Morgunblaðið - Sunnudagur - 05.04.2015, Blaðsíða 30

Matur
og drykkir *Guðrún Ögmundsdóttir notar rifinncheddarost í brauðsósu á næstu opnu encheddarost er frábært að nota í ýmsa réttiog einnig í brauðbakstur. Þannig má bætavið nærri hálfum osti í brauðdeig, betra aðnota lyftiduftsuppskrift og brauðið verðurhátíðarmatur. Þá er hann frábær í litlum
teningum í salöt og mjög góður rifinn yfir
kjötbollur ekki síður en parmesanrétti.
Ekki gleyma cheddarostinum
Þ
etta er kvennaarmur Hvassaleit-
isfjölskyldunnar, tengda-
fjölskyldu minnar, sem þarna er
samankominn,“ segir Guðrún
Ögmundsdóttir, fyrrverandi alþing-
ismaður, sem í dag starfar sem tengilið-
ur vistheimila hjá Innanríkisráðuneyt-
inu.
Guðrún er mikill listakokkur og krás-
irnar sem hún bauð upp á á heimili sínu
í Skuggahverfinu voru hver annarri
girnilegri og eftirtektarvert hvað hún er
frumleg. Guðrún grúskar mikið í mat og
fer til dæmis reglulega á Tyrkneska
basarinn í Ármúla þar sem að hennar
sögn fæst æðislegur fetaostur. Þá útbjó
hún eftirrétt sem er upplagt að prófa
nú um páskana og hún kallar páska-
eggjaeftirrétt, eins konar heimatilbúnar
páskaeggjakökur með nammi og öllu.
„Við konurnar skiptumst á að halda
þetta boð árlega sem við köllum góuboð
því það er haldið á góunni. Stúlkum og
konum sem orðnar eru 18 ára er boðið
en vitaskuld vantar alltaf einhvern, ein-
hver er í útlöndum og svo framvegis
svo það er ekki alltaf fullmannað.
Tengdapabbi byrjaði á þessu með því að
búa til samskonar gleði fyrir strákana í
fjölskyldunni á þorranum og okkar svar
við því var að halda góugleði hjá kon-
unum. Þetta er óskaplega gaman og
sérstaklega að hafa allar ungu konurnar
með,“ segir Guðrún.
Stundum hafa karla- og kvennaboðin
verið haldin sama kvöld og hóparnir þá
jafnvel sameinast eftir boðin. Guðrún
segir að sér finnist fátt skemmtilegra
en að halda matarboð, ekki aðeins mat-
arins og eldamennskunnar vegna.
„Mér finnst það svo stór partur af því
að bjóða heim að sýna með því um-
hyggju og fá tækifæri til að umvefja
fólk, fólkið manns þarf líka á slíku á
halda og það er svo gaman að sitja
saman yfir góðum mat. Þetta þarf held-
ur ekki að vera flókið, maður á að geta
gert þetta á afslappaðan hátt og eldað
bara alls konar.“
Það var komin vortilhlökkun í Guð-
rúnu þetta föstudagskvöld sem hún
bauð heim og boðið bar þess merki.
Raunar var það allt skipulagt – hvernig
sól og ylur áttu að skína í gegn og lyfta
andanum.
„Það var til dæmis þaulskipulagt að
hafa sítrónubörkinn í nær öllu og láta
hann koma þannig með sólina í boðið og
chilikryddið, sem var meira að segja í
eftirréttinum, kom með ylinn,“ segir
Guðrún og bætir við að það hafi heppn-
ast að láta gesti finna að vorið væri að
koma. „Þetta var sannkallað sólarboð
með æðislegum upptakti.“
Hópurinn frá vinstri: Rósa Björg Sigurðardóttir,
Ingibjörg Helga Gísladóttir, Ástríður Viðars-
dóttir, Marinella Arnórsdóttir, Ragnheiður Jóns-
dóttir, Valgerður Bjarnadóttir, Þóra Víkings-
dóttir, Ragnheiður Víkingsdóttir og Guðrún sjálf.
Morgunblaðið/Styrmir Kári
GUÐRÚN ÖGMUNDSDÓTTIR BÝÐUR HEIM
Góugleði kvennaarms fjölskyldunnar
GUÐRÚN ÖGMUNDSDÓTTIR BAUÐ KONUNUM Í FJÖLSKYLDU EIGINMANNS SÍNS HEIM Í SVOKALLAÐA GÓUGLEÐI OG VAR
HLEGIÐ OG MASAÐ FRAM Á NÓTT. GUÐRÚN ER AFSPYRNUFLINK Í ELDHÚSINU.
Júlía Margrét Alexandersdóttir julia@mbl.is
Guðrún hífir tagliatelle upp úr pottinum, að sjálfsögðu ferskt.