Húnavaka - 01.05.1983, Blaðsíða 255

HÚNAVAKA
253
Sigtryggsson er skipstjóri á Örv-
ari.
Skagstrendingur h.f. stendur
nokkuð traustum fótum fjár-
hagslega. Hrein eign félagsins var
nú um áramótin um 30 millj.
króna en hlutafé um 8 millj. í eigu
250 hluthafa. Má reikna með að
allt að 60 manns hafi nú togara-
sjómennsku sem aðalatvinnu, en
með tilkomu Örvars hafi skapast
um 40 störf í allt.
Vinnsla í landi.
Hólanes h.f. tók á móti 4563
tonnum af fiski árið 1982. Var
það 25% minna en árið áður. Or-
sök þessa voru minni afli togarans
Arnars og mjög lítil línuveiði. En
afleiðingin varð hins vegar sú að
saltfiskverkun var mjög lítil, og
engin eftir að línuveiðum á vetr-
arvertíð lauk. Stöðvun saltfisk-
verkunarinnar hafði það í för
með sér að störfum fækkaði um
15-20 hjá fyrirtækinu en fyrir-
tækið veitir að meðaltali um 75
störf. Þótt Hólanesi h.f. hafi bor-
ist hráefni nokkuð samfellt allt
árið, þá hafði minna hráefnis-
magn það í för með sér að yfir-
vinna starfsfólks minnkaði stór-
lega og lagðist nánast af seinni
hluta árs. Yfir sumarmánuðina
var skreiðarverkun mun minni en
verið hefur undanfarin ár. Ung-
lingar, sem oft hafa fengið vinnu í
skreiðarverkuninni höfðu því
frekar lítið að gera. Tölulega var
skipting milli verkunaraðferða
eftirfarandi: fryst 4300 tonn,
söltuð 163 tonn og í skreið 101
tonn. Heildarsöluverðmæti af-
urða frá fyrirtækinu var 122 millj.
króna þar af var þorskur og ýsa
um 64 millj. en grálúða um 57
millj. en það er miklu hærra
hlutfall grálúðu en verið hefur.
Vegna þess samdráttar sem orðið
hefur í rekstrinum má segja að
fjárhagsstaða fyrirtækisins hafi
staðið í járnum, og því hefur það
ekki lagt í neinar verklegar fram-
kvæmdir á árinu. Allur beinaúr-
gangur frá fyrirtækinu var
bræddur hjá Síldarverksmiðju
ríkisins á staðnum. Var fram-
leiðsla Síldarverksmiðjunnar um
400 tonn af fiskimjöli. Seldist það
allt til bænda í Húnavatns-
sýslum.
Rækjuvinnslan h.f. tók á móti
733 tonnum af rækju á árinu, þar
af voru 144 tonn hafrækja, en 589
tonn rækja úr flóanum. Frá því
að rækjuvertíð hófst í janúar og
fram í maí, var stöðug vinna.
Hins vegar barst ekki næg út-
hafsrækja yfir sumarmánuðina til
að halda stöðugri vinnu. Þá var
tíminn notaður til að lagfæra hús
og vélar. Frystigeta vinnslunnar
var og stóraukin með nýrri frysti-
pressu. Einnig var mikið lagfært
umhverfis vinnsluhúsið, steyptar
stéttar og lögð olíumöl. í septem-