Morgunblaðið - Sunnudagur - 05.04.2015, Blaðsíða 24

24 MORGUNBLAÐIÐ SUNNUDAGUR 5.4. 2015
Heilsa og hreyfing
Þ
egar tárvotur Eiður Smári Guðjohnsen
lýsti því yfir í frægu samtali við Hauk
Harðarson, íþróttafréttamann Rík-
isútvarpsins, eftir ósigur Íslands gegn
Króatíu ytra haustið 2013 að hann hefði að
öllum líkindum leikið sinn síðasta landsleik
var engin ástæða til að ætla að honum skjöpl-
aðist. Eiður Smári hafði stigið niður af stóra
sviðinu og allt benti til þess að hann myndi
ljúka glæstum ferli í rólegheitum í Belgíu.
Þegar undankeppni EM í Frakklandi 2016
hófst síðastliðið haust hafði Eiður Smári losn-
að undan samningi við Club Brugge og var án
félags. Vitaskuld kom þá ekki til álita að velja
hann í landsliðið. Mánuðirnir liðu og spark-
unnendur veltu því alvarlega fyrir sér hvort
atvinnumannsferill Eiðs Smára væri hreinlega
á enda. Öll sund virtust lokuð.
Á sama tíma brilleraði íslenska landsliðið í
téðri forkeppni og hafði lítil sem engin not
fyrir yngri og ferskari fætur, svo sem Alfreð
Finnbogason og Viðar Örn Kjartansson, sem
báðir höfðu markakóngstitla á afrekaskrá
sinni í fyrra, í Hollandi og Noregi. Fáir hugs-
uðu til Eiðs Smára.
JÁ með hástöfum
Steig þá ekki Bolton Wanderers inn í at-
burðarásina. Hans gamli vinnuveitandi á Eng-
landi. Ýmsir hleyptu brúnum, vitað var að
Eiður Smári hafði æft vel í útlegðinni en væri
hann, orðinn 36 ára gamall, einhver bógur í
ensku B-deildina sem sumir segja þá hörðustu
í heimi. Nú, fjórum mánuðum síðar, liggur
svarið fyrir: JÁ. Og það með hástöfum.
Eiður Smári hefur átt góðu gengi að fagna
með Bolton og val hans í landsliðshópinn fyrir
leikinn gegn Kasakstan kom fyrir vikið alls
ekki á óvart. Og met lágu í loftinu.
Þegar Eiður Smári kom Íslendingum á
bragðið í Astana bætti hann ekki einungis eig-
ið markamet – þetta var hans 25. mark fyrir
landsliðið – heldur varð hann einnig elsti Ís-
lendingurinn til að skora mark í landsleik, 36
ára og 195 daga gamall. Sló þar með sautján
ára gamalt met föður síns, Arnórs Guðjohn-
sens, sem var 36 ára og 74 daga gamall þegar
hann var síðast á skotskónum í sínum sein-
asta landsleik, 4:0-sigri á Liechtenstein haust-
ið 1998.
Feðgarnir eru langelstu markaskorarar í
sögu landsliðsins.
Birkir elstur
Sjaldgæft er að menn hafi leikið landsleiki
fyrir Íslands hönd orðnir eldri en 35 ára,
raunar aðeins þrír fyrir utan feðgana.
Elstur er Birkir Kristinsson, sem var 40
ára og fjögurra daga gamall þegar hann varði
markið í sögufrægum leik gegn Ítölum á
Laugardalsvellinum sumarið 2004. Elsti úti-
leikmaðurinn er Guðni Bergsson, sem var 37
ára og 335 daga gamall þegar landsliðsferli
hans lauk sumarið 2003. Guðni hafði þá verið í
sex ár úti í kuldanum, eins og frægt er. Her-
mann Hreiðarsson var 37 ára og 31 dags
gamall þegar hann reimaði síðast á sig lands-
liðsskóna, sumarið 2011.
