Morgunblaðið - 01.05.2015, Page 5

JÖFNUÐUR BÝR TIL
BETRA SAMFÉLAG
1. MAÍ 2015
Verkalýðshreyfingin berst fyrir mannsæmandi kjörum
launafólks og samfélagi jafnréttis og jafnra tækifæra.
Þeim samfélögum vegnar best þar sem jöfnuður er
mikill. Þar eru lífsgæði almennings mest og mannlífið
betra. Staðreyndir sýna einnig að aukinn jöfnuður stuðlar
að betri samkeppnishæfni þjóða og meiri hagvexti.
Það græða því allir á auknum jöfnuði.
Það er grundvallarkrafa að fólk lifi af dagvinnulaunum.
Langur vinnudagur og mikið álag skerða lífsgæði,
draga úr framleiðni og auka samfélagslegan kostnað.
Þess vegna er krafa almenns launafólks um ríflegar
kjarabætur í komandi kjarasamningum bæði réttlát og
nauðsynleg. Vinnum sameiginlega að því að bæta kjörin
því jöfnuður býr til betra samfélag fyrir okkur öll.
ASÍ óskar launafólki til hamingju með daginn og hvetur
til samstöðu í aðgerðum stéttarfélaganna 1. maí.