Húnavaka - 01.05.1983, Qupperneq 237

HÚNAVAKA
235
Haustið 1981 þegar Sæborgin
var keypt, var farið að gera út á
línu hér í fyrsta skipti í langan
tíma. Aflinn var að mestu verk-
aður í skreið, en besti fiskurinn
var þó sendur til Skagastrandar
í vinnslu í skiptum fyrir smærri
fisk, sem síðan var hengdur upp.
Treglega gekk að selja skreiðina
og eru enn óseld um 14 tonn.
Mikið var hengt upp af hausum
og gekk vel að selja þá.
Sex bátar lögðu upp 90 tonn af
hrefnukjöti á tímabilinu frá
miðjum júní til ágústloka. Var
það unnið fyrir Japansmarkað og
fylgdust tveir japanskir eftirlits-
menn með framleiðslunni allan
tímann.
Engin skel var unnin á árinu
vegna óhagstæðs söluverðs, en
betur horfir í ár og er ákveðið að
byrja skelvinnslu í mars.
Særún hf. keypti hluta Matt-
híasar Sigursteinssonar í Sæ-
borginni á miðju ári.
Heildarlaunagreiðslur hjá fyr-
irtækinu námu um 3.3 milljónum
króna á árinu, og var starfs-
mannafjöldinn 15-30 manns.
Kán.
FRÁ TREFJAPLASTI HF.
Trefjaplast h.f. hefir ekki farið
varhluta af rekstrarerfiðleikum
fyrirtækja á s.l. ári. Þó var reynt
að halda í horfinu. Ekki komu
fram neinar sérstakar nýjungar.
Allmikið var selt af heitum pott-
um. Að öðru leyti var um hefð-
bundna framleiðslu að ræða:
kappróðrarbáta, laxeldiskör,
vatnabáta sem sökkva ekki og alls
konar kör og ílát fyrir matvæla-
iðnaðinn og sjávarútveginn.
Undir áramótin var farið að
búa til stóra 28 feta fiskibáta fyrir
aðila suður í Vogum. Verða
nokkrir slíkir bátar framleiddir.
Þá voru búnir til tveir tankar
fyrir Sjóefnavinnsluna h.f.
JJ
FRA héraðsskjalasafninu.
Haldið var áfram að koma safn-
inu fyrir. Aðaláhersla var lögð á
að raða upp myndasafninu. Nú
eru þegar skráðar tæpar 2.000
myndir. Af allmörgum einstakl-
ingum eru til nokkrar myndir,
teknar á mismunandi aldurs-
skeiðum.
Margir hafa gefið safninu skjöl
eða skjalasöfn. Stærstu gjafirnar
eru frá Bjarna Jónassyni frá
Blöndudalshólum, frá dánarbúi
Péturs Sæmundsen bankastjóra
og frá dánarbúi Sigurðar Er-
lendssonar, Stóru Giljá. Þá sendi
Pétur Ingjaldsson fyrrverandi
prófastur alla reikninga kirkna
Austur-Húnavatnssýslu svo og
munaskrár. Margir aðrir hafa
gefið safninu gjafir, þótt þeirra sé