Albert Guðmundsson og Ríkharður Jónsson
eru meðal þeirra sem léku sinn síðasta lands-
leik 35 ára. Rúnar Kristinsson var rétt að
verða 35 ára og Ásgeir Sigurvinsson var 34
ára. Eins Atli Eðvaldsson. Svo nokkrir af okk-
ar fremstu og farsælustu sparkendum gegn-
um tíðina séu nefndir til sögunnar.
Þess má til gamans geta að elsti nýliðinn til
að leika landsleik er Ragnar Sigtryggsson,
„Gógó“, leikmaður ÍBA en hann var 32 ára
þegar hann þreytti frumraun sína gegn Belgíu
1957 í 2:5-ósigri. Lék sem vinstri-innherji. Það
varð hans eini landsleikur.
Níu líf eins og kötturinn
Ferill Eiðs Smára er um margt merkilegur.
Hann virðist eiga níu líf eins og kötturinn.
Það leit ekki gæfulega út í byrjun, slæm
meiðsli sem Eiður Smári hlaut á unglingsaldri
gerðu hér um bil draum hans um atvinnu-
mennsku að engu. Eftir tvö ár reis hann loks
upp aftur og flaug hátt lengi vel á eftir. Eink-
um hjá Chelsea og Barcelona. Frægt var líka
þegar Tony Pulis saltaði Eið Smára niður í
tunnu hjá Stoke City. Einhverjir efuðust um
að hann ætti afturkvæmt eftir það. Svo var
það slæmt fótbrot hjá AEK í Aþenu, þegar
hann var kominn á fertugsaldurinn. Það hefði
líkast til stöðvað einhverja. En ekki Eið
Smára. Það gerði heldur ekki útlegðin í fyrra.
Hann andaði bara hinn rólegasti í bréfpoka og
fann sér að lokum lið. Sem féll eins og flís við
rass. Þá var leiðin aftur greið í landsliðið. Og
þegar maður er valinn í lið mætir maður, eins
og kappinn orðaði það sjálfur í samtölum við
fréttamenn í Kasakstan. Kallast þetta ekki að
mæta með læti?
ALDUR ENGIN FYRIRSTAÐA Í KNATTSPYRNU
Að sverja dýran Eið
Eiður Smári Guðjohnsen glímir við Gafurzhan Suyumbayev í Astana um liðna helgi.
AFP
* Ferill EiðsSmára er ummargt merkilegur.
Hann virðist eiga
níu líf eins og
kötturinn.
EIÐUR SMÁRI GUÐJOHNSEN VARÐ
UM LIÐNA HELGI ELSTI MARKA-
SKORARINN Í SÖGU ÍSLENSKA
KARLALANDSLIÐSINS Í KNATT-
SPYRNU. SLÓ SAUTJÁN ÁRA GAM-
ALT MET FÖÐUR SÍNS, ARNÓRS
GUÐJOHNSENS. FÁTÍTT ER AÐ LEIK-
MENN ELDRI EN 35 ÁRA SKRÝÐIST
LANDSLIÐSTREYJUNNI OG ENN
SJALDGÆFARA AÐ ÞEIR EIGI VIÐ
NETMÖSKVANA. ÞAÐ HAFA RAUN-
AR BARA FEÐGARNIR GERT.
Orri Páll Ormarsson orri@mbl.is
Birkir Kristinsson, elsti landsliðsmaður Íslands. Arnór Guðjohnsen missti met til sonar síns.
Englendingurinn Dean Martin er að öllum líkindum elsti markaskorarinn í efstu deild á Íslandi
en hann var nýorðinn fertugur þegar hann skoraði fyrir Skagamenn gegn FH haustið 2012.
Martin lék síðast í efstu deild í fyrra, með Eyjamönnum, 42 ára. Sinisa Kekić var 39 ára þegar
hann skoraði sitt síðasta mark í efstu deild fyrir HK 2008.
Dean Martin elsti markaskorari á Íslandi