að sögn Helgu Stefánsdóttur, aðstoðarsviðs-
stjóra á umhverfis- og framkvæmdasviði hjá
Hafnarfjarðarbæ, eru næstu skref að skoða
svæðið umhverfis stífluna.
„Við munum skoða hvað þarf að gera við
kerið svo svona geti ekki endurtekið sig,“ segir
Helga.
Á morgun verður svo fundað með hönnuðum
og fleirum til þess að ákvarða framkvæmdir við
stífluna. Virkjunin er í eigu Reykdalsfélagsins.
Árið 2005 fór fram samstarfsverkefni á milli
Hafnarfjarðarbæjar og félagsins um endurgerð
virkjunarinnar, þ.e. stíflunnar og stokksins sem
leiðir vatnið í gegn. Var það af því tilefni að 100
ár voru liðin frá því virkjunin var tekin í notkun.
„Við þurfum að skoða næstu skref vel en það er
ljóst að ekki verður hleypt vatni í yfirfallið fyrr
en það er komin niðurstaða um að breyta því
sem þarf að breyta,“ segir Helga.
Ekki hrapað að ályktunum
Sigurður Haraldsson, sviðsstjóri umhverfis-
og framkvæmdasviðs hjá Hafnarfjarðarbæ,
segir ljóst að úrbóta sé þörf. „Það er greinilegt
að það þarf að gera betur. Við viljum ekki
hrapa að neinum ályktunum strax um það hvað
var að og verðum að skoða þetta vel,“ segir
Sigurður.
Jóhannes J. Reykdal reisti Reykdalsvirkjun,
sem var fyrsta vatnsaflsvirkjunin er dreifði
rafmagni til almennings á Íslandi. Hún var
gangsett árið 1904.
Ekkert vatn í yfirfallið á næstunni
Morgunblaðið/Júlíus
Ný hönnun Starfsmenn Hafnarfjarðarbæjar við Lækinn í gær. Til stendur að hanna umhverfi
stíflunnar upp á nýtt, en Reykdalsvirkjun var fysta vatnsaflsvirkjunin, reist árið 1904.
 Hafnarfjarðarbær hannar umhverfi stíflunnar
upp á nýtt  Eldri bróðirinn kominn af spítala
Þórunn Kristjánsdóttir
thorunn@mbl.is
Samtökin ABC-barnahjálp á Íslandi,
gætu þurft að loka 12 barnaskólum í
Pakistan sem þau reka, ef ekki næst
að uppfylla nýjar og hertar öryggis-
reglur yfirvalda fyrir næstu mánaða-
mót. Ástæðan fyrir þessum ströngu
öryggisreglum, sem allir skólar í
Pakistan þurfa að framfylgja, eru tíð-
ar árásir talíbana á barnaskóla í land-
inu. Kröfurnar voru settar eftir árás
talíbana á grunnskóla í Peshawar
hinn 16. desember sl. þar sem 150
létust, en flestir þeirra voru nem-
endur.
Einn af þeim 12 skólum sem sam-
tökin reka er í Peshawar nálægt
þeim stað sem árásin var gerð.
„Við þurfum að vera búin að upp-
fylla reglurnar um næstu mán-
aðamót. Þær hljóða upp á u.þ.b. 2,2
milljónir króna sem við eigum ekki
eins og stendur. Við stöndum frammi
fyrir því að þurfa að loka skólunum ef
við náum því ekki. En við reynum að
gera allt sem í okkar valdi stendur til
að svo verði ekki,“ segir Guðrún
Margrét Pálsdóttir, formaður ABC-
barnahjálpar á Íslandi.
Yfirvöld hafa þegar lokað skólum
sem uppfylla ekki þessi skilyrði.
Samkvæmt reglunum þarf að vera
við alla skóla: vopnaður vörður,
málmleitartæki, eftirlitsmyndavélar,
öryggisveggir í kringum skólana
þurfa að vera um 2,5 metra háir og
gaddavír strengdur efst.
Í skólunum 12 eru nú þegar til
staðar öryggisveggir auk vopnaðra
öryggisvarða en stjórnvöld gera
kröfu um að þeir séu starfsmenn við-
urkennds öryggisfyrirtækis. En ann-
an öryggisbúnað vantar.
„Starfsmaður okkar í Pakistan
vinnur að því að að uppfylla öryggis-
skilyrðin eftir því sem fjármagn leyf-
ir en ástandið er viðsjárvert í land-
inu,“ segir Guðrún. Skólaárið í
Pakistan var að hefjast og alls ganga
3.000 börn í skólana tólf.
Hún bendir á að baráttukonan
Malala Yousafzai sé skýrt dæmi um
þá ógn sem steðjar að börnum sem
sækja sér menntun í Pakistan.
Malala hlaut Friðarverðlaun Nóbels í
fyrra en hún lifði af banatilræði talíb-
ana fyrir þremur árum.
Þeir sem vilja leggja málefninu lið
og tryggja öryggi barnanna geta lagt
inn á reikning: 515-14-303000. kt.
690688-1589.
Öryggi Barnaskóli sem ABC-barnahjálp rekur er í Peshawar í Pakistan.
ABC gæti þurft
að loka 12 skólum
 Þarf málmleitartæki og myndavélar
Börn Guðrún Margrét, formaður
ABC og pakistönsk skólabörn.