Morgunblaðið - 16.04.2015, Blaðsíða 38

38 MENNING
MORGUNBLAÐIÐ FIMMTUDAGUR 16. APRÍL 2015
Helgi Snær Sigurðsson
helgisnaer@mbl.is
Tectonics, tónlistarhátíð Sinfóníu-
hljómsveitar Íslands, fer fram í
fjórða sinn í dag og á morgun í
Hörpu. Hátíðin er haldin af SÍ í
samvinnu við Hörpu og listrænn
stjórnandi hennar er sem fyrr Ilan
Volkov, fyrrverandi aðalhljómsveit-
arstjóri SÍ. Dagskráin í ár, líkt og
fyrri ár, er fjölbreytt og þétt og
margir forvitnilegir tónleikar í boði.
Hátíðin hefur ávallt beint sjónum að
því hvað gerist þegar ólíkir lista-
menn úr ýmsum geirum tónlistar
mætast og brjóta upp formið og
stuðlar því að kraftmikilli til-
raunastefnu, eins og fram kom í við-
tali við Örnu Kristínu Einarsdóttur,
framkvæmdastjóra SÍ, í Morgun-
blaðinu í fyrra.
Af flytjendum Tectonics í ár má
nefna bandarísku tónlistarmennina
Robyn Schulkowsky, Alvin Curran,
Stephen O’Malley, áströlsku tónlist-
armennina Jon Rose, Joel Stern og
bresku tilraunadúóin Part Wild
Horses Mane On Both Sides og Us-
urper og SÍ mun frumflytja fimm ný
verk eftir Áka Ásgeirsson, Kristínu
Þóru Haraldsdóttur, Hlyn Aðils
Vilmarsson, Úlf Hansson og mynd-
listarmanninn Magnús Pálsson. Þá
verða flutt hljómsveitarverk eftir
tónskáldin Catherine Lamb, Klaus
Lang, Jon Rose/Elena Kats Chern-
in og Iancu Dumitrescu, svo nokkur
séu nefnd.
Mikil hreyfing á flekaskilum
„Það er þessi spurning sem hann
Ilan lagði upp með: Hvernig er
hægt að þróa sinfóníuna á 21. öld?“
segir Berglind María Tómasdóttir,
verkefnastjóri Tectonics, spurð að
því hvert sé listrænt markmið hátíð-
arinnar. Hún segir nafn hátíðar-
innar lýsandi fyrir það sem í boði sé
á henni. „Þetta eru flekaskil og á
þeim gerast hlutir. Á flekaskilum er
mikil hreyfing, þar eru eldsumbrot
og á þeim verður nýtt land til, um-
fram allt,“ segir Berglind.
Hátíðin var haldin í fyrsta sinn í
Hörpu árið 2012 og Tectonics-
hátíðir hafa einnig verið haldnar í
Glasgow, Adelaide, Tel Aviv og New
York. Berglind bendir á að öll er-
lendu verkin sem leikin verði á há-
tíðinni í Hörpu í ár hafi verið frum-
flutt á öðrum Tectonics-hátíðum.
Volkov hafi átt frumkvæði að því að
panta þau verk. „Þannig að þetta er
orðinn svolítill heimsklúbbur hjá
honum,“ segir Berglind.
– Listgreinar hafa líka runnið
saman á hátíðinni, m.a. myndlist og
tónlist?
„Já, algjörlega. Á fyrstu tónleik-
unum í ár heyrist í hljóðfærum sem
eru búin til af Söruh Kenchington
og félagsskapnum S.L.Á.T.U.R.
Þetta eru ævintýraleg hljóðfæri að
horfa á, sett saman úr allskyns
drasli eins og hjólapörtum og garð-
slöngum og alls konar pumpum,“
segir Berglind.
Kenchington er ensk tónlist-
arkona og skúlptúristi og býr í hjól-
hýsi úti í sveit í Skotlandi (stutt
myndband um hana má finna á slóð-
inni vimeo.com/42044785). „Hún er
dásamleg og ekki alveg af þessum
heimi,“ segir Berglind kímin.
Malagjörð frá Hæli á tjaldi
– Það er mikil listræn tilrauna-
mennska á hátíðinni og þá m.a. í
verki Magnúsar Pálssonar mynd-
listarmanns, Kúakyn í hættu?
„Jú. Það er rosalega spennandi.
Ef ég skil rétt Áshildi Haralds-
dóttur, flautuleikara í Sinfó, þá
stakk hún upp á því við Magnús og
Ilan að gera eitthvað og það stór-
kostlega við Ilan er að hann er svo
rosalega opinn. Hann réð Magnús í
verkið, að semja fyrir hljómsveitina
og Magnús gerði það,“ segir Berg-
lind. Þráinn Hjálmarsson tónskáld
hafi aðstoðað Magnús við að færa
hugmyndir hans yfir í nótur þannig
að hljómsveitin gæti flutt það. SÍ
flytur verkið með Nýló-kórnum og
leikurunum Arnari Jónssyni og
Guðrúnu Gísladóttur og á tjaldi
verður sýnt myndband eftir Stein-
þór Birgisson, af kúnni Malagjörð
frá Hæli. „Við erum búin að fá öll
tilskilin leyfi fyrir því að fá að inn-
vikla lyktarskyn fólks, virkja það
líka við flutninginn. Þetta verk er al-
farið helgað íslenska kúastofninum
og heitir Kúakyn í hættu og þarna
er Magnús að líta til orðræðunnar
eins og hún birtist um kúastofninn í
málgögnum eins og Bændablaðinu.
Textinn sem kórinn fer með er síðan
fluttur af hljómsveitinni, grunn-
hugmyndin er að hún líki eftir tal-
máli. Þetta er rosalega spennandi,
mikill gjörningur í stíl Magnúsar,“
segir Berglind.
Drone, málmur og Sinfó
– Þeir sem fylgjast lítið með
klassískri tónlist þurfa væntanlega
ekki að óttast Tectonics, hún höfðar
til það breiðs hóps?
„Algjörlega og það vinnur ekkert
endilega með fólki og ekki á móti
því heldur að koma úr þeirri hátt.
Þeir sem koma að hátíðinni eru með
alls konar bakgrunn eins og t.d. gít-
arleikarinn Stephen O’Malley. Hann
er svona „drone metal“-maður, spil-
ar einleik á rafmagnsgítar með
hljómsveitinni,“ segir Berglind. Af-
ar öflugir magnarar verði notaðir á
þeim tónleikum sem fara fram í
kvöld kl. 20 í Eldborg. „Þannig að
hljómurinn er ekkert úr sinfón-
íuheimum þó sinfóníuhljómsveit sé
að spila með honum,“ segir Berglind
og nefnir einnig lokatónleika hátíð-
arinnar þar sem ólíkindatólin í dú-
óinu Usurper koma síðust fram.
„Það verður öllu tjaldað til,“ segir
Berglind um hátíðina að lokum.
Frekari upplýsingar um hátíðina
má finna á tectonicsfestival.com.
„Það verður öllu tjaldað til“
 Tónlistarhátíðin Tectonics hefst í Hörpu í dag  Nýtt verk eftir Magnús Pálsson, Kúakyn í hættu,
verður flutt af Sinfóníuhljómsveit Íslands, Nýló-kórnum, Arnari Jónssyni og Guðrúnu Gísladóttur
Morgunblaðið/Kristinn
Í hættu Frá æfingu í Eldborg í gær á verki Magnúsar Pálssonar, Kúakyn í hættu, sem helgað er íslenska kúastofninum.
Morgunblaðið/Kristinn
Ævintýralegt Berglind við heimatilbúin hljóðfæri ensku tónlistarkonunnar og skúlptúristans Söruh Kenchington.
Fimmtudagur 16. apríl
 Norðurljós kl. 18. Upphafstónleikar.
Sarah Kenchington og S.L.Á.T.U.R.
Frumflutningur á nýjum verkum með
sérsmíðuðum hljóðfærum.
 Anddyri Hörpu kl. 19. Robyn Schul-
kowsky: Piers and Oceans 23 (frum-
flutningur). Robyn Schulkowsky flytur
verkið ásamt hljóðfæraleikurum úr
Sinfóníuhljómsveit Íslands og Ung-
sveit SÍ.
 Eldborg kl. 20. Hljómsveitar-
tónleikar I. Úlfur Hansson – Int-
erwoven (frumflutningur), Kristín
Þóra Haraldsdóttir – Water’s voices
(frumflutningur), Áki Ásgeirsson –
247° (frumflutningur), Catherine
Lamb – portions transparent/opaque:
1. Expand (2014), Iancu Dumitrescu –
Elan and Permanence (2013) fyrir raf-
magnsgítar og hljómsveit. Einleikari:
Stephen O’Malley. Hljómsveitarstjóri:
Ilan Volkov.
 Norðurljós kl. 22. Dúó – sóló. Jon
Rose og Alvin Curran – dúó, Anna
Thorvaldsdottir – sóló, Joel Stern –
sóló.
Föstudagur 17. apríl
 Norðurljós kl. 18. One4. Robyn
Schulkowsky – slagverk, Morton Feld-
man – King of Denmark (1964), John
Cage – One4 (1990), Part Wild Horses
Mane On Both Sides – slagverk og flau-
tudúó.
 Anddyri Hörpu kl. 19. Beams. Alvin
Curran – Beams fyrir hljómsveit og
raddir (frumflutningur), hljóðfæraleik-
arar úr Sinfóníuhljómsveit Íslands og
Ungsveit SÍ ásamt kór Listaháskóla
Íslands. Stjórnandi kórs: Sigurður
Halldórsson.
 Eldborg kl. 20. Hljómsveitartón-
leikar II. Hlynur Aðils Vilmarsson
(frumflutningur), Jon Rose/Elena Kats
Chernin – Elastic Band (2014) fyrir
fiðlu og hljómsveit. Jon Rose leikur á
fiðlu. Klaus Lang – the thin letter
(2014). Magnús Pálsson – Kúakyn í
hættu – fyrir hljómsveit, kór og tvo
leikara (frumflutningur). Kór: Nýló-
kórinn. Stjórnandi kórs: Þráinn Hjálm-
arsson. Leikarar: Arnar Jónsson og
Guðrún Gísladóttir. Höfundur mynd-
bands: Steinþór Birgisson. Aðstoð: Ás-
hildur Haraldsdóttir. Hljómsveitar-
stjóri: Ilan Volkov.
 Norðurljós kl. 22. Lokatónleikar.
Bergrún Snæbjörnsdóttir og Kristín
Þóra Haraldsdóttir, Klaus Lang og Us-
urper – dúó.
Dagskrá Tectonics 2015
Stjórnandinn Ilan Volkov er list-
rænn stjórnandi Tectonics.
22. apríl vinnur
heppinn áskrifandi glæsilega
Toyota Corolla bifreið að
verðmæti 4.899.000 kr.