Húnavaka - 01.05.1978, Qupperneq 145

H Ú N AVA K A
143
Þann 10. apríl andaðist á Héraðshælinu á Blönduósi Björg Rann-
veig Runólfsdóttir. Hún var fædd 3. júní 1892 í Hólmi í Landbroti.
Foreldrar hennar voru hjónin Runólfur Bjarnason og Rannveig
Bjarnadóttir. Þau bjuggu í Hólmi en jafnframt búskapnum stundaði
Runólfur smáskammtalækningar. Björg var næstelst níu systkina og
eru fjögur þeirra á lífi nú. 14 ára gömtd var Björg sett í fóstur að
Hnausum í Meðallandi. Dvaldist hún þar til 26 ára aldurs en fluttist
þá aftur í Hólm. Skólaganga Bjargar var ekki löng. Hún naut far-
skólakennslu í fáeinar vikur. Þá lærði hún einnig fatasanm.
Árið 1930 giftist Björg Aðalbirni Sigfússyni. Hann er ættaður úr
Mývatnssveit. Þau, Björg og Aðalbjörn, hófu búskap sinn í Bárðar-
dal, en vorið 1933 keyptu þau jörðina Hvarnni í Langadal. Árið 1943
slitu þau hjónin samvistum. Björg sat jörðina áfram með börnum
þeirra. Þau eru: Runólfur bóndi í Hvammi, kvæntnr Sigurbjörgu
Hafsteinsdóttur og Gerður, gift Pétri Hafsteinssyni bónda í Hólabæ.
Björg Rannveig var trúuð kona, einlæg og kirkjurækin. í guðs-
trúna sótti hún styrk í erfiðleikum. Hún var hógvær og full kær-
leika. Börn hændust að henni. Á sumrin var jafnan margt drengja í
Hvammi, og þeir fengu lijá henni gott veganesti fyrir lífið.
Við andlát Bjargar í Hvammi og þegar ævi liennar er rakin koma
ósjálfrátt í hugann orð Drottins: „Gott þú góði og trúi þjónn . . .
. . . gakk inn til fagnaðar herra þíns.“
Baldur Ármann Þorvaldsson andaðist á Landsspítalanum í Reykja-
vík 28. apríl. Hann var fæddur á Blönduósi 9. des. 1946. Foreldrar
hans voru lijónin Þorvaldur Þorláksson vélsmiður og Jónína Andrós
Jónsdóttir frá Hreggsstöðum á Barðaströnd.
Baldur ólst upp á Blönduósi hjá foreldrum sínum en vorið 1960
missti hann móður sína. Hann fór snemma að vinna í vélsmiðjunni
lijá föður sínum og þar hóf hann nám í vélvirkjun í september 1962.
Sveinsprófi lauk Baldur fjórum árum síðar og meistarapróf í grein-
inni hlaut hann í ársbyrjun 1970. Lengst af starfaði Baldur í Vél-
smiðjunni Vísi en var á fjórða ár starfsmaður Sölufélagsins.
Hinn 1. júlí 1967 kvæntist Baldur eftirlifandi konu sinni, Huldu
Baldursdóttur. Kynni þeirra höfðu staðið allt frá bernsku. Þau
Baldur og Hulda eignuðust tvö börn, Jónínu og Baldur Reyni. Þau
voru bæði komin á skólaaldur við lát föður síns